San Lucas 7:40 - Manityanati Tupax

⁴⁰ Auki nanti Jesús ɨmoti maniki fariseo: –Simón, ane nixhantɨmo suraboi asukarɨkɨ. Aiñumuti fariseo: –Urasoi sukarɨñɨ, maestro.

Manitanati Tuparrü

⁴⁰ Auqui nanti Jesús ümoti maniqui fariseorrü: —Simón, ane arrüna irranca suraboi asucarücü. Aiñumuti maniqui fariseorrü, nanti: —Urasoi te isucarüñü, maestro.

San Lucas 7:40 ပူးပေါင်းရင်းမြစ်များ

San Mateo 26:49

Sane, sɨrotitɨ esati Jesús, nanti: –¡Chamuxaume, Maestro! Auki iñatati naruxti isuti.

San Mateo 7:22

Au axɨmanu nanenes ñana sɨrɨmanama axɨbama namatɨ iñemo: ‘Yɨriabux, Yɨriabux, axɨsomɨ supanityaka au nɨri, au nɨrityo supakaɨbuka machoboreka, au nɨri sopisamute axɨba champɨ tɨsumastai.’

San Lucas 18:18

Tamanti axɨpekukimia axɨmanuma yɨriabuka ñankitioti pɨnanakiti Jesús: –Maestro axɨkɨ taruku nakumananaunku, ¿kausane nauki aye sobi isɨborikiboñɨ axɨna champɨ nityakɨrux?

San Lucas 5:22

Tapɨti Jesús tusinaunku ɨmoti axɨna sane ñakionkoxɨma, ankirioti pɨnanakimia: –¿Kausane sane napakionko?

San Lucas 5:31

Aiñumuti Jesús nuraxɨma: –Axɨbama uxia ɨmoma chɨmaunxokonopɨma champɨ nɨmocheti uimia naki ipiaka akura, ta axɨbama maunxokonoma.

San Lucas 6:8

Tapɨti, tusinaunku ɨmoti axɨna sane ñakionkoxɨma, nanti ɨmoti maniki ñoñɨnx sɨɨbo ne'esti: –Atɨsai ariaku auna kɨmuintya. Atɨraiti maniki ñoñɨnx,

San Lucas 7:39

Axti maniki fariseo naki uiche aityasuruti Jesús, naukiche astaiti axɨna sane, kuatɨ au ñakionkoxti: “Axtɨ ñemanauntupɨ profetati naki ñoñɨnx, tusiupɨ ɨmoti isane naka axɨna asio aiñenoti: taman paɨx axɨna chuxiampɨ nisɨborikixh.”

San Lucas 7:41

Nantikityo Jesús: –Tox mañoñɨnka ebeoma ɨmoti tamanti naki ane nimonixhti. Axti maniki taman ebeoti quinientos denarios, tapɨti kiatax cincuenta.

San Juan 13:13

Axaño amukanaño iñemo Maestro Yɨriabux, uxia axɨna sane nabura, ityopiki ñemanuntu axɨna sane.

San Juan 16:19

Tusiatai ɨmoti Jesús axɨmanuma nesaxti apóstoles xhanxɨma ankirioma pɨnanakiti, nanti ɨmoma: –Sukanañɨ aume, yopɨrɨkɨ mɨmanantai naneneka chamasakapɨñɨnki, ta yopɨrɨkɨ mɨmanantai naneneka amasakañɨ tatityo. Tyone axɨna abasikia apankirio amopɨnanakiapatoe.

San Juan 16:30

Sumastai kaɨma tusiu aemo nanaiña champɨ nɨmoche supankirio apɨnanakikɨ. Sane naukiche sopikokota ta axɨkɨ ayekatɨ tyupekukiti Tupax.

San Juan 3:2

Tyonenti naki yebotitɨ au tobixh asarati Jesús, nanti ɨmoti: –Maestro, tusiu suiñemo ta ui yakɨpukuxti Tupax ayekatɨ anuneka suiñemo, ityopiki champɨti masamunu takana axɨba aisamukio axɨba champɨ tɨsumastai, axtɨ champɨti Tupax ichepeti.