Tito 1:2 - Manityanati Tupax

² tyopiki aninki ñana axɨna osɨborikibo champɨ nityakɨrux. Chɨmapañantipɨ Tupax, ensɨmunu uiti axɨna sɨborikixh aukiapae tɨkañe,

Manitanati Tuparrü

² Ui arrüna sane tiene que arrüperama ümo manu süboriquirri champü nitacürurrü au napese, arrüna auquiapae nirrancarrti aitorrimiati oemo. Arrti chümapañatipü.

Tito 1:2 ပူးပေါင်းရင်းမြစ်များ

San Mateo 25:34

Auki nanti yɨriabux ɨmoma axɨmanuma aboma au nepanaunkux: ‘Ausiapata axaño, axɨbama aukurusɨka uiti Iyaɨ. Apasusiu axɨna nɨriakax ananka koñokono aume aukiapae naukiche axti Tupax isamutenti axɨna kɨx.

San Mateo 25:46

Axɨma sɨromatɨ ɨmo champɨ nityakɨrux nityakisɨrɨkɨxɨma, tapɨ axɨbama uxia nisɨborikixhimia sɨromatɨ kauta champɨ nityakɨru nisɨborikixhimia.”

San Marcos 10:17

Naukiche tɨniyɨkɨxtityo Jesús, iñataiti taman ñoñɨnx yarukuxti, achesoiti esati, ankirioti pɨnanakiti: –Maestro axɨkɨ taruku nuxia obi, ¿kausane aye sobi axɨmanu nisɨboriki champɨ nityakɨrux?

San Marcos 10:30

toxio ɨmoti kaɨma au axɨna nisɨborikixhti cien yopɨrɨkɨ axɨba abe uiti, nipoxti, yarukityoxti, nikiastyoti, nipiakɨtoti aɨtoxti niyoxtityo champɨ nɨmoche axtɨ matanekanatiatai. Axɨmanu kuatɨki nisɨborikixhti champɨ nityakɨrux toxio ñana ɨmoti.

San Juan 10:28

sobi sɨborikoma ɨmo nanaiña naskɨbeka, chɨkoiñopɨma ñana champɨtityo uiche aikiaɨbuti xhopɨnanakiñɨ.

San Juan 17:2

Toxio obi isɨriakaboñɨ ɨmoma namanaiña axɨbama aboma iku axɨna kɨx, nisɨriakaityo nauki axɨbama toxioma obi iñemo ane isɨborikiboma axɨna champɨ nityakɨrux.

San Juan 17:24

“Iyaɨ, axɨbama aboma isiuñɨ obi aityoximianama iñemo, ixhanka nauki aboma ichepeñɨ kauta niyaka, nauki asaraimia niyarusɨrɨkɨ nisɨriaka axɨna toxio iñemo obi, ityopiki isuasɨrɨka aemo aukiapae naukiche chuxiantenkipɨ axɨna kɨx.

San Juan 5:39

Axaño taruku niyekixh aboi Nikorox, ityopiki au napakionko uixh iyebo aboi ausɨborikibo au napes. Chɨsanempɨ, axɨmanio Nikorox panityana sɨtɨpɨñɨ,

San Juan 6:54

Axti naki basoti nisɨtɨpɨ chabotityo niñoto, iyebo uiti nisɨborikixhti ɨmo nanaiña naskɨbeka. Tapɨ axɨñɨ sɨborikoti tato sobi au axɨmanu tyakɨrux nanenes.

San Juan 6:68

Aiñumuti Simón Peru nuraxti: –Yɨriabux, ¿ñakutipɨ naki isiuche somenotɨ? Kunauntaña axɨba nanityaka ane suisɨborikibo oboi ɨmo nanaiña naskɨbeka.

Hechos 15:18

Axti Yɨriabux naki uiche aityusiakati axɨna sane auki ñemonkox ityoximiatati axɨna nuraxti.’

Romanos 1:2

Axɨna ɨriotɨ tɨkañe uiti Tupax iku Nikorox axɨna urapoimia axɨbama profetas tɨkañe.

