San Marcos 4:8 - Manityanati Tupax

⁸ Pikiataka bupakio au axɨna uxia kɨx, sunau, ɨtau nuxia. Ane axɨna bachebo treinta nɨtax, kiatax sesenta, pikiataka obɨtau cien.”

Manitanati Tuparrü

⁸ Pero abe arrüba bupaquio au na urria cürrü. Tonehio arrüba musunaun, coñorrtai plantamanca, y auqui iyebo chama. Abe arrüba pachebo treinta niyomanca, y abe ito arrüba pachebo sesenta y piquiataca pachebo cien.

San Marcos 4:8 ပူးပေါင်းရင်းမြစ်များ

San Mateo 13:23

Tapɨ axɨmanu niyoma sɨro kauta uxia kɨx, tyone takana axɨbama onkoimia axɨba omixhia manityakax iyebo uimia isamutema nanaiña isiuki, takana axɨmanio nipɨrikia ane yokɨtɨpɨ cien, sesenta pikiataka treinta ane yokɨtɨpɨ auki taman.”

San Mateo 13:8

Tapɨ pikiataka bupakio kauta axɨna uxia kɨx, iyebo nuxia. Abe axɨba auki taman sɨrokɨtu pachebo cien. Pikiataka pachebo sesenta, abetyo axɨba pachebo treinta.

San Marcos 4:20

Abomaintyo axɨbama onkoimia axɨba omixhia manityakax ta yasutiuma, isamutemaintyo axɨba omixhia, takana axɨmanu niyoma sɨro kɨtu eana axɨna uxia kɨx. Tyoneio, axɨmanio obɨtau treinta, pikiataka sesenta, pikiatakaityo cien auki taman.”

San Marcos 4:7

Pikiataka bupakio eana nansaɨbox, axɨmanu nansaɨbox tabuxio uixh, sane naukiche chobɨtaupɨ.

San Marcos 4:9

Nantityo Jesús: “Axɨbama ane uiche onsapema, tari onsaperioma.”

San Lucas 8:15

Tapɨ axɨmanu sɨrobo kɨtu pakio au axɨna uxia kɨx, tyonema axɨbama uxia nausasɨxɨma xhanxɨma onkoimia isamutema isiuki axɨba omixhia manityakax, sɨsioma aɨbu ñakokonaunkuxɨma, isamutema axɨba omixhia.

San Lucas 8:8

Tapɨ kiatax pakio kauta uxia kɨx. Sunau, chama iyebo auki, ane axɨna bachebo cien auki taman.” Sane nanti Jesús, bapatayo nuxia nuraxti: “¡Axɨbama onauma, tari onsaperioma!”

San Juan 15:5

Axɨñɨ tyone axɨmanu nityakɨ uva, tapɨ axaño tyoneio axɨba niyupaka. Axti naki sɨsioti ichepeñɨ, axɨñɨntyo ichepeti, tyonenti takana nipia uva sɨrɨmana nɨtax. Axtɨ chiyakapɨ auchepe champɨ kokonobo aboi.

San Juan 7:17

Axti naki xhanxti aisamunenti noñemaxti Tupax, tyonenti tusiu ɨmoti axtɨ axɨna xhanunekaka kuatɨ aukiti, o xhanunekaka saukiñɨantoe.

Hechos 17:11

Axɨbama judíos, uxia nisɨborikixhimia pɨnanaki axɨmanuma auki Tesalónica, uxia ñakiokoxɨma asuriuma nuraxti Tupax, naneneka astaimia Nikorox nauki atusi ɨmoma axtɨ ñemanauntu axɨmanu manunekatax ɨmoma.

Efesios 2:21

Tyonenti naki uiche chɨtaɨbɨkopɨ axɨmanu pox uitityo sɨrotɨ ape nisunaunx, chepe axtɨ iñatai aisamunɨ nipo meankax ɨmoti Tupax.

Filipenses 1:11

Tyopiki uiti Jesucristo axaño apisamute axɨna uxia, nauki namanaiña anauma ɨmoti Tupax sane yarusɨrɨxtyo nɨrixhti uimia.

Colosenses 1:6

Axɨba omixhia manityakax urapoimia au nanaiña kɨx nesa Roma, aboma sɨrɨmanama axɨbama ikokotama. Sane uxiante tanu abaxɨpeku auki axɨmanu nanenes tɨkañe naukiche apipiate ta ñemanauntu taruku naukuasɨrɨkɨ ɨmoti Tupax.