San Lucas 22:5 - Manityanati Tupax

⁵ Axɨma taruku nipukɨnunkuxɨma auki namatɨ toxio monixh ñana ɨmoti Judas.

Manitanati Tuparrü

⁵ Arrüma bien pucünuñama. Namatü ümoti: —Supacheca aemo monirri itobo.

San Lucas 22:5 ပူးပေါင်းရင်းမြစ်များ

San Lucas 22:4

Axti naki yebotitɨ apariti aɨbuma axɨmanuma ɨriatu axɨbama sacerdotes ichepe axɨbama mayɨriabuka auki nipo meankax, manityanati aɨbuma kausane nauki atoxiti Jesús uiti ɨmoma.

San Lucas 22:6

Axti uxia ɨmoti auki bapacheroti nikiubuti, kauta atabɨti uiti tamanti, nauki aityoximianati Jesús ɨmoma.

Hechos 1:18

Naukiche toxioti Jesús uiti, yebotitɨ akomporati kɨx ityobo axɨmanu monixh toxio uimia ɨmoti ityobo axɨmanu nomɨnantɨ isamutenti. Auki taɨbɨkoti akɨ ui nityanuxti, paxioti nuxia.

Hechos 8:20

Auki aiñumuti Peru nuraxti: –¡Tari ui axɨmanu namoni aɨkatɨ ɨmo natakisɨrɨkɨ, ityopiki axianka aye obi ityobo monixh axɨna niñakumanataxti Tupax!

2 Pedro 2:15

Amenkomantai, tyopiki kɨseboma pɨnanaki axɨna besɨro kutubiux. Isamutema nisɨborikixhimia isiukiti Balaam, aɨtoxti Bosor, naki xhanxti ane nimonixhti isiuki axɨba nomɨnantɨ isamutenti

2 Pedro 2:3

Axɨmanuma mapañama anunekama taruku nixhankaxɨma ñana ane nimonixhimia iyebo ñana uimia monixh ui ñanunekakaxɨma aume axɨba ñapantuxɨma. Tapɨti Tupax tɨtane manityomokotox uiti ɨmoma aukiapae tɨkañe chañekanapɨma ñana ui axɨmanu nityakisɨrɨkɨxɨma.

SAN JUDAS 1:11

¡Takisɨrɨmantai ñana!, tyopiki isamutema takana axɨmanu isamutenti Caín. Ityobo mantukubatai monikia iñatama tyoneantoe axɨmanu nipɨnatenti Balaam. Champɨ nuxiantu nisɨborikixhimia, sane naukiche koiñoma ñana takana nikonkoxti Coré.