San Lucas 24:39 - Manityanati Tupax

³⁹ Amasasio niñee yochepe nipope. Unka axɨñɨ. Amasasai apiñensoñɨ: axti yausɨpɨx champɨ nañetuxti champɨityo nipiaixhti, takana axɨna amastai sɨtɨpɨñɨ.

Manitanati Tuparrü

³⁹ Amasasai niñe y nipope, ta arrüñü. Ausiapata tauna nauqui apiñenoñü. Arrti yausüpürrü champü nañeturrti ni anempito nipiairrti. Tapü arrüñü ane nirrañetu y nipiai.

San Lucas 24:39 ပူးပေါင်းရင်းမြစ်များ

San Lucas 23:46

Auki rabotɨ nuxia nityosibixhti Jesús nanti: –¡Iyaɨ, amekukɨ ityoximiata niyausɨpɨ! Iyau axɨmanu nuraxti, koiñoti.

San Lucas 24:38

Tapɨti Jesús nanti ɨmoma: –¿Kausane aupixhukatai? ¿Kausane apekiatai napakokonaunku au nautusi?

San Lucas 24:40

Naukiche nanti ɨmoma axɨna sane, ityusiankatati sukarɨma ne'esti yochepe nipopesti.

San Juan 20:20

Naukiche tɨnanti axɨna sane, ityusiankatati sukarɨma axɨmanio nobɨrityuka ñome ne'esti ichepe nipetakuxti. Axɨma pukɨnuñama ui axɨna asaramati Yɨriabux.

San Juan 20:25

Naukiche iñataiti tato Tyomanxi, axɨmanuma makiataka urapoimia sukarɨti: –Sumasakati Yɨriabux. Tapɨti Tyomanxi aiñumuti nuraxɨma: –Axtɨ chiyastaipɨ nobɨrityu ne'esti oboi krabuka, axtɨ chiñatapɨ niñee ubau nobɨrityux autyo nipetakuxti, chikokotapɨ.

San Juan 20:27

Auki nanti ɨmoti Tyomanxi: –Asasio niñee asasaityo nipetaku, aisɨkɨma ne'e au nobɨrityux. Tapɨ chakokonaunkapɨ. ¡Akokonau!

Hechos 1:3

Naukiche tɨsɨborikoti tato ityusiankanatiyɨ sukarɨma axɨmanuma amonkoma isiuti, sane ityusiankatati sukarɨma ta ñemanauntu sɨborikoti tato. Yusiu cuarenta naneneka ityusiankanatiyɨ sukarɨma manityanatityo ɨmoma kɨtɨpɨ axɨna nɨriakaxti Tupax.

1 Tesalonicenses 5:23

Tari uiti Tupax naki uiche taikiana uxia nosɨboriki, sɨsio año uiti aɨbu napaserebiki ɨmoti. Tari sɨsio año uiti champɨ nomɨnantɨ aboi, chepe axtɨ tɨkuati tato Yɨriabux Jesucristo, nauki nabausɨpɨ, naukɨtɨpɨ tapɨ butabɨko aɨbu nomɨnantɨ yokɨtɨpɨ.

Hebreos 12:9

Naukiche masiomankaiki oñɨ, axɨbama uyaɨtaiki ikuki axɨna kɨx ikuansomokonoma oñɨ, axoñɨ ane numanaunku ɨmoma. ¿Kausane chumakokonaunkapɨ ɨmoti Tupax naki Uyaɨ nauki ane osɨborikibo?

1 Juan 1:1

Supakonomoka aume kɨtɨpɨ axɨmanu aukiapae ñemonkox anankatai, axɨna somonkoi sumastai sopiñentaityo. Tyone axɨmanu manityakax ɨmo sɨborikixh.