Apokalipsis 21:12 - Anang Ambal Ang Dios – Bago Nga Katipan

¹² Ang siodad napalibotan ang mataas kag mabakud gid nga padir. Ang padir nga dia may dosi ka pwertaan, kag kada pwertaan ginabantayan sangka angil. Nakasolat ra doto sa mga pwertaan anang mga aran ang dosi ka tribo ang Israel.

Apokalipsis 21:12 ပူးပေါင်းရင်းမြစ်များ

Mateo 18:10

“Magandam kamo nga indi nindo gid pagtamayun bisan ang sakabilog sa mairintuk nga dia nga mga bata. Ay sa matood tana anang mga angil ang Dios nga nagabantay kananda pirmi doto sa akun Tatay nga sa langit. [

Lucas 15:10

Kag makon dayon ni Jesus, “Toladan ra anang kalipay ang mga angil ang Dios doto sa langit kon ang sangka makasasala maginulsul.”

Lucas 16:22

Ang ori napatay si Lazaro kag gindara tana ang mga angil doto sa anang tupad gid ni Abraham. Ang manggaranun napatay ra kag ginlubung.

Mga Binoatan 26:7

Kami nga bali dosi ka tribo nagapaabot nga dia matatabo gid. Gani adlaw-gabi ginasimba namun ang Dios. Kag Aring Agripa, tungud sa akun pagpati sa butang nga dia ginaakosar ako ang mga Judio.

Hebreo 1:14

Ta kabay ang mga angil mga ispirito lang nga ginasogo ang Dios nga magbolig sa mga tao nga magabaton ang kalowasan.

Apokalipsis 21:13

May tatlo ka pwertaan sa kada kilid ang padir: tatlo sa mororan, tatlo sa bagatnan, tatlo sa amianan, kag tatlo ra sa kasalupan.

Apokalipsis 21:15

Ang angil nga nagambal kanakun may dara nga inogsokat nga bolawan agud sokatun ang siodad pati anang mga pwertaan kag anang padir.

Apokalipsis 21:25

Anang mga pwertaan ang siodad nga dato pirming bokas, indi run gid pagsiradoan ay ara run da gabi doto.

Apokalipsis 22:14

“Masoirti ang mga nagapalimpyo sa andang mga sala, tungud nga totogotan sanda nga magsulud sa mga pwertaan ang siodad kag magkaun anang bonga ang kaoy nga nagataw kaboi.