San Lucas 8:35 - Manityanati Tupax

³⁵ Axɨmanuma po'oso yebomatɨ asaborimia axɨmanu sane. Naukiche iñataimia kauta anankati Jesús, tabɨkoti uimia tɨmonsoti yobesa nipopesti axti maniki ñoñɨnx amonkoma machoboreka kɨtɨpɨti, ane naibixhti kɨtɨpɨti champɨ kausane ɨmoti. Auki bixhubuma.

Manitanati Tuparrü

³⁵ Nauquiche toncoimia bama pohoso, süromatü asaborimia. Aiñanaimia taha esati Jesús. Arrti maniqui ñoñünrrü naqui amoncoma machoboreca auti, anati tümonsoti esati Jesús. Ane naibirrti tato. Champü causane nacarrti. Arrübama pohoso birrubuma.

San Lucas 8:35 ပူးပေါင်းရင်းမြစ်များ

San Mateo 4:24

Ipiatemaintyo nɨrixhti Jesús au nanaiña axɨmanu kɨx Siria, kuamatɨ uimia esati namanaiña axɨbama taruku nityakisɨrɨkɨxɨma oboi axɨba chɨtamampatai noxokoka, axɨbamaintyo aboma machoboreka kɨtɨpɨma, axɨbama konsaboma axɨbamaintyo chɨpokoropɨma. Uxiankama tato uiti Jesús.

San Marcos 5:15

Naukiche aiñanaimia esati Jesús, asaramatɨ ɨmoti tɨmonsoti, ane naibixhti champɨ kausane uiti maniki amonkoma machoboreka kɨtɨpɨti. Namanaiña bixhubuma,

San Lucas 10:39

Marta ane taman narukixh nɨrixh Mariax, tyone tɨmonso esati Jesús, nauki onsaperio nuraxti.

San Lucas 15:17

Au nityakɨrux kuatɨ au ñakionkoxti: ‘¡Au nipoxti iyaɨ sɨrɨmanama axɨbama ikumanakataxti ane kɨtɨpɨx utuburiboma, tapɨ axɨñɨ auna tɨsaimia nisonko ui nisɨrɨpɨ!

San Lucas 2:46

Yopɨrɨkɨ trex naneneka tabɨkoti uimia au nipo meankax, tɨmonsoti ichepe axɨmanuma manunekanama bakɨpukux uiti Moisés, onsaperomati ñankitiotityo pɨnanakimia.

San Lucas 8:27

Naukiche sɨroti akɨ Jesús, kuatati kɨmenuti tamanti ñoñɨnx auki axɨmanu tube anati chobores kɨtɨpɨti, sɨrotitɨ esati. Tɨkoboi chiñatatipɨ naibixhti kɨtɨpɨti chɨpo'osotipityo au pox, po'osoti eana nikɨ makoiñoka.

San Lucas 8:34

Axɨmanuma asaramatɨ yutaku nupaucheka, naukiche astaimia axɨna sane, besɨburuma aukimanu sɨromatɨ uraboimia sukarɨ namanaiña au tube.

Hechos 22:3

–Ñemanauntu axɨñɨ judíoxɨñɨ, yaka iku kɨx au Tarso au axɨmanu kɨx Cilicia, isunaunka au axɨba poka Jerusalén, axti Gamaliel tyonenti naki uiche aiñununekanatiñɨ, iñatati axɨna ñanunekakaxti isiu takana axɨbama kusɨrɨboma tɨkañe oñopɨnanaki. Axɨñɨ nantax xhakokonaunka ɨmo nuraxti Tupax takana axaño kaɨma.

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.