Tito 3:3 - Manityanati Tupax

³ Tyopiki tɨkañe saneityo nosɨboriki chuxiampatai osoi ɨmo makiataka champɨatai uxia oemo. Uñamenkatai chɨmastakaxɨpɨ oemo uisamute nanaiñantai axɨba chomixhampɨ. Osɨborikia aɨbu chɨrɨri uyubatio nenaxi makiataka, tɨborikomantai oemo axoñɨntyo otɨborikiatai aɨbu makiataka.

Manitanati Tuparrü

³ Itopiqui arroñü ito tücañe manitacatai, itopiqui chütusiopü oemo arrüba nomirria. Chümacoconauncapü ümoti Tuparrü. Usamonco aübu arrüna churriampü nurrianca. Upucünunca oboi, itopiqui uisamute aruqui nanaiñantai nomünantü. Pesabatai oemo nenarrirrti quiatarrü. Otüboriquiatai ümo macrirrtianuca, y arrüma ito tüboricomantai usaübu.

Tito 3:3 ပူးပေါင်းရင်းမြစ်များ

San Mateo 21:29

Aiñumuti maniki aɨtoxti: ‘¡Chixhankapɨ yɨrotɨ!’ Tɨkoboi pariu kuatɨ kiatax ñakionkoxti, auki sɨrotitɨ.

San Lucas 21:8

Aiñumuti Jesús: “Amasasai nuxia tapɨ autapeneka. Tyopiki kuamatɨ ñana sɨrɨmanama au nisɨri. Namatɨ ñana: ‘Unka axɨñɨ’, ‘axɨba naneneka chauki tɨtyoneio’ Axaño tapɨ amekatɨ isiuma.

San Juan 8:34

Nanti Jesús ɨmoma: –Ñemanauntu sukanañɨ aume axɨbama isamutema nomɨnantɨ, kumanakaxɨma ɨmo nomɨnantɨ.

Romanos 11:30

Axañointyo tɨkañe chapakokonaunkapɨ ɨmoti Tupax, tapɨ kaɨma ui axɨna chɨmakokonaumpɨma axɨbama judíos, axti Tupax pukɨrusuti autaku.

Romanos 6:12

Tapɨ chebo aboi ɨmo nomɨnantɨ nauki sɨsio aukɨtɨpɨ sane uixh apisamukio axɨba chomixhampɨ nixhantɨmo naukɨtɨpɨ.

Romanos 6:17

Chapie ɨmoti Tupax, tɨkañe axaño kumanakax año ɨmo nomɨnantɨ, kaɨma chauki tapikokota axɨmanu uxia manunekatax aume.

Romanos 6:22

Tapɨ kaɨma, tautaesɨbuka pɨnanaki nomɨnantɨ, apaserebikia kaɨma ɨmoti Tupax. Apisamute axɨna uxia ɨmoti. Au nityakɨrux iyebo aboi au napes, kauta champɨ nityakɨru nausɨboriki.

Romanos 6:6

Tusiu oemo axɨna nosɨboriki tɨkañe takubaxio kɨtɨpɨ kurusɨx chepeti Jesucristo, nauki ako axɨmanu nomɨnantɨ okɨtɨpɨki nauki tapɨ uisamutenki nomɨnantɨ.

2 Corintios 12:20

Tyopiki ixhuka axtɨ yɨkatɨ tanu yasaraño, chautabɨkapɨ sobi takana axɨna nixhanka, saneityo axaño chichabɨkapɨ aboi takana nauxianka. Ixhuka tapɨ chuxiampɨ aboi aumeampatoe, autɨborikiatai aumeampatoe, abubatio nenaxixhti kiatax, taikianati taman tyakutiatoe ñakionkoxti, chuxiampɨ napanityaka kɨtɨpɨti kiatax, abasikia aburapakai nisɨborikixhti kiatax, au napakiomko champɨti kiatax amopɨrɨkɨ, champɨityo nuxiantux abaxɨpeku.

Gálatas 6:3

Axtɨ anati naki au ñakionkoxti ane nɨriakaxti, abo champɨ isane kokonobo uiti, axtiatoe chɨkoñontipɨ.

Colosenses 1:21

Axaño tɨkañe amonkaño iche pɨnanakiti Tupax chuxiampityo aboi au nabausasɨ ɨmoti, yotopiki axɨba chomixhampɨ apisamukio,

Colosenses 3:7

Tɨkañe au nausɨboriki apisamute axɨna sane nomɨnantɨ.

2 Timoteo 3:13

Tapɨ axɨbama chuxhiampɨ nisɨborikixhimia axɨbamaintyo mañatachemakaka isiu nomeki naneneka ñana sɨromatɨ ɨmo axɨna tarukapae chuxiampɨ, aɨbu ñatachemakakaxɨma, tyopiki axɨma tɨkusɨrɨboma atachema uiti chobores.

2 Timoteo 3:6

Tyonema axɨbama sɨromatɨ ubau poka atachemakama ñome paɨka axɨba sɨrɨmana nomɨnantɨ oboi, tyopiki axɨba ausɨratai niñuxantɨmo,

Tito 1:16

Namatɨ ta isuputaramati Tupax, tapɨ axɨna nisɨborikixhimia uixh atusi oemo ta chɨsanempɨ. Champɨti uxia uiti ɨmoma, chuxiampɨ nisɨborikixhimia, champɨ nanenekichema aisamunema axɨna uxia.

Tito 2:12

Axɨmanu nipukɨruxti Tupax manunekana oemo nauki uiñokonio axɨba nomɨnantɨ chepe axɨba chuxiampɨ nuxiantɨmo ikuki axɨna kɨx, nauki kaɨma axɨba naneneka uisamune axɨna besɨro numapanaunku.

Santiago 1:26

Axti naki au ñakionkoxti manaunuti ɨmoti Tupax, tapɨ nuraxti chomixhampɨ, tapenekoti uxhtiatoe champɨ nanenekiche ɨmoti axɨmanu ñanaunkuxti ɨmoti Tupax.

1 Pedro 1:14

Tɨkañe naukiche chausuputakaikipɨ axɨba omixhia manityakax kɨtɨpɨti Jesucristo, apisamute nanaiña axɨna chuxiampɨ nauxiantɨmo. Tapɨ kaɨma, apakokonau ɨmoti Tupax ɨmo nanaiña, takana axɨbama aɨtoxti makokonaunxɨma.

Apocalipsis 12:9

Peneko uimia auki napes axɨmanu numukianx, axɨmanu chaɨbopɨ noixhobox nɨrixh Chobores chepe Satanás, axɨna taruku ñatachemakakax ɨmo namanaiña iku axɨna kɨx. Tyone chepema axɨmanuma nesax ángeles penekoma iku kɨx.

Apocalipsis 13:14

Oboi axɨmanio chebo ɨmo aisamunio axɨba champɨ tu bastai sukarɨ axɨmanu kusɨrɨbo numukianx, tapenekoma uixh axɨbama po'osoma iku axɨna kɨx, auki bakɨpuru ɨmoma nauki asamuma taman nausɨpɨtux axɨmanu numukianx sɨborikoiki axɨmanu obɨrio ɨmo ui kɨses.

Apocalipsis 18:2

Taruku nikɨpura nityosibixhti: “¡Tɨtaɨbɨko, tɨtaɨbɨko axɨmanu yarusɨrɨx Babilonia! ¡Tyone kaɨma nipo machoboreka, ñatanekasaxɨma arukinanaiñantai machoboreka, niñosemenu nutaumanka axɨba chomixhampɨ numukianka axɨba chuxiampɨ ubario!