Tito 1:9 - Manityanati Tupax

⁹ Tapɨ ikokotati tapɨ manunekanatityo axɨna chiñemanauntupɨ nuraxti Tupax. Sane aisamunema makiataka isiukiti oboi axɨba ñemanauntu manunekatax yakɨna aikokoma axɨbama chikokotapɨma.

Manitanati Tuparrü

⁹ Tiene que aicocoti nurria arrüba ñemanauncurratoe manunecatarrü, arrüna yasutiuti, nauqui aipiatito nurria anunecati ümo bama maquiataca, y nauqui aipiatito acuansomocoti ümo bama chichübopümacü.

Tito 1:9 ပူးပေါင်းရင်းမြစ်များ

Hechos 18:28

ityopiki tusiu nuxia ɨmoti, champɨti iñumutati nuraxti axɨmanuma judíos, oboi Nikorox urapoiti ta axti Jesús tyonenti Mesías.

1 Corintios 14:24

Tapɨ axtɨ apanityaka au noñemaxti Tupax, auki sɨrotitɨpo tamanti naki chikokorotipɨ Jesús, auki noñemaxtiatoe kaɨma kɨbɨso ñakiokoxti, ui nanaiña axɨna onkoiti nuraxɨma astaiti nisɨborikixhti.

1 Tesalonicenses 5:21

Apiña nanaiña ɨmo makokotox ta sɨsio año yupu axɨba omixhia.

2 Tesalonicenses 2:15

Sane naukiche masarukityaiki, sɨsio año aɨbu napakokonaunku ɨmoti Tupax tapɨ takɨrusu napakionko yubapa axɨba supanunekaka aume oboityo kichonimiakaka axɨba supakɨpuka aume.

1 Timoteo 1:10

Ɨmoma axɨbama ane uimia kiatax paɨx takanaintyo axɨba paɨka, ɨmoma axɨbama xhanxɨma ɨmomantoe. Axɨbama matomoenoma mañoñɨnka ityobo monixh, axɨbama taruku ñapantuxɨma au nɨrixhti Tupax. Sane, axɨmanu bakɨpukux ta ɨmoma axɨbama chuxiampɨ ɨmoma axɨna besɨro manunekatax,

1 Timoteo 1:15

Axɨna sane ta ñemanaunkuxatoe, tari namanaiña aikokoma: axti Cristo Jesús kuatati tɨkañe iku axɨna kɨx, nauki ataesɨmunuti eanaki nomɨnantɨ ɨmo axɨbama ane nomɨnantɨ uimia, axɨpekukimia axɨñɨ isusɨrɨka.

1 Timoteo 1:19

Iyebo ñana obi takanati sortabox naki onkotitɨ nuxia ɨmoti Tupax naki champɨ tyopikiche chuxiampatai nuraxɨma ɨmoti.

1 Timoteo 4:9

Axɨna sane ta ñemanauntu, tari namanaiña aikokoma.

1 Timoteo 6:3

Axtɨ anati naki manunekanati axɨna chisiupɨ axɨna ñanunekakaxti Yɨriabux Jesucristo axɨnaintyo numakokonaunku ɨmoti Tupax,

2 Timoteo 1:13

Aisamuse isiuki axɨmanio omixhia manunekatax onkoi sobi, makokokox makumananaunkux ɨmoti Cristo Jesús.

2 Timoteo 2:2

Axɨna onkoi nisura sukarɨ sɨrɨmanama makiataka, nanaiña axɨba aityoximiasio mekuma axɨbama uxia nisɨborikixhimia axɨbamaintyo ipiakama anunekama ɨmo makiataka.

2 Timoteo 2:25

tari masamunaunxti akuansomokoti ɨmoma axɨbama taruku nomɨnantɨ uimia, tari ui noñemaxti Tupax aiñoxonkonomakɨ nauki asuputaraimia axɨna ñemanauntu

2 Timoteo 3:14

Axɨkɨ Timoteo, aiña nuxia tapɨ aiñokota axɨna iyebo obi, tyopiki uixh axɨna sane nasɨboriki, tɨtusiu aemo ñakusanema axɨbama uiche aiñununekanamakɨ.

2 Timoteo 4:3

Tyopiki kuantionki ñana naneneka auche champɨti xhanx onkoiti axɨna uxia manunekatax. Ta bapacheroma ñana axɨbama manunekanabo ɨmoma isiuki axɨna nixhankaxɨma.

Tito 1:11

Tapɨ chebo obi anunekama, tyopiki auki nakaxɨma chɨmastakaxɨpɨ ɨmo makiataka aɨbu namanaiña axɨbama aɨtoxɨma, manunekanama axɨba chomixhampɨ yakɨna ane nimonixhimia isiuki axɨmanu ñanunekakaxɨma.

Tito 2:1

Axɨkɨ Tito, axtɨ anunekaka, anuneka axɨna besɨro.

SAN JUDAS 1:3

Masarukityaiki, taruku nixhanka xhakonomo aume kɨtɨpɨ axɨna maximiakatax oemo. Axɨna kaɨma xhakonomoka aume nauki apasamu nuxia iñemo, apiña nuxia amokɨma tyaku axɨna manunekatax toxio tɨkañe ɨmoma axɨbama ikokoromati Tupax.

Apocalipsis 2:25

Apiña nuxia napakokonaunku iñemo chepe axtɨ tisekatɨ tato ñana.

Apocalipsis 3:11

Konto ñana isekatɨ tato. Asasatɨ nuxia tyaku axɨna ane obi tapɨ anati ikiaɨbutati apɨnanakikɨ axɨna toxiobo ñana aemo.

Apocalipsis 3:3

Akionsɨ nanaiña axɨna asutiu axɨnaintyo onkoi. Aisamuse, auki ariaku tato esati Tupax. Axtɨ chasankapɨtɨ, isekatɨ ñana yasarɨ takanati naki kuatati akusɨpɨti, chɨtusiupɨ ñana aemo isane nanenes isetɨ yasarɨ.