Efeso 4:30 - Anang Ambal Ang Dios – Bago Nga Katipan

³⁰ Indi kamo magimo ang mga butang nga makataw kasubu sa anang Ispirito Santo ang Dios. Ay ang Ispirito Santo nga dia maman ang pinakatanda nga kamo ana ang Dios, kag garantia nga makalibri kamo ron sa paraaboton nga adlaw ang pagukum.

Efeso 4:30 ပူးပေါင်းရင်းမြစ်များ

Marcos 3:5

Ginsulung sanda ni Jesus nga may kasilag, piro masubu tana ra sa katugas andang mga tagiposoon. Makon na dayon sa lalaki nga paralisado anang alima, “Abi onata imong alima!” Kag ginonat na ra gani, kag anang alima nagayad.

Lucas 21:28

Kon ang mga butang nga dia magompisa run nga magkaratabo, indi kamo magkaadluk ay madali run lang gid ang paglowas kanindo.”

Juan 3:33

Piro ang mga nagapati tana sa anang ginasogid nagapamatood nga anang ginasogid ang Dios matood.

Mga Binoatan 7:51

Pagkatapos makon ni Esteban sa mga tao doto sa konsilyo, “Maturugas indong mga olo! Nagapabungul kamo sa anang minsai ang Dios ay indi nindo gosto nga magtoman sa anang mga ginakoon kanindo. Pirmi nindo nga ginakontra ang Ispirito Santo. Pario kamo gid sa indong mga kaolang-olangan.

Roma 8:11

Kabay pagkapatay ni Jesus ginbanaw tana ang Dios. Karon, tungud nga anang Ispirito ang Dios nagaoli dian kanindo, ang Dios nga nagbanaw kay Cristo maman da ang magataw kaboi sa indong mga lawas nga dan nga napapatay. Kag dia imoon na paagi sa anang Ispirito nga nagaoli kanindo.

Roma 8:23

Piro bukun lang sanda, kondi pati kita nga nakabaton ang Ispirito Santo bilang ona nga rigalo ang Dios nagaulat ra mintras nagapaabot-abot kita ang adlaw nga atun mga lawas nga dia bagoon ang Dios, kag imoon na kita nga anang mga bata run gid.

1 Corinto 1:30

Sa anang pagbuut ang Dios kita dadi kay Cristo Jesus ron. Si Cristo maman ang nagataw kanatun ang kaaram nga alin sa Dios. Kag paagi ra kay Cristo ginbilang kita run ang Dios nga matarung, kanana run, kag tinobos sa atun mga sala.

1 Corinto 15:54

Gani kon ang lawas nga dia nga naroronot mailisan run ang indi maronot, kag kon ang lawas nga napapatay mailisan ang lawas nga indi run mapatay, matotoman run ang nasolat nga, “Gindora run ang Dios ang kamatayun!”

1 Tesalonica 5:19

Indi nindo pagpugungan anang ginaimo ang Ispirito Santo;

Hebreo 10:29

Gani kon toladato sigorado gid nga mas grabi pa gid ang maging silot sa tao nga nagapakalain sa anang Bata ang Dios mismo kag nagabali ara sa anang dogo nga nagpabakud anang pangako ang Dios — ang dogo nga maman ra ang naglimpyo kanana sa anang mga sala. Maging mas grabi matood ang imoon sa tao nga toladan ay ginainsolto na ra ang maloloyon nga Ispirito Santo.

Hebreo 3:10

Gani nasilag ako gid kananda. Kag nagkoon ako nga pirmi sanda nagatalang kag indi sanda magsonod sa akun ginatodlo kananda.

Hebreo 3:17

Kag sino anang ginkasilagan ang Dios sa sulud 40 ka toig? Bukun bala ang mga tao nga nagparakasala kag nagkarapatay doto sa logar nga ara ginaolii ang tao?