Apokalipsis 20:11 - Anang Ambal Ang Dios – Bago Nga Katipan

¹¹ Pagkatapos, may nakita ako dayon nga trono nga mabaul kag mapoti, kag may nagapongko doto. Ang langit kag ang logta gindora na kag indi run makita.

Apokalipsis 20:11 ပူးပေါင်းရင်းမြစ်များ

Mateo 11:22

Gani dumdumun nindo nga sa adlaw nga ang Dios magukum, ang silot nga para kanindo sobra pa sa silot nga para sa mga taga-Tiro kag taga-Sidon.

Mateo 24:35

Madodora ang langit kag ang logta, piro akun mga ambal indi gid maimo nga indi matoman.”

Mateo 25:31

“Kon Ako nga Naging Tao magabot ron bilang Ari kaiban ang tanan nga mga angil, mapongko ako dayon sa akun trono nga arianun.

Roma 2:5

Piro tungud nga matugas imong olo kag indi kaw maginulsul, ginadogangan mo lang imong silot kon magabot ron ang adlaw nga ang Dios magukum. Sa adlaw nga dato makikita ang tanan nga matarung anang pagukum.

2 Pedro 3:7

Paagi ra sa anang ambal ang Dios, ang langit kag ang logta nga atun nakikita dadi ginatigana nga sonogon. Ginatigana na dia sa adlaw nga ang mga malain nga mga tao sintinsyaan kag doraun.

Apokalipsis 12:8

Piro napirdi ang dragon, kag tana kag anang mga angil ginpalayas alin sa langit.

Apokalipsis 16:20

Nagkaradora ang tanan nga mga isla kag ara run bokid nga nabilin.

Apokalipsis 19:11

Nakita ko dayon nga nagabri ang langit, kag doto may kabayo nga mapoti. Ang nagasakay sa kabayo nga dato si Masasarigan kag Matood. Osto anang pagsintinsya kag pagpakigaway sa anang mga kontra.

Apokalipsis 20:2

Gindakup na dayon ang dragon, nga ara iba kondi ang magkal ang ona pa kag maman da ang Diablo okon si Satanas. Kag gingapos na sa sulud 1,000 ka toig.

Apokalipsis 21:1

Pagkatapos dato nakita ko dayon ang bago nga langit kag bago nga logta, tungud nga ang dati nga langit kag dati nga logta nadora, pati ang dagat ara run da.

Apokalipsis 21:5

Makon ang nagapongko sa trono, “Dadi ginabago ko ron ang tanan nga mga butang!” Kag makon na kanakun, “Isolat mo akun ginaambal nga dia tungud nga dia matood kag masasarigan.”

Apokalipsis 4:2

Lagi-lagi gingauman ako ang Ispirito Santo. Nakita ko doto sa langit ang sangka trono, kag may nagapongko doto.

Apokalipsis 6:14

Ang langit nadora lang nga midyo papil nga ginbaroron, kag ang mga bokid kag mga isla nagkarabuul sa andang poisto.