Apokalipsis 15:5 - Anang Ambal Ang Dios – Bago Nga Katipan

⁵ Pagkatapos dia, nakita ko nga nagabri ang timplo sa langit, ang ginatagoan anang ginsolat nga kasogtanan ang Dios.

Apokalipsis 15:5 ပူးပေါင်းရင်းမြစ်များ

Mateo 27:51

Kag sa oras ra nga dato, ang kortina sa sulud ang Timplo ang Jerusalem nagisak sa tunga, alin sa ibabaw paidalum. Ay naglinog kag ang mga pangpang nagkarabuka

Hebreo 8:5

Andang ginaimo nga dato nga mga pagalad midyo anino lang gid tungud nga nagawadwad sanda lang sa mga butang nga ginaimo doto sa langit. Naulaman ta dia tungud nga datong mapatindug run si Moises ang torda nga simbaan nagkoon ang Dios kanana, makon, “Kinanglan wadun mo ang akun ginpakita kanimo doto sa bokid.”

Apokalipsis 11:19

Pagkatapos dato, ginabrian anang timplo ang Dios doto sa langit, kag doto sa sulud may nakita nga kaban nga ginasuludan anang kasogtanan ang Dios sa anang mga tao. Kag pagkatapos dato nagpangilat dayon, nagrilingaw, kag nagpanlinti. Naglinog ra kag nagoran ang yilo nga midyo mga bato.

Apokalipsis 13:6

Ginpakalain na ang Dios, anang aran ang Dios, anang ginaolian ang Dios, kag ang tanan nga nagaoroli sa langit.