Romanos 16:25

Omixhia numanityaka kɨtɨpɨti Tupax, axti naki uiche ane naukusɨu takana axɨba omixhia nixhanunekaka axɨnaintyo manunekakax kɨtɨpɨti Jesucristo. Tyone sɨro isiuki axɨna tusiankana uiti Tupax axɨna ananka anekana uiti, tyone ananka anekana aukiapae tɨkañe naukiche chuxiantenkipɨ axɨna kɨx,

Romanos 2:7

Toxio ñana uiti isɨborikiboma axɨna champɨ nityakɨrux, ɨmoma axɨbama yapachetioma nanentakax manaunkux ɨmoti Tupax, taikiana aisamunema axɨna uxia.

Romanos 5:2

Ityopikiti Jesucristo uɨkatɨ tato saimia esati Tupax ui numakokonaunku, nauki upukɨnu ui nukuasɨrɨkɨ ɨmoti, sane chuɨkapɨtɨ isiu kiatax mapanaunkux, sane upukɨnunka tyopiki iyebo ñana osoi esati Tupax.

Romanos 5:21

Sane takana axɨmanu nomɨnantɨ ane nɨriakax kuatɨ uixh konkox, saneityo nipukɨruxti Tupax ane nɨriakax nauki uxia nosɨboriki ɨmo nanaiña naskɨbeka uiti Yɨriabux Jesucristo.

Romanos 5:4

ui axɨna chuɨkapɨtɨ isiu kiatax mapanaunkux, uixh uxia nosɨboriki au nastaxti Tupax ityopiki ñana iyebo osoi esati Tupax.

Romanos 6:23

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

Colosenses 1:27

Ɨmoma xhanxti Tupax aityusiankati sukarɨma axɨna taruku niyarusɨrɨkɨ nenaxixhti axɨmanu nixhantɨmoti aisamunenti ɨmo namanaiña. Axɨmanu ananka anekana uiti ta tyonenti Cristo naki anati abaxɨpeku, tyonenti naki uiche ñana aye aboi au nanentakax esati Tupax.

1 Tesalonicenses 2:15

Axɨmanuma judíos ityabairomati Yɨriabux Jesús, takana tɨkañe yatabaikixhimia ɨmoma axɨbama profetas, auki ipenenoma somɨ auki nikɨxɨma. Axɨma chisamutempɨma axɨna uxia ɨmoti Tupax, champɨatai uxia ɨmoma,

1 Tesalonicenses 5:8

Tapɨ axoñɨ chusakapɨ au tomikianene, ta usaka au nanentax. Sane naukiche amasankatɨ nuxia, tari oñonkatɨ ɨmoti Tupax akuasɨrɨmaintyo oemo axɨbama osɨborisapa. ¡Axɨna axtɨ oñonkatɨ ɨmoti Tupax axɨna numakumananaunku tyoneio axɨba omokɨmanabo utaku ñomɨnana nomɨnantɨ takana axɨna uiche utabuxikia! Axtɨ uikokota nuxia axɨna maximiakatax oemo tyone ñana axɨna okɨmanabo utaku takana nityabuxi nutanu.

1 Timoteo 6:12

Aiña nuxia takanati naki kupiusuti axti naki xhanxti akusɨrɨti aiñanainti tyakɨru taikiana besɨro nasɨboriki, ityobo toxio ñana aemo axɨna champɨ nityakɨru nasɨboriki. Axti Tupax ityasurutiyɨ auki ɨriotɨ tɨkañe uiti aemo naukiche sukarɨ namanaiña ukanɨ ta aikokokati.

1 Timoteo 6:19

Sane chiyaupɨ nenaxixhimia axɨna uiche uxia nakaxɨma ñana, sane iyebo ñana uimia axɨmanu sɨborikixh champɨ nityakɨrux.

2 Timoteo 1:1

Axɨñɨ Pablo, anankañɨ isiuti Cristo Jesús, bakɨpukux iñemo uiti Tupax, naki uiche utaesɨbuka eanaki nomɨnantɨ uitityo Cristo Jesús, naki kɨmenuche baxɨperaka,

2 Timoteo 1:9

Uiti Tupax utaesɨbuka eanaki nomɨnantɨ auki ityasuruti oñɨ nauki kaɨma aɨtoxti oñɨ, chɨtyopikipɨ axɨna uisamute, ta tyopiki tyone axɨna nixhantɨmoti aisamunenti ui nipukɨruxti utaku aukiapae tɨkañe, tyopikiti Cristo Jesús.

2 Timoteo 2:10

Sane naukiche chubatapɨ iñemo nichakisɨrɨkɨ tyopiki namanaiña axɨbama takɨmanaunkunuma uiti Tupax, nauki ataesɨbumaintyo eanaki nomɨnantɨ nauki aye uimia axɨna nanentax esati Tupax.

2 Timoteo 2:13

Axtɨ chɨkuasɨrɨtipɨ oemo, axoñɨ ukuasɨrɨka ɨmoti, tyopiki chɨmapañantipɨ ɨmotiatoe.

2 Timoteo 2:15

Aiña nuxia narukux aemo nauki uxia nasɨboriki au nastaxti Tupax, takanati naki ane yachɨkoiti champɨ ñɨnanache akɨsoti, naki uxia ñanunekakaxti axɨba ñemanauntu omixhia manityakax.

Tito 2:13

Chepe axtɨ iñatai ñana axɨmanu ensɨmunu tɨkañe oemo axɨna kɨmenuche nubaxɨperaka: niyekixhti tato aɨbu nanentakaxti yarusɨrɨx Tupax oemo Jesucristo, naki uiche ane maximiakatax oemo.

Tito 2:7

au nanaiña, aityusianka ui nasɨboriki sukarɨma kausane aisamunema axɨna uxia. Axtɨ aiñununekakama, aisamuse axɨna ñemanauntu tapɨ apanka,

Tito 3:7

chɨkoñopɨtɨ oemo, tapɨti yasuriuruti oñɨ uiti atusi oemo ta ñemanauntu ñana toxio oemo axɨmanu osɨborikibo champɨ nityakɨrux ensɨmunu tɨkañe.

1 Juan 2:25

Tyoneampae axɨna ensɨmunu tɨkañe uiti Jesucristo oemo: axɨmanu osɨborikibo champɨ nityakɨrux.

1 Juan 5:20

Tusiuityo oemo axti Aɨtoxti Tupax kuatati tɨkañe aiñununekanati oñɨ nauki usuputarati naki ñemanaunkuxatoe Tupax. Usaka chepeti naki ñemanauntu Aɨtoxti Tupax axti Jesucristo. Tyonenti naki ñemanaunkuxatoe Tupax naki uiche naka champɨ nityakɨru nosɨboriki.

SAN JUDAS 1:21

Taikiana amonkatɨ ɨmoti Tupax kuantionki omixhia naneneka ñana aume uiti Yɨriabux Jesucristo, ui nipukɨruxti, toxio ñana uiti osɨborikibo axɨna champɨ nityakɨrux.

Apocalipsis 13:8

Axɨmanu yarusɨrɨx numukianx manaunuma ñana ɨmo namanaiña axɨbama chɨkorobopɨ nɨrixhimia iku axɨmanu kichonimiakax nesa axɨmanu Nobixhax, axɨmanu koiño tɨkañe ɨmo makumanatax. Axɨmanu kichonimiakax bokorobo aukiapae tɨkañe naukiche chuxiantenkipɨ axɨna kɨx uiti Tupax, iku korobo nɨrixhimia namanaiña axɨbama chɨtakɨnunaumpɨ nisɨborikixhimia.

Apocalipsis 17:8

Axɨmanu yarusɨrɨx numukianx astai tyone axɨmanu sɨboriko tɨkañe, ta kaɨma tɨkoiño. Ta ñana, kuatɨ auki axɨmanu kɨtubixh tomikianene nauki ako ɨmo nanaiña naskɨbeka. Tapɨ axɨbama mañoñɨnka ikuki axɨna kɨx axɨbama champɨ nɨrixhimia iku axɨmanu kichonimiakax ɨmo sɨborikixh aukiapae tɨkañe naukiche chuxiantenkipɨ axɨna kɨx, kɨtobɨsoma ñana axtɨ astaimia axɨmanu yarusɨrɨx numukianx sɨboriko tɨkañe tapɨ kaɨma tɨkoiño, ta kuatato ñana.