Apokalipsis 8:12 - Anang Ambal Ang Dios – Bago Nga Katipan

¹² Ang ikaapat nga angil nagpatonog anang trompita, kag ang natabo, naigo ang trisya parti ang adlaw, trisya parti ang bolan, kag trisya parti ang mga bitoon, kag nadora ang trisya parti andang sanag. Gani nagdulum sa trisya parti ang adlaw kag sa trisya parti ang gabi.

Apokalipsis 8:12 ပူးပေါင်းရင်းမြစ်များ

Mateo 24:29

“Pagkatapos lang ang mga kalisud sa tyimpo nga dato, ang adlaw magadulum kag ang bolan indi run magsanag, kag ang mga bitoon magakaraolog. Ang mga dian sa langit magataralang sa andang dati nga ginaagian.

Mateo 27:45

Pagabot ang ogtong adlaw nagdulum ang kalibotan sa sulud tatlo ka oras.

Marcos 13:24

“Piro pagkatapos ang mga kalisud sa mga adlaw nga dato, ang adlaw magadulum, kag ang bolan indi run magsanag,

Marcos 15:33

Pagogto ang adlaw, nagdulum ang kalibotan sa sulud tatlo ka oras.

Lucas 21:25

“Matatabo ra nga may mga tanda nga makikita sa adlaw, sa bolan, kag sa mga bitoon. Digi sa logta kukulbaan nga mayad ang mga tao tungud sa mabaraul nga mga daloyon nga nagaralagomba.

Mga Binoatan 2:20

Magadulum ang adlaw, kag ang bolan magapola pario sa dogo. Dia matatabo bago magabot ang makatiringala nga adlaw nga dato nga ang Ginoo magaukum.

2 Corinto 4:4

Indi sanda magpati sa Mayad nga Barita tungud nga andang mga isip ginduluman ni Satanas nga maman ang nagapakadios sa kalibotan nga dia. Ginbolag na sanda agud indi sanda masanagan ang Mayad nga Barita parti sa anang gaum ni Cristo nga maman gid anang kapario ang Dios.

Apokalipsis 16:10

Ginola dayon ang ikalima nga angil anang sulud anang yaong doto sa anang trono ang sapat. Kag nagdulum dayon sa anang bilog nga ginarian. Kag tungud sa mga pinitinsya nga anang ginaantos ang mga tao, ginkagat nanda run lang andang bibig.

Apokalipsis 6:12

Pagkatapos ang ikaanum run nga pintal ang ginukas ang Karniro. Pagkaukas dato, naglinog dayon ang mabaskug. Ang adlaw nagitum pario sa maitum gid nga tila nga ginagamit sa pagloksa, kag ang bolan nagpola pario sa dogo.

Apokalipsis 9:15

Gani ginpamolyawan ang apat ka angil nga dato. Ginpriparar sanda run nga lagi para sa oras gid nga dato, agud pamatayun nanda ang trisya parti ang tanan nga mga tao.

Apokalipsis 9:18

Kag paagi sa tatlo nga dia ka sarot: ang kalayo, ang aso, kag ang asopri nga nagagoa sa anang baba ang mga kabayo, nagkarapatay ang trisya parti ang mga tao.