San Lucas 2:1 - Manityanati Tupax

¹ Au axɨmanio naneneka tɨkañe, axti yɨriabux Augusto bakɨpuruti akoroma iku kichonimiakax auki nanaiña kɨx.

Manitanati Tuparrü

¹ Au manio naneneca tücañe arrti yarusürürrü yüriaburrü César Augusto rranrrti atusi ümoti, mantucubo bama macrirrtianuca aboma iquiana nüriacarrti. Sane nauquiche bacüpuruti nauqui ane censo.

San Lucas 2:1 ပူးပေါင်းရင်းမြစ်များ

San Mateo 22:17

Urasoi, suisukarɨ, axɨna nakionko: ¿Taki uxia supapaka monixh ɨmoti emperador romano, o chuxiampɨ?

San Mateo 24:14

Axɨba omixha manityakax kɨtɨpɨ nɨriakax au napes tusiankana ñana sukarɨ namanaiña iku axɨna kɨx, nauki namanaiña mañoñɨnka asuputanema. Auki ñana iñatai nityakɨrux.

San Marcos 14:9

Ñemanaunkuxatoe au nanaiña iku axɨna kɨx kauta urapoimia axɨba omixhia manityakax, urapoimiaintyo axɨna isamute axɨna paɨx, sane ñana akionomakɨ iyo.

San Marcos 16:15

Auki nanti ɨmoma: “Amekosi au nanaiña iku axɨna kɨx aburaboi axɨna omixhia nisura isukarɨ namanaiña.

San Lucas 2:3

Namanaiña tari yɨrakamatɨ tato akoroma kauta aboma iku kɨx.

San Lucas 2:5

Yebotitɨ ta'a akoroti, ichepe Mariax, nikɨpostoti, tyone anati simia kɨtɨpɨ.

San Lucas 3:1

Tɨtabe tɨkañe quince naskɨbeka nɨriakaxti yɨriabux Tiberio, tapɨti Poncio Pilato yɨriabuxti au axɨmanu kɨx Judea. Tapɨti Herodes yɨriabuxti au Galilea, axti yