Colosas 4:8 - Anang Ambal Ang Dios – Bago Nga Katipan

⁸ Ginpadara ko tana dian agud ibarita na kanindo amun kaimtangan digi, kag agud indi kamo magpalibug parti kanamun.

Colosas 4:8 ပူးပေါင်းရင်းမြစ်များ

1 Corinto 4:17

Maman dan nga ginapadara ko dian kanindo si Timoteo nga akun palangga kag masarigan nga bata sa Ginoo, agud padumdumun na kamo akun mga patakaran sa pagkaboi bilang somolonod ni Cristo. Maman ra dia akun ginatodlo sa mga tomoloo sa bisan diin nga logar.

2 Corinto 1:4

Ginapabaskug na kita kag ginalipay sa tanan ta nga mga kalisud agud nga paagi sa bolig nga dia nga atun nabaton kanana makapabaskug kita ra kag makalipay sa iba sa andang mga kalisud.

2 Corinto 12:18

Ginpangabay ko ra si Tito nga magayan dian kag ginpatabid ko ra kanana ang sangka kabogto pa gid kay Cristo. Indi kamo ra makakoon nga ginloko kamo ni Tito. Indi maimo nga lokoon na kamo ay nakita nindo ra nga pario amun ogali kag katoyoan.

2 Corinto 2:7

Patawada nindo tana run kag pabaskugun dayon, ay basi kon masobraan anang kasubu.

Efeso 6:22

Ginpadara ko tana dian agud masogidan na kamo parti sa amun kaimtangan digi kag agud mapabaskug na kamo.

Filipos 2:28

Gani gosto ko ron da gid nga paoliun tana dian, agud malipay kamo ra kon makita nindo tana, kag pati ako indi run da magsari palibug.

Colosas 2:2

Dia ginaimo ko para mapabaskug indong pagtoo sa Dios. Gintodloan ko kamo nga may gogma, kag akun ginapaabot nga maintindian nindo gid kag maulaman ang mga sikrito nga alin sa Dios kag parti kay Cristo. Ay si Cristo maman ang ginaalinan ang tanan nga kinaaram kag pagintindi.

1 Tesalonica 2:11

Naulaman nindo ra nga gintrato namun ang kada isara kanindo nga pario gid anang pagtrato ang tatay sa anang mga bata.

1 Tesalonica 3:2

kag si Timoteo amun paayanun dian kanindo. Tana atun kabogto kag kaiban namun nga nagasirbi sa Dios sa pagpanodlo ang Mayad nga Barita parti kay Cristo. Ginpaayan namun tana kanindo agud mapabaskug kag mapabakud indong pagtoo,

1 Tesalonica 3:5

Maman dan nga ginpaayan ko dian si Timoteo agud maulaman ko kon paiwan indong pagtoo, tungud nga indi ako ron mapabutang; ay basi kon gindaug kamo ni Satanas kag masayang lang amun kabudlay sa pagtodlo kanindo.

1 Tesalonica 4:18

Gani pabaskugun nindo kag lipayun ang isara kag isara paagi sa mga panodlo nga dia.

1 Tesalonica 5:11

Gani magpadayon kamo nga magpabaskug kag magpabakud sa isara kag isara, pario indong ginaimo dadi.

1 Tesalonica 5:14

Nagapangabay kami ra kanindo nga paandaman nindo ang mga tamad. Pabaskugun nindo ang mga mainadlukun kag boligan ang mga maroya sa andang pagtoo. Kag maging mapinasinsyaun kamo sa tanan.