San Lucas 5:35 - Manityanati Tupax

³⁵ Iñatai ñana axɨmanu nanenes auche sɨrotitɨ uimia maniki aɨbo apo. Axtɨ iñatai ñana axɨmanu nanenes, akamanu kaɨma chɨbasopɨma.

Manitanati Tuparrü

³⁵ Pero cuatiqui manu nanenese auche carübuti maniqui tübübüche pünanaquimia. Auqui caüma ayunaboma.

San Lucas 5:35 ပူးပေါင်းရင်းမြစ်များ

San Mateo 9:15

Aiñumuti Jesús nuraxɨma: –¿Ensapɨ aboma sucheboma axɨbama tasuru ɨmo tɨbɨbɨx, axtɨ anati naki aɨbo apoti chepema? Iñatai ñana axɨmanu nanenes auche aikianamati maniki aɨbo apoti. Akamanu kaɨma tari chɨbasopɨma.

San Marcos 2:20

Iñatai ñana axɨmanu nanenes auche aikianamati maniki aɨbo apo. Axtɨ iñatai ñana axɨmanu nanenes, akamanu kaɨma chɨbasopɨma.

San Lucas 17:22

Auki nanti Jesús ɨmo axɨmanuma nesaxti apóstoles: –Iñatai ñana axɨmanu nanenes auche auxianka amasarai tamantai axɨmanu nanenes ñana iñemo axɨñɨ Aɨtoxti ñoñɨnx, ta chichebopɨ aume amasarañɨ.

San Lucas 5:34

Aiñumuti Jesús nuraxɨma: –¿Ensapɨ chɨbasopɨma aboi axɨbama tasuruma ɨmo tɨbɨbɨx, axtɨ anati naki aɨbo apo ichepema?

San Lucas 5:36

Iñatatityo ɨmoma axɨna machepekatax: –Champɨti iyokitati naibixhti iyebo nauki aixupaxiankati uixh nanankatu naibixhti. Axtɨ sane uiti, mameso uiti axɨmanu iyebo naibixhti. Takanaintyo, axɨmanu iyebo chɨkoñopɨtɨ ɨmo axɨmanu nanankax.

San Juan 12:8

Axɨbama taruku nityakisɨrɨkɨxɨma sɨsiomantai ñana abaxɨpeku, tapɨ axɨñɨ chiyasikiapɨ auna abaxɨpeku.

San Juan 13:33

Taruku naukuasɨrɨkɨ iñemo machurapataiki, chauki tɨsaimia mapakɨmunkutux iñemo chiyasikiaikipɨ auchepe. Axtɨ apapacheka iyoñɨ chichabɨkapɨ aboi, sukanañɨ aume takana nisura ɨmoma axɨbama ɨriatu axɨbama judíos: Chiyebopɨ aboi kauta niyɨkɨ.

San Juan 16:28

Axɨñɨ isekatɨ ityupekukiti Iyaɨ auki napes nauki isetɨ iku axɨna kɨx, ta kaɨma onkono sobi axɨna kɨx nauki yɨrotɨ tato esati Iyaɨ.

Hechos 1:9

Naukiche tɨnanti axɨna sane, axɨmanuma amonkoma isiuti astaimia kausane niyɨkɨxti Jesús au napes, taman kɨsaɨbox ityamuxikianati auki chasaramatɨkipɨ.

Hechos 14:23

Sɨromaintyo uimia mayɨriabuka kauta aboma axɨbama ikokoromati Jesús, naukiche tɨtakɨrusu axɨmanu neankaxɨma mankioma tyakuma pɨnanakiti Yɨriabux naki ɨmoche akokonauma.

Hechos 3:21

Tapɨ axɨna kaɨma sɨsioti Jesucristo au napes chepextɨ tɨmokoñokono uiti Tupax axɨba isamutenti, takana nuraxɨma tɨkañe axɨbama profetas kusɨrɨboma usaɨbu.

1 Corintios 7:5

Sane naukiche, tari apityoximiasaño aumeampatoe, tapɨ axtɨ chepe napakionko apiñanaño pese amopɨnanakiapatoe ñome mantukubatai naneneka nauki tyone napachɨkoi meankax. Iyau axɨmanio naneneka chepe tatityo nabaka. Tapɨ aboiyapatoe autapeneka uiti chobores au nomɨnantɨ.

2 Corintios 11:27

Taruku nichakisɨrɨkɨ kuata niyachɨkoi. Ane auche chixhanukapɨ. Ichakisɨrɨka ui nisɨrɨpɨ uityo nichosɨ. Ane auche chixhakapɨ. Ichakisɨrɨka ui xhimianene tyopiki champɨ sɨrobo sɨtɨpɨñɨ.