1 Pedro 2:7 - Anang Ambal Ang Dios – Bago Nga Katipan

⁷ Gani kamo nga nagatoo padungugan ang Dios. Piro sa mga tao nga ara nagatoo natoman ang Kasolatan nga nagakoon, “Ang bato nga ginsikway ang mga manogimo ang balay Maman ang naging Bato nga pinakaimportanti.”

1 Pedro 2:7 ပူးပေါင်းရင်းမြစ်များ

Mateo 21:42

Makon ni Jesus kananda, “Kabay nabasa nindo anang ginakoon sa Kasolatan nga, ‘Ang bato nga ginsikway ang mga panday Maman gid ang naging pondasyon nga bato. Maman dia anang ginimo ang Ginoo, Kag makatiringala kanatun!’ ”

Lucas 2:32

Tana ang magataw kasanag sa anang mga isip ang mga bukun Judio nga ara kakilala kanimo, Kag magataw ra dungug kanamun nga mga kaapo-apoan ni Israel, nga imong mga pinili nga mga tao.”

Lucas 2:34

Ginpangamoyo sanda ni Simon nga bindisyonan sanda ang Dios. Pagkatapos nagkoon tana kay Maria nga anang nanay ang bata, makon na, “Imong bata nga dia maman anang ginpili ang Dios nga magapabagsak kag magapataas ang doro sa Israel. Maging tanda tana nga alin sa Dios, kag doro ang magaambal malain kontra kanana.

Lucas 20:17

Piro ginsulung sanda ni Jesus kag magkoon, makon na, “Tay ano tana anang gostong ambalun ang Kasolatan nga nagakoon, ‘Ang bato nga ginsikway ang mga panday Maman gid ang naging pondasyon nga bato.’

Juan 4:42

Makon dayon ang mga tao sa babai, “Dadi nagatoo kami kanana bukun lang tungud sa imong sogid kanamun, kondi kami mismo nakabati kanana. Kag naulaman namun run nga tana maman gid ang Manlolowas ang kalibotan.”

Mga Binoatan 26:19

“Gani, Aring Agripa, ginsonod ko ang ginpakita kanakun nga alin sa langit.

Roma 10:21

Kag parti sa mga Israelita makon na, “Sigi akun ulat kananda nga magbalik kanakun piro indi sanda, ay masyado katugas andang olo kag mga sotil.”

Roma 15:31

Ipangamoyo nindo ako gid nga indi ako pagiwanun ang mga bukun tomoloo sa Judea, kag ipangamoyo nindo ra nga malilipay ang mga tomoloo sa Jerusalem sa bolig nga akun daraun kananda.

2 Corinto 2:16

Sa mga tao tana nga nagakaradora, amun ginapalapnag nga kamatoodan pario sa ugum nga alin sa patay nga nagadara kamatayun; piro para sa mga tao nga nagkaralowas, paamot nga alin sa nagataw kaboi. Ta sino ang makasarang sa obra nga dia?

Colosas 2:10

Kag tungud nga kamo kay Cristo, kon ano ang dian kanana, dian ra kanindo. Kag tana gani ang may gaum sa tanan nga nagaari kag tanan nga may awtoridad.

Tito 3:3

Ay ang ona, ara ta ra naulami ang kamatoodan parti sa Dios kag bukun kita matinomanun. Ginpatalang kita kag mga oripun kita lang atun malain nga mga baratyagun kag sari-sari nga mga pagpangalipay. Nagari kanatun ang malain nga andum kag pagkainggit. Gindumutan kita ang iba kag kita nagdumut ra kananda.

Hebreo 11:31

Piro si Rahab tana nga nagabaligya anang dungug ara napatay kaiban sa mga taga-Jerico nga ara nagtoman sa Dios, ay tana nagtoo, kag pagabot doto kananda ang ona ang mga ispia nga ginsogo ni Josue ginasikaso na sanda sa anang balay.

Hebreo 4:11

Gani imoratan ta gid nga makasulud sa anang parawayan nga dato. Indi kita magwad sa mga tao ang ona nga ara nagsonod sa Dios, ay sabun indi kita ra makasulud.

1 Pedro 1:8

Bisan ara kamo kakita kanana ginaigogma nindo tana, kag nagatoo kamo kanana bisan ara nindo tana pa ra gid nakita asta dadi. Maman dan nga indi gid masaysay indong kalipay,

1 Pedro 2:4

Magparapit kamo sa Ginoo nga nagataw kaboi nga ara kataposan. Tana ang pinakabato nga ara pagbatona ang mga tao ay ara kono kointa, piro tana gali anang ginpili ang Dios kag maraalun sa anang panulung.

1 Pedro 2:8

May doto pa gid sa Kasolatan nga nagakoon, “Maman dia ang Bato nga nagapasandad sa mga tao, Kag nagapadusmu kananda.” Nakasandad sanda ay indi sanda magpati sa anang ambal ang Dios. Maman dia anang kabubutun ang Dios para kananda.