San Lucas 4:36 - Manityanati Tupax

³⁶ Namanaiña kɨtobɨsoma, namatɨ ɨmomantoe: –¿Isane axɨna sane manityakax? Axti naki ñoñɨnx ane nipiakaxti aɨbu nɨriakaxti bakɨpuruti ɨmo machoboreka naukiche aikiaɨburumakɨ, ¡axɨma ikokotama sɨromatɨ!

Manitanati Tuparrü

³⁶ Namanaiña cütobüsoma, namatü ümomantoe: —¿Causanempü arrüna sane manitacarrü? Arrti naqui ñoñünrrü Jesús ane nüriacarrti y nicusüurrti. Bacüpuruti ümo bama machoboreca, y arrüma icocotama nurarrti.

San Lucas 4:36 ပူးပေါင်းရင်းမြစ်များ

San Mateo 9:33

Naukiche penekoti chobores uiti Jesús, axti maniki ñoñɨnx manityanati tato. Namanaiña, kɨtobɨsoma, namatɨ: –Champɨ tubastai au Israel takana axɨna sane.

San Marcos 1:27

Namanaiña kɨtobɨsoma, ñankitioma pɨnanakimiantoe: –¿Isane axɨna sane? ¡Aɨbo axɨna sane ñanunekakaxti, aɨbu niriakaxti! ¡Axtɨ bakɨpuruti ɨmo machoboreka, ikokoromati!

San Marcos 7:37

Taruku nikɨtobɨxɨma, namatɨ: “Nanaiña axɨba isamutenti omixhia. ¡Onaunxɨma tato uiti axɨbama chonaumpɨma takana axɨbamaintyo chɨmanityanapɨma!”

San Lucas 2:18

namanaiña axɨbama onkoimia kɨtobɨsoma ui nuraxɨma axɨmanuma asaramatɨ yutaku nobixhaka.

San Lucas 4:32

Axɨmanuma po'oso kɨtobɨsoma ui ñanunekakaxti ɨmoma, ityopiki manityanati aɨbu nɨriakaxti.

1 Pedro 3:22

naki sɨrotitɨ tato au napes atɨmoti au nepanaunkuxti Tupax, naki Yɨriabuxti ɨmoma axɨbama ángeles nanaiñaintyo nausɨpɨxɨma axɨbama ane nɨriakaxɨma.