San Lucas 24:52 - Manityanati Tupax

⁵² Axɨma, iyau ñanaunkuxɨma ɨmoti, basɨkɨbɨkoma tato au Jerusalén taruku nipukɨnunkuxɨma.

Manitanati Tuparrü

⁵² Arrüma asaramatü isiuti aübu ñanauncurrüma ümoti. Auqui süroma tato au Jerusalén aübu tarucu nipucünuncurrüma.

San Lucas 24:52 ပူးပေါင်းရင်းမြစ်များ

San Mateo 28:17

Naukiche asaramati Jesús, manaunuma ɨmoti, aboma axɨbama chikokotapɨma nuxia.

San Mateo 28:9

Isiukai, axti Jesús ityusiankanatiyɨ yusukarɨ mankioti nuxia ñome. Axio omenotɨ esati Jesús panaunu ɨmoti, opityañumeta nipopesti,

San Lucas 24:51

Isiu axɨmanu ñakunusɨankakaxti ɨmoma, sɨrotitɨ pɨnanakimia auki sɨrotitɨ au napes.

San Lucas 24:53

Taikiana aɨromatɨ au nipo meankax, nauki anauma ɨmoti Tupax.

San Juan 14:28

Chauki tamonkoi nisura axɨñɨ yɨkatɨ auki ta'a yasɨkɨbɨka tato nauki yasikia auchepe. Axtɨ ñemanauntupɨ isuasɨrɨka aume, aupukɨnunkapɨ ui axɨna tusiu aume ta yɨkatɨ tato esati Iyaɨ, ityopiki taruku nɨriakaxti xhopɨnanakiñɨ.

San Juan 16:22

Saneityo axaño, autakisɨrɨka kaɨma ui nausucheki. Axɨñɨ isekatɨ tato ñana yasaraño, auki ñana taruku naupukɨnunku, champɨti ñana ikiaɨbutati amopɨnanaki naupukɨnunku.

San Juan 16:7

Ñemanaunkuxatoe sukanañɨ aume: uxia axtɨ yɨkatɨ. Tyopiki axtɨ chiyɨkapɨtɨ, axti naki okɨmanabo autaku chɨkuatatipɨ sɨsioti auchepe, tapɨ axtɨ yɨkatɨ, sobi ikɨpuruti.

San Juan 20:28

Aiñumuti Tyomanxi: –¡Axɨkɨ Tupaxɨkɨ axɨkɨtyo Yɨriabuxɨkɨ iñemo!

Hechos 1:12

Auki axɨmanu yirityux nɨrixh Olivos, basɨkɨbɨkoma tato axɨmanuma amonkoma isiuti Jesús au Jerusalén: saimiantai, axɨna chebo ui axɨmanu bakɨpukux uiti Moisés amema au nanenes sabaru.

1 Pedro 1:8

Axaño kuasɨrɨti aume Jesucristo, abo chamasakatipɨ. Apikokokati abo chamasakatipɨ, taruku naupukɨnunku, axɨna champɨ uiche aburaboi,