San Marcos 5:7 - Manityanati Tupax

⁷ auki nityosibixhti nanti ɨmoti: –¡Tapɨ asikia suatañɨ, Jesús, Aɨtoxti Tupax auki ape! ¡Asamu nuxia iñemo au nɨrixhti Tupax tapɨ ichakisɨrɨka obi!

Manitanati Tuparrü

⁷ Tosibicoti nurria, nanti ümoti: —¿Isane ümocheñü obi? Arrücü Aütorrti yarusürürrü Tuparrü. Rranquiquia apünanaquicü au nürirrti Tuparrü, tapü ane causane obi iñemo.

San Marcos 5:7 ပူးပေါင်းရင်းမြစ်များ

San Mateo 16:16

Aiñumuti Simón Peru nuraxti: –Axɨkɨ tyonenti Mesías, Aɨtoxti Tupax naki sɨborikoti.

San Mateo 26:63

Tapɨti Jesús chɨmanityanatipɨ. Axti maniki ɨriatuxɨma axɨbama sacerdotes nanti ɨmoti: –Au nɨrixhti Tupax naki sɨborikoti ikɨpukɨ urasoi suisukarɨ axtɨ ñemanauntu. Axɨkɨ tyonenti Mesías, Aɨtoxti Tupax.

San Mateo 4:3

Axtɨ sɨrotitɨ chobores esati Jesús nauki aiñanti ñakokotoxti ɨmoti, nanti ɨmoti: –Axtɨ ñemanauntu axɨkɨ Aɨtoxti Tupax, akɨpu ñome axɨba kanka nauki apisamunaño pan.

San Mateo 8:29

Amonkoma tosibikoma: –¡Tapɨ asikia suisuata, Aɨtoxti Tupax! ¿Ayekatɨ tauna nauki suichakisɨrɨ obi abo axɨmanu nanenes ñana sɨrotiki?

San Marcos 1:24

–¿Kausane asikia suisuata, Jesús auki Nazaret? ¿Ayekatɨ nauki aityabairosomɨ? Isuputakɨ, tusiu iñemo axɨkɨ champɨ naipɨnate ɨmoti Tupax.

San Marcos 14:61

Sɨsioti Jesús etayoiti, chiñumutatipɨ. Ñankitioti tatityo yɨriabux sacerdote pɨnanakiti: –¿Axɨkɨ tyonenti Mesías Aɨtoxti Tupax naki yarusɨrɨx?

San Marcos 3:11

Naukiche axɨbama machoboreka asaramati, bachesoiyoma esati aɨbu nityosibixhimia: –¡Axɨkɨ tyonenti Aɨtoxti Tupax!

San Marcos 5:6

Naukiche asaratitɨ auki iche'e kɨmenuti Jesús, ipiakɨnotiyɨ, achesoiti esati

San Marcos 5:8

Sane nuraxti maniki chobores tyopiki axti Jesús tɨnanti ɨmoti: –¡Axɨkɨ chobores aiñokosoxti naki ñoñɨnx!

San Lucas 1:32

Taruku ñana nɨriakaxti, nɨrixhti ñana uimia Aɨtoxti Tupax auki napes, axti Tupax naki Yɨriabux iñatati ñana yarusɨrɨx Nɨriakaxti, takanati ityakɨxti David,

San Lucas 4:34

–¡Tapɨ asikia suisuata! ¿Kausane ayetɨ tauna suichepe, Jesús auki Nazaret? ¿Ayekatɨ aiñamesonosomɨ? Isuputakɨ, tusiu iñemo axɨkɨ champɨ nomɨnantɨ obi ɨmoti Tupax.

San Lucas 6:35

Tapɨ axaño tari akuasɨrɨma aume axɨbama chuxiampɨ uimia aume, apisamusio axɨba omixhia, apityoximia namenaxi ɨmoti kiatax tapɨ auxianka atoxi tato aume ityobo. Sane ñana yarusɨrɨx toxiobo tato aume ityobo, sane atusi ta axaño aɨtoxti Tupax auki napes, tyopiki uxia uiti ɨmo axɨbama chuxiampɨ nisɨborikixhimia au nastaxti.

San Lucas 8:28

Naukiche asaratitɨ ɨmoti Jesús, bachesoiyoti esati, aɨbu nityosibixhti: –¡Tapɨ asikia suatañɨ, Jesús, Aɨtoxti Tupax auki ape! ¡Asamu nuxia iñemo tapɨ ichakisɨrɨka obi!

San Juan 20:31

Axɨba bokorobo auna tyoneio axɨba oboiche apikokoroti Jesús tyonenti naki Mesías, Aɨtoxti Tupax, ui axɨna apikokota ane ñana ausɨborikibo ityopikiti.

Hechos 16:17

Axɨmanu kupikixh sɨrotɨ isiuti Pablo sɨrotityo suisiu aɨbu nityosibixh, nantɨ: –¡Axɨba noñɨnka tyoneio paserebio ɨmo yarusɨrɨx Nupu Tupax auki napes. Uburapoi ausukarɨ kausane nauki autaesɨbu eanaki nomɨnantɨ!

Hechos 19:13

Aboma axɨmanuma judíos mañamenkoka, xhanxɨmaintyo anityama au nɨrixhti Yɨriabux Jesús nauki akɨpuma ɨmo machoboreka, namatɨ ɨmoma: “¡Au nɨrixhti Jesús, axti naki kɨtɨpɨche manunekanati Pablo, xhakɨpuka aume nauki amenotɨ!”

Hechos 8:36

Isiu axɨmanu kutubiux iñataimia kauta ane tux, nanti maniki yɨriabux ɨmoti. –Auna ane tux. ¿Kausane chaunimiakapɨ iñemo?

Romanos 16:20

Sane axti Tupax naki uiche uxia nabaka konto ñana sɨroti chobores uiti ñokiana naupope. Tari uiti ikunusɨankanati año axti Yɨriabux Jesucristo.

Hebreos 2:14

Saneityo, takana masiomanka aukiti tamanti yaɨtoxɨma tamaintyo nipiakɨtoxɨma, tyoneantoe nikɨtɨpɨxɨma takanaintyo notoxɨma axɨbama yaɨtoxɨma, sanentityo Jesús ane tɨkañe nikɨtɨpɨxti anentyo notoxti takana axoñɨ, sane ui nikonkoxti koiñoti uiti maniki ane nɨriakaxti atabaiti, axti naki ta tyonenti chobores.

Hebreos 7:1

Axti Melquisedec yɨriabuxti tɨkañe au Salem sacerdotetityo ɨmoti Tupax. Sɨrotitɨ Melquisedec kɨmenuti Abraham nauki akurusɨti uiti naukiche basɨkɨbɨkoti tato auki yaikixhti kauta iyeboma uiti axɨmanuma mayɨriabuka.

Santiago 2:19

Axɨkɨ aikokota ta anati kunauntañati Tupax, uxia axɨna sane aisamute. Axɨbama machoboreka ikokotama, paichokokononomaintyo ui nixhukuxɨma.

2 Pedro 2:4

Axti Tupax chañekanapɨma uiti axɨmanuma ángeles isamutema nomɨnantɨ, ta penekoma uiti au infierno akamanu sɨsioma uiti au tomikianene, tomoenoma ui karenax kɨmenu axɨmanu ñana tyakɨrux nanenes.

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.

SAN JUDAS 1:6

Axɨbamaintyo ángeles chɨmakokonaumpɨma, onkono uimia nipoxɨma, amanamampo uiti Tupax kauta tarukapae tomikianene chepe axtɨ iñatai ñana axɨmanu nanenes ñana.

Apocalipsis 12:12

¡Aupukɨnu, napeka, axañointyo axɨbama akamanu po'oso año! ¡Autakisɨrɨkatai axɨbama po'osoma iku kɨx takanaintyo axɨbama abe au narubaityu tux, tyopiki axti chobores ui axɨna tɨtusiu ɨmoti ta tɨmɨmanantai naneneka ɨmoti, sɨrotitɨ tanu akɨ aubesa aɨbu nityɨborixhti!”