San Lucas 22:42 - Manityanati Tupax

⁴² Nanti: “Iyaɨ, axtɨ axianka, tapɨ ichabauta axɨna ichɨpoboñɨ pichananene. Tapɨ uxiante isiuki nixhanka, tari uxiante isiuki naxianka.”

Manitanati Tuparrü

⁴² Nanti: —Iyaü, arrtü arrianca, aitaesümunusuñü pünanaqui nichaquisürücü arrüna cuabotü iñemo. Pero aiña isiu narrianca, tapü aiñata isiu nirranca.

San Lucas 22:42 ပူးပေါင်းရင်းမြစ်များ

San Mateo 11:25

Au axɨmanio naneneka, nanti Jesús sane: “Taruku nɨriaka, Iyaɨ, nenaxi nanaiña axɨna ane au napes takanaintyo axɨna kɨx, ityopiki aityusiankata sukarɨma axɨbama takisɨrɨma axɨba umanekana obi pɨnanaki axɨbama taruku nipiakaxɨma.

San Mateo 11:26

Sane, Iyaɨ, tyopiki sane naxianka.”

San Mateo 20:22

Aiñumuti Jesús: –Axaño chɨtusiupɨ aume axɨna apankitio. ¿Ensapɨ apichabauta ñana axɨmanu pichananene ichɨpoboñɨ? Axɨma namatɨ: –Sopichabauta.

San Mateo 26:39

Auki sɨrotitɨ Jesús ta'aiki kɨmenuma, bachesoiyoti matakonokonoti iñatai nisuxti akɨ, nanti sane au neankaxti: “Iyaɨ, axtɨ axianka, aikiaɨbu xhopɨnanakiñɨ axɨna ichɨpoboñɨ pichananene. Tapɨ uxiante isiuki nixhanka, tari isiuki naxianka.”

San Mateo 26:42

Sɨrotitɨ tatityo, auki meaboti sane: “Iyaɨ, axtɨ chaxiankapɨ yasuriu nichakisɨrɨkɨ ui axɨna makokotox iñemo, tari uxiane takana naxianka.”

San Mateo 26:44

Auki onkonoma tatityo uiti, uixh trex niyɨkɨxti eanti, isiu tatityo neankaxti.

San Mateo 6:10

Yebatɨ nɨriaka suiñemo. Tari uxiante isiu naxianka auna akɨ, takana au napes.

San Marcos 14:36

Au neankaxti nanti: “Abbá, Iyaɨ, axɨkɨ nanaiña aisamute: aikiaɨbu xhopɨnanakiñɨ axɨna nichakisɨrɨkɨ. Tapɨ uxiante isiuki nixhantɨmo ta isiuki axɨna naxiantɨmo axɨkɨ.”

San Lucas 23:34

Axti Jesús nanti: “Iyaɨ, aixhimiaka ɨmoma, ityopiki chɨtusiupɨ ɨmoma axɨna isamutema.” Tapɨ axɨmanuma masortaboka sorteabo uimia ɨmomantoe naibixhti Jesús.

San Juan 18:11

Tapɨti Jesús nanti ɨmoti Peru: –Aiñaɨbu tato nakɨse. Axtɨ axti Iyaɨ ikɨpurutiñɨ nauki ichakisɨrɨ, ¿nakionko chiyasutiupɨ nichakisɨrɨkɨ?

San Juan 4:34

Tapɨti Jesús nanti ɨmoma: –Axɨna nixharata tyone axɨna noñemaxti naki uiche aikɨpurutiñɨ nauki iñanai tyakɨru yachɨkoiti.

San Juan 5:30

“Axɨñɨ champɨ isane isamute auki niñoñemantoe. Axɨñɨ yastai isiuki axɨna besɨro, ityopiki chiyapachetiopɨ niñoñema, ta noñemaxti Iyaɨ, naki uiche aikɨpurutiñɨ.

San Juan 6:38

Tyopiki axɨñɨ chisekapɨtɨ auki napes nauki isamune isiu nixhanka, axɨñɨ isekatɨ isamune noñemaxti Iyaɨ, axti naki uiche aikɨpuruñɨ.

Hechos 21:14

Tyopiki chixhanxtipɨ onkoiti supanityaka, chɨsubasikiapɨ kuatati, sukanasomɨ ɨmoti: –Tari uxiane isiu noñemaxti Yɨriabux.