Apokalipsis 22:14 - Anang Ambal Ang Dios – Bago Nga Katipan

¹⁴ “Masoirti ang mga nagapalimpyo sa andang mga sala, tungud nga totogotan sanda nga magsulud sa mga pwertaan ang siodad kag magkaun anang bonga ang kaoy nga nagataw kaboi.

Apokalipsis 22:14 ပူးပေါင်းရင်းမြစ်များ

Juan 10:7

Gani makon ni Jesus, “Ang matood tana, ako ang pinakapwertaan nga ginaagian ang mga tao nga maman ang mga pinakakarniro.

Juan 10:9

Ako maman ang pwertaan. Ang nagasulud paagi kanakun malowas. Pario tana sa karniro nga nagasulud kag nagagoa kag nakakikita ang parangaraban.

Juan 14:15

Kon ako ginaigogma nindo tomanun nindo akun mga sogo.

Juan 14:6

Makon ni Jesus kanana, “Ako ang dalan. Ara may makaayan sa Amay kon bukun paagi kanakun. Ako anang ginaalinan ang kamatoodan kag ang kaboi.

Juan 4:12

Atun kaolang-olangan nga si Jacob maman ang nagkotkot ang bobon nga dia. Tana kag anang mga bata pati anang mga ayup naginum sa bobon nga dia. Ano, sobra ka pa bala sa atun kaolang-olangan nga si Jacob?”

1 Corinto 7:19

Ay bukun importanti kon natori okon ara natori ang tao. Ang importanti tana ay ang pagtoman anang mga sogo ang Dios.

1 Corinto 8:9

Garing bisan libri kamo magkaun ang bisan ano magandam kamo pa ra gid, ay basi kon maman dan ang maging kabangdanan nga magpakasala ang mga tao nga maroya andang pagtoo.

1 Corinto 9:5

Kag kabay poidi kami ra magdara sa amun mga biyai ang asawa nga tomoloo, pario anang ginaimo ni Pedro kag ang iba nga mga apostol pati anang mga kabogto ang Ginoo.

Galacia 5:6

Tungud nga kon kita kay Cristo Jesus ron, bukun run importanti kon gintori kita okon ara. Atun pagtoo tana sa Dios maman ang importanti, kag ang pagtoo nga nakikita paagi sa atun pagigogma sa atun kapario.

1 Juan 3:3

Gani ang kada isara nga may toladia nga pagsarig kanana dapat magkaboi ang limpyo pario kanana.

1 Juan 5:3

Ay nagaigogma kita sa Dios kon nagatoman kita sa anang mga sogo. Kag anang mga sogo bukun ra gid malisud nga tomanun.

Apokalipsis 2:7

“‘“Ang nagapamati magisip nga mayad sa anang ginakoon ang Ispirito Santo sa mga simbaan. “‘“Ang mga nagadaug kay Satanas togotan ko nga magkaun anang bonga ang kaoy nga nagataw kaboi, kag ang kaoy nga dan doto sa anang ginaolian ang Dios.”’”

Apokalipsis 21:12

Ang siodad napalibotan ang mataas kag mabakud gid nga padir. Ang padir nga dia may dosi ka pwertaan, kag kada pwertaan ginabantayan sangka angil. Nakasolat ra doto sa mga pwertaan anang mga aran ang dosi ka tribo ang Israel.

Apokalipsis 21:27

Piro indi makasulud doto ang bisan ano nga marisna sa panulung ang Dios, ang bisan sino nga nagaimo kauruyan kag ang mga botigun. Ang makakasulud lang doto ara iba kondi ang mga tao nga andang aran nakasolat sa anang libro ang Karniro, nga listaan ang mga tao nga may kaboi nga ara kataposan.

Apokalipsis 22:2

kag nagailig sa tunga anang karsada ang siodad. Sa anang binit magtimbang ang suba may kaoy nga nagataw kaboi nga nagapamonga dosi ka bisis sa sulud sangka toig, kaisara kada bolan. Kag anang daon ginagamit nga bolong para sa tanan nga mga tao.

Apokalipsis 22:7

Makon ni Jesus, “Madali ako ron lang magabot! Masoirti ang mga tao nga nagatoman sa mga ginakoon sa solat nga dia nga magakaratabo.”

Apokalipsis 7:14

Makon ko, “Ilam, ara ako kaulam. Sogidi ako ra!” Makon na kanakun, “Maman dan ang mga tao nga nagagi sa masyado kalisud nga pagingabot. Andang mga lambong ginlimpyoan nanda kag ginpapoti sa dogo ang Karniro.