Apokalipsis 7:16 - Anang Ambal Ang Dios – Bago Nga Katipan

¹⁶ Indi sanda run gid paggutumun okon wawon. Kag indi sanda run da mainitan okon mapaso sa init ang adlaw.

Apokalipsis 7:16 ပူးပေါင်းရင်းမြစ်များ

Mateo 13:21

Garing bukun gid tuduk sa anang tagiposoon, gani ara lang boay anang pagtoo. Pagabot ang kalisud okon pagingabot tungud sa anang ambal ang Dios nga anang ginabaton, ginabayaan na nga lagi anang pagtoo.

Mateo 13:6

Piro paginit ang adlaw, nagkaralayung, ay anang gamot manabaw.

Mateo 5:6

Masoirti ang mga tao nga gosto gid magimo anang kabubutun ang Dios, ay boligan sanda ang Dios agud maimo nanda andang ginaandum nga dato.

Marcos 4:17

Garing bukun tuduk sa andang tagiposoon, gani ara lang boay andang pagtoo. Pagabot ang kalisud okon pagingabot tungud sa anang ambal ang Dios nga andang ginbaton, nagabaya sanda nga lagi sa andang pagtoo.

Marcos 4:6

Garing pagabot ang tig-irinit nagkaralayung kag tungud nga kolang anang gamot, nauga.

Lucas 1:53

Gintawan na ang mayad nga mga butang ang mga pobri, Piro ang mga manggaranun tana ginpaalin na lang nga ara gid dara.

Lucas 6:21

Masoirti kamo nga gosto gid magimo anang kabubutun ang Dios, ay boligan na kamo agud maimo nindo indong ginaandum nga dan. Masoirti kamo nga nagapanangis, ay kamo lilipayun.”

Juan 4:14

Piro ang nagainum tana ang tobig nga akun itaw indi run gid pagwawon. Ay ang tobig nga akun itaw maging pario sa boi nga toboran dian kanana nga magataw kaboi nga ara kataposan.”

Santiago 1:11

Ay nalalayung ang ilamonon mintras nagataas kag nagainit nga nagainit ang adlaw, kag naoolog dayon anang bolak kag nadodora anang kasadya. Toladan ra ang tao nga manggaranun, mapapatay tana mintras masaku sa anang mga ginaimo.

Apokalipsis 21:4

Papaidun na andang mga loa sa andang mga mata. Ara run kamatayun, kag ara run kasubu. Ara run pagpanangis, kag ara run da kasakit, tungud nga ang dati nga mga butang nakalubas run.”