San Lucas 20:46 - Manityanati Tupax

⁴⁶ “Amasasai nuxia ñɨnana axɨbama manunekanama bakɨpukux uiti Moisés, uxia ɨmoma amema aɨbu naibixhimia abaesa, xhanxɨma nauki namanaiñantai ankimia nuxia ɨmoma au nusuara. Tɨmonsoma kauta nisuxatoe ubau sinagoga saneityo uimia kauta sɨromatɨ a'ama.

Manitanati Tuparrü

⁴⁶ —Amasasai nurria ñünana bama manunecana nüriacarrü. Arrüma urriantai ümoma amema aübu naibirrimia abaesa. Rranrrüma nauqui apanqui nurria ümoma au plaza, y nauqui apanaun ümoma. Tümonsoma auna bien ümo nisurratoe au ba poca sinagoga. Tacane ito itacümanauncutama omirria tümoca au pierrtaca.

San Lucas 20:46 ပူးပေါင်းရင်းမြစ်များ

San Mateo 16:6

Auki nanti Jesús ɨmoma: –Amasasai nuxia, ñɨnana nesaxɨma levadura axɨbama fariseos ichepe axɨbama saduceos.

San Mateo 23:1

Yopɨrɨkɨ axɨba sane, nanti Jesús ɨmo nanaiña takanaintyo ɨmo axɨmanuma nesaxti apóstoles:

San Marcos 8:15

Nanti Jesús ɨmoma: –Amasasai nuxia ñɨnana axɨna nesaxɨma levadura axɨbama fariseos, ñɨnanaintyo nesaxti levadura Herodes.

San Lucas 11:43

“¡Autakisɨrɨkatai axaño axɨbama fariseos!, ityopiki auxianka autɨmo kauta nisuxatoe au axɨba sinagogas, auxiankaityo nauki namanaiña ankimia nuxia aume yusiu kutubiuka.

San Lucas 12:1

Akamanu iyoberabaramakɨ tarukapae nububikixhimia, ipenenomakɨ uixhimiantoe. Manunekanati Jesús, kusɨrɨbo ɨmo axɨbama nesaxti apóstoles: “Amasasai nuxia ñɨnana nesaxɨma levadura axɨbama fariseos, ñɨnana axɨna chuxiampɨ nisɨborikixhimia,

San Lucas 14:7

Naukiche asaratitɨ Jesús ɨmo axɨmanuma tasuruma bapacheroma ityɨmoboma kauta nisuxatoe nauki a'ama, nanti sane ɨmoma:

San Lucas 20:47

Ikiaɨbutama nomenaxi biuraka, yakɨna tapɨ tusiapae abaityux neankaxɨma. Yasutiuma ñana yarusɨrɨx nityakisɨrɨkɨxɨma.”

Romanos 12:10

Tari taruku naukuasɨrɨkɨ aumeampatoe, takana nikuasɨrɨkɨxɨma aume axɨbama aubarukiapatoe, au nanaiña nausɨboriki tari kusɨrɨboma aboi makiataka apanauntyo aumeampatoe.

2 Timoteo 4:15

Asasaityo nuxia ñɨnanati, tyopiki chuxiampɨ ɨmoti axɨna supanunekaka.

3 Juan 1:9

Axɨñɨ xhakonomoka taman kichonimiakax ɨmoma axɨbama ikokoromati Jesús, tapɨti Diótrefes chiyasutiutipɨ nisɨriaka, tyopiki axti uxia ɨmoti akɨputi.