Rookashi 13:13 - Iwaperite tajorentsi ikenkithatakoetziri awinkatharite Jesokirishito: owakirari inimotakiri tajorent

¹³ Ipampitawakiro, roojatzi awijakotantanaa. Kameethatanee, okatziyanaa. Okantanaki: —Retsiyatakotaana Tajorentsi, tema ikameethaperotaki.

Rookashi 13:13 ပူးပေါင်းရင်းမြစ်များ

Mateeyo 9:8

Iñaantawakariri maawaeni piyoteenchari oetarika awijaneentsiri, rotsikanatawakari, thaawanaki, ikanteeyanakini: —Tema ikameethatzi Tajorentsi, imatakaakiri irika retsiyatakotakaakiri mantsiyatzinkari.

Marikoshi 16:18

Aririka poerikawityaari maanki, aririka ratsikawitemi, omaanta eero rowamaemi. Eejatzi, aririka piraakowityaawo piyantatsiri, eero owamaemi. Eejatzi, aririka pipampiteri mantsiyatatsiri eejatzi pikantakowenteri, ari rawijakoeyeeni.

Marikoshi 5:23

Ikantaperotapaakiri: —Rooteentsi okame nishintyo. Pipoke pipampitakitero awijakotantaneeyaari roori, eero okamanta.

Marikoshi 6:5

Kyaaryo inampiweri itheenkaeyakirini riraga Jesoshi, rootaki kaari itajonkantapiinanta janta inampiperoki. Apatziro ipampitayitzirini apaanipaeni mantsiyatzinkari, retsiyatakotayitzirini.

Marikoshi 8:25

Rapiiteeri eejatzi, ipampiteeri rokiki. Roojatzi ikokichaaperotanee, etsiyatakotaperotanee. Raminanee, koñaaperotanee maawaeni.

Rookashi 13:12

Iñaantakawori Jesoshi, ikaemakiro: —Pipokanaki, iroñaaka netsiyatakoteemi.

Rookashi 18:43

Aripaete iroñaaka iñaantanee. Roojatzi royaatantanakari Jesoshi, ikantanaki: —Iñaakagaana Tajorentsi, tema ikameethataki. Eejatzi ikimiteeyakarini maawaeni ñeeyakiririni, ikanteeyakini: —Tema ikameethataki Tajorentsi.

Rookashi 4:40

Ikanta itziryaanee oorya. Ramaetapaakiniri Jesoshi osheki mantsiyari inashitachari imantsiyarentsite. Ipampiteeyawakirini, retsiyatakoeyawakirini.

Rantayitakirini 9:17

Ari riyaatanaki Ananiiyashi, ikyaapaaki pankotsiki. Rowaapaakiniri rako iitoki, ikantziri: —Sawoori, eerokataki noyemijantzinkarite. Rotyaantakina Awinkatharite Jesoshi, riraga oñaagakimiri janta awotsiki pikinapaakinta. Rotyaantana pikokichaatantaneeyari, eejatzi okithaatakaakimi Ishire Tajorentsi.