San Lucas 23:25 - Manityanati Tupax

²⁵ Sane naukiche emekanati uiti axti maniki ñoñɨnx ñankiromati, anankati amanatipo ityopiki anankati axɨpekuma axɨmanuma baiyoma yupu nikomesɨma au axɨmanio poka, tyakuityo yatabaikixhti, auki aityoximianati Jesús nauki aisamunema aɨbuti isiu nixhankaxɨma.

Manitanati Tuparrü

²⁵ Sane nauquiche emecanati maniqui ñoñünrrü, naqui ñanquirioromati, naqui anancati au preso itopiqui yahiquirrti y itopiquito arrüna yatabaiquirrti. Tapüti Jesús torrioti mecuma, tari isamutema aübuti isiu nirrancarrüma.

San Lucas 23:25 ပူးပေါင်းရင်းမြစ်များ

San Mateo 27:26

Auki taesɨburuti Barrabás uiti Pilato. Auki bakɨpuruti akɨboriti Jesús toxiotityo nauki aityakubaxiromati kɨtɨpɨ kurusɨx.

San Marcos 15:15

Axti Pilato, xhanxti nauki uxia uimia ɨmoti, sane naukiche iñemekanati Barrabás. Naukiche tɨbakɨpuruti akɨboriti Jesús, auki aityoximianati nauki aityakubaxiromati kɨtɨpɨ kurusɨx.

San Lucas 23:2

Akamanu urabomati Jesús isukarɨti Pilato. Namatɨ: –Tabɨkoti soboi naki ñoñɨnx ausɨratai uiti aɨbu namanaiña au axɨna noesa kɨx. Nanti tapɨ bacheka monixh ɨmoti Yɨriabux auki Roma, nantityo ta tyonenti Mesías, axti Yɨriabux.

San Lucas 23:24

Axti Pilato isamutenti axɨna ñankitioma pɨnanakiti.

San Lucas 23:26

Naukiche tɨsɨromatɨ aɨbuti Jesús aityakubaxiromati kɨtɨpɨ kurusɨx, ikɨpurumati maniki taman ñoñɨnx auki Cirene nɨrixhti Simón, niyekixhti tato auki niyoxti, iñatama ompakɨti axɨmanu kurusɨx nauki aɨrotitɨ isiuti Jesús.

San Lucas 23:5

Tapɨ axɨma yachɨromati tatityo aɨbu yapataikixhimia: –Oboi ñanunekakaxti ausɨratai ui axɨbama po'oso au axɨna tube. Kusɨrɨbo sane uiti au Galilea, kaɨma saneityo uiti auna, Judea.

San Juan 18:40

Auki namanaiña tosibikoma tatityo: –¡Axti maniki tapɨ aiñemekakati! ¡Aiñemekasaxti Barrabás! Axti Barrabás tyonenti maniki yatabayoxti.

San Juan 19:16

Auki toxioti Jesús uiti Pilato ɨmoma nauki aityakubaxiromati kɨtɨpɨ kurusɨx, auki sɨromatɨ aɨbuti.

Hechos 3:14

Abo apankitiopɨ nauki ataesɨbuti naki champɨ nipɨnatenti, tapɨ axaño apankitio nauki ataesɨbuti maniki yatabayox.