2 Corinto 3:11 - Anang Ambal Ang Dios – Bago Nga Katipan

¹¹ Ay kon may gaum nga ginpakita ang Dios doto sa Kasogoan nga bukun pirmaninti, sobra pa doto anang ginapakita digi sa bago nga dia nga paagi nga ara run gid kataposan.

2 Corinto 3:11 ပူးပေါင်းရင်းမြစ်များ

2 Corinto 3:10

Sa matood tana, anang gaum ang Kasogoan nga dato ang ona bali ara kon ikomparar sa anang gaum ang sa bago nga dia nga paagi.

2 Corinto 3:12

Kag tungud nga toladia amun pagpati ara kami naadluki nga magsogid anang ambal ang Dios.

2 Corinto 4:1

Tungud sa anang kalooy ang Dios, ginpili na kami nga ibarita ang bago nga dia nga paagi agud maging matarung ang tao, gani ara kami nagaparoya-roya.

Hebreo 8:13

Kag tungud nga nagkoon ang Dios nga may bago ron nga kasogtanan, masanag nga ang ona nga kasogtanan ara run polos, kag ang bisan ano nga lagi run kag ara run ginagamita, madodora run lang.