San Lucas 7:39 - Manityanati Tupax

³⁹ Axti maniki fariseo naki uiche aityasuruti Jesús, naukiche astaiti axɨna sane, kuatɨ au ñakionkoxti: “Axtɨ ñemanauntupɨ profetati naki ñoñɨnx, tusiupɨ ɨmoti isane naka axɨna asio aiñenoti: taman paɨx axɨna chuxiampɨ nisɨborikixh.”

Manitanati Tuparrü

³⁹ Nauquiche tarrtaiti arrüna sane maniqui fariseorrü naqui itasurutiti Jesús, mapensarati: “Arrtü ñemanauntupü profetarrti naqui Jesús, tusiopü ümoti isane naca na paürrü, ta churriampü nisüboriquirri. Y todaviarrü iñenoti”.

San Lucas 7:39 ပူးပေါင်းရင်းမြစ်များ

San Mateo 20:16

“Sane ñana axɨbama kaɨma aboma tyakɨru, tyonema ñana kusɨrɨboma. Tapɨ axɨbama kaɨma kusɨrɨboma, tyonema ñana sɨroma tyakɨru.”

San Mateo 21:11

Axɨmanuma makiataka iñumutama: –Axti profeta Jesús auki Nazaret auki axɨmanu kɨx Galilea.

San Marcos 7:21

Tyopiki auki nausasɨ mañoñɨnka, kuantio tanene axɨba chomixhampɨ ñakionkoxɨma, nixhankaxɨma ñome pikiataka paɨka, ɨmo kusɨpɨkɨx ɨmointyo batabaikixh,

San Lucas 12:17

Axti maniki chiyaupɨ nenaxixhti kuatɨ au ñakionkoxti: ‘¿Isanempɨ axɨna yachɨkoboibo? Champɨ kauta iñaɨbu nixhakiyo.’

San Lucas 15:2

Tapɨ axɨmanuma fariseos ichepe axɨbama manunekana bakɨpukux uiti Moisés ɨnantɨ ɨmoma tyopiki axɨna sane yachɨkoiti, namatɨ: –Axti naki uxia uiti ɨmo axɨbama chuxiampɨ nisɨborikixhimia basoti aɨbuma.

San Lucas 16:3

Auki axti maniki kiapatax kuatɨ au ñakionkoxti: ‘¿Kausane kaɨma sobi axti ipiatron champɨki yachɨkoboiboñɨ uiti? Chisusɨukapɨ nauki ñasamu ñanaunx, isɨsoka yɨrotɨ xhanki monixh.

San Lucas 18:4

Tomenotɨ sɨrɨmana naneneka champɨ nɨmoche uiti maniki yɨriabux, auki kuatɨ au ñakionkoxti: ‘Axɨñɨ champɨ nixhuku ñɨnanati Tupax champɨityo nixhanaunku ɨmo makiataka,

San Lucas 3:8

Apisamuse nuxia nauki atusi ta abekatɨ tato esati Yɨriabux, tapɨ amukanaño aumeampatoe: ‘¡Axɨsomɨ nityakɨbaɨtuxti Abraham!’ Tyopiki sukanañɨ aume axtɨ xhanxti Tupax omixhante uiti axɨba kanka ityakɨbaɨtubuti Abraham.

San Lucas 7:16

Ui axɨna sane astaimia, namanaiña bixhubuma auki yarusɨrɨx nɨrixhti Tupax uimia, namatɨ sane: –Tamanti yarusɨrɨx profeta iñataiti auna uyaxɨpeku. Namatityo: –Axti Tupax iñataiti asaratitɨ tyakuma axɨbama aɨtoxti.

San Lucas 7:37

auki taman paɨx axɨna chuxiampɨ nisɨborikixh, po'oso akamanu au axɨmanu tube ipiate yebotitɨ Jesús a'ati au nipoxti maniki fariseo, iñatai aɨbu axɨmanu koñoxtai norixh ataso nausɨx.

San Lucas 7:38

Aɨbu nareox, tɨmonso yobesa nipopesti Jesús ityopiankanio ui nisukɨx. Auki isɨbuta oboi nityanux, iñata narux yokɨtɨpɨ nipopesti iyarapataityo yokɨtɨpɨ axɨmanu koñoxtai norixh.

San Lucas 7:40

Auki nanti Jesús ɨmoti maniki fariseo: –Simón, ane nixhantɨmo suraboi asukarɨkɨ. Aiñumuti fariseo: –Urasoi sukarɨñɨ, maestro.

San Juan 4:19

Naukiche onkoi axɨna sane, axɨmanu paɨx nantɨ: –Axɨkɨ Nɨriabux, yasakatɨ aemo tyonenkɨ profeta.

San Juan 7:12

Axɨpeku namanaiña baparioma kɨtɨpɨti. Aboma axɨbama namatɨ: “Axti maniki ñoñɨnx uxia axɨna isamutenti”. Tapɨ makiataka namatɨ: “Chuxiampɨ axɨna isamutenti. Tyopiki matachemakanati ɨmo makiataka.”

San Juan 9:24

Axɨmanuma ɨriatuxɨma axɨbama judíos ityasurumati tatityo maniki supusuti tɨkañe, namatɨ ɨmoti: –Urasoi suisukarɨ axɨna ñemanauntu. Axɨsomɨ tusiu suiñemo axti maniki ñoñɨnx chiyaupɨ nomɨnantɨ uiti.