San Lucas 4:5 - Manityanati Tupax

⁵ Auki iñatɨnaiñakanati chobores, aityusiankati sukarɨti nanaiña nacioneka iku axɨna kɨx,

Manitanati Tuparrü

⁵ Auqui arrti choborese iquianatiti Jesús onü taman yiriturrü petaisürü. Au manu rratorrü itusiancatati isucarüti nanaiña cüca y nacioneca abe icu na cürrü aübu nanaiña niñocoñoporrü.

San Lucas 4:5 ပူးပေါင်းရင်းမြစ်များ

San Mateo 24:14

Axɨba omixha manityakax kɨtɨpɨ nɨriakax au napes tusiankana ñana sukarɨ namanaiña iku axɨna kɨx, nauki namanaiña mañoñɨnka asuputanema. Auki ñana iñatai nityakɨrux.

San Mateo 4:8

Au nityakɨrux sɨrotitɨ chobores aɨbuti onɨ taman yirityux taruku napetaikixh, aityusiankati sukarɨti nanaiña nacioneka axɨba abe iku axɨna kɨx axɨnaintyo nobɨriakax,

1 Corintios 15:52

Au taman nakax, au taman basakuakax, axtɨ rabotɨ ñana axɨmanu tyakɨrux tosibixh. Tyopiki rabotɨ ñana axɨmanu tosibixh, axɨbama tɨkoiñoma atɨraimia tato nauki tapɨ ananto akoma tato. Auki axoñɨ kiatax nosɨboriki.

1 Corintios 7:31

Tapɨ axɨbama champɨ ñemakiyauma iku axɨna kɨx, tari aiñama takana axtɨ champɨ isane ɨmoma, tyopiki axɨna kɨx aɨbu nanaiña axɨba nenaxixh takɨrusu ñana.

2 Corintios 4:17

Axɨna nutakisɨrɨkɨ iku axɨna kɨx chɨsɨsiopɨ ñana, konto sɨrotɨ. Ityobo kuatɨ uixh oemo yarusɨrɨx upukɨnunkubu axɨna champɨ nityakɨrux.

Efesios 2:2

au nausɨboriki, tyopiki amekatɨ yusiu ñapanaunkuxɨma axɨbama ikuki axɨna kɨx, apisamute noñemaxti Chobores naki yɨriabuxti iku axɨna kɨx yɨriabuxtityo ɨmoma makiataka machoboreka naki bakɨpuruti ɨmoma axɨbama chɨmakokonaumpɨma ɨmoti Tupax.

Efesios 6:12

Tyopiki chubaikiapɨ aɨbu mañoñɨnka takana axoñɨ, ta aɨbu machoboreka axɨbama chuxiampɨ uimia au napes. Tyonema axɨbama kaɨma iñatama nɨriakaxɨma takanaintyo noñemaxɨma auna iku axɨna kɨx.