Apokalipsis 22:2 - Anang Ambal Ang Dios – Bago Nga Katipan

² kag nagailig sa tunga anang karsada ang siodad. Sa anang binit magtimbang ang suba may kaoy nga nagataw kaboi nga nagapamonga dosi ka bisis sa sulud sangka toig, kaisara kada bolan. Kag anang daon ginagamit nga bolong para sa tanan nga mga tao.

Apokalipsis 22:2 ပူးပေါင်းရင်းမြစ်များ

Lucas 4:18

“Anang Ispirito ang Ginoo digi kanakun. Ay ako ginpili na nga magwali ang Mayad nga Barita sa mga pobri. Ginpadara na ako agud ipamarita sa mga biag nga libri sanda run, Kag sa mga bolag nga sanda makakita run, Kag sa mga ginapigus nga libri sanda run da.

1 Pedro 2:24

Si Cristo mismo ang nagako atun mga sala ang tana ginlansang sa kros agud indi kita run magkasala kondi magkaboi kita ang matadlung sa anang panulung. Tungud sa anang mga igad ginayad na kita.

Apokalipsis 2:7

“‘“Ang nagapamati magisip nga mayad sa anang ginakoon ang Ispirito Santo sa mga simbaan. “‘“Ang mga nagadaug kay Satanas togotan ko nga magkaun anang bonga ang kaoy nga nagataw kaboi, kag ang kaoy nga dan doto sa anang ginaolian ang Dios.”’”

Apokalipsis 21:21

Pirlas anang dosi ka pwertaan, ay ang kada pwertaan ginimo sa sangka pirlas nga mabaul. Anang karsada ang siodad nga dato poros bolawan kag nagasirang nga midyo sa salamin.

Apokalipsis 21:24

Ang mga tao sa kalibotan malalanyagan anang solo ang siodad nga dato, kag ang mga ari sa bilog nga kalibotan magadara andang manggad doto.

Apokalipsis 22:1

Ginpakita ra kanakun ang angil ang soba nga anang tobig nagataw bagong kaboi. Kag dia nagalanyag nga midyo sa kristal, kag nagaalin sa anang trono ang Dios kag ang Karniro

Apokalipsis 22:14

“Masoirti ang mga nagapalimpyo sa andang mga sala, tungud nga totogotan sanda nga magsulud sa mga pwertaan ang siodad kag magkaun anang bonga ang kaoy nga nagataw kaboi.

Apokalipsis 22:19

Kag ang magboin sa mga tagna sa libro nga dia, bulun ang Dios anang parti sa ginsambit digi nga bonga ang kaoy nga nagataw bagong kaboi. Kag indi tana run pagpasuludun sa Balaan nga Siodad nga nasambit ra digi sa libro nga dia.