San Lucas 24:36 - Manityanati Tupax

³⁶ Naukiche amonkomainki baparioma ɨmo axɨna sane, auki ityusiankanatiyɨ Jesús akamanu kɨmuintya kauta amonkoma mankioti ɨmoma sane: –Taikiana uxia uiti Tupax aume.

Manitanati Tuparrü

³⁶ Nauquiche amoncomainqui baparioma arrüna sane, arrti Jesús paecüburuti eanama. Manquitioti nurria ümoma, nanti: —Taiquiana urria nabaca.

San Lucas 24:36 ပူးပေါင်းရင်းမြစ်များ

San Mateo 10:13

Axtɨ axɨmanuma po'oso koñotɨ ɨmoma, axɨmanu uxia nauxiantɨmo ɨmoma kokono. Tapɨ axtɨ chɨkoñopɨtɨ ɨmoma, axaño champɨ ensorobo amopɨnanaki.

San Marcos 16:14

Ta'aiki pariu ityusiankanatiyɨ Jesús isukarɨ axɨmanuma once nesaxti apóstoles, amonkoma tɨmonsoma basoma. Akamanu kuasoma uiti ityopiki chikokotapɨma tyakuityo nityai nausasɨxɨma, ui axɨna chikokotapɨma nuraxɨma axɨbama ityusiankanatiyɨ isukarɨma, ta sɨborikoti tato.

San Lucas 10:5

Axtɨ amekatɨpo au taman pox, kusɨrɨbo apanki nuxia, sane: ‘Taikiana uxia uiti Tupax ɨmo axɨbama po'oso.’

San Juan 14:27

“Onkono sobi aume axɨna uxia. Toxio sobi aume axɨna uxia, tyopiki chisiupɨ takana nixhankaxɨma axɨbama ikuki axɨna kɨx. Tapɨ ausucheka tapɨ aupixhukaityo.

San Juan 16:33

Sukanañɨ nanaiña axɨna sane ausukarɨ, nauki uxia nausɨboriki axɨna abaka ichepeñɨ. Iku axɨna kɨx, autakisɨrɨka ñana. Tapɨ oxonene aume, axɨñɨ batacheboma sobi axɨbama mayɨriabuka ikuki axɨna kɨx.

San Juan 20:26

Yopɨrɨkɨ ocho naneneka, axɨmanuma amonkoma isiuti oberabarama tatityo au axɨmanu pox, auki anankati Tyomanxi ichepema. Amonkio tyuruka umamana uimia, auki sɨrotitɨpo Jesús, sɨroti kɨmuintya axɨpekuma auki mankioti ɨmoma, nanti: –¡Taikiana uxia aboi aumeampatoe!

Hechos 1:3

Naukiche tɨsɨborikoti tato ityusiankanatiyɨ sukarɨma axɨmanuma amonkoma isiuti, sane ityusiankatati sukarɨma ta ñemanauntu sɨborikoti tato. Yusiu cuarenta naneneka ityusiankanatiyɨ sukarɨma manityanatityo ɨmoma kɨtɨpɨ axɨna nɨriakaxti Tupax.

1 Corintios 15:5

Ityusiankanatiyɨ sukarɨti Peru, auki sukarɨ namanaiña axɨmanuma doce.

1 Corintios 15:7

Auki ityusiankanatiyɨ sukarɨti Santiago, aukityo sukarɨma namanaiña axɨmanuma amonkoma isiuti.

2 Tesalonicenses 3:16

Tari axti naki Yɨriabux uxia uiti taikiana uxia uiti aume, au nanaiña nausɨboriki, tari sɨsioti Yɨriabux abaxɨpeku.

Apocalipsis 1:4

Axti Kuan ñakionkoxti ñome axɨmanio siete kauta nakaxɨma axɨbama ikokoromati Jesús axɨbama aboma au Asia. Apasusiu makunusɨankakax taikianaintyo uxia aume uiti naki kuabotɨ ñana, axɨbamaintyo siete espíritu axɨbama aboma esa nityɨmoxti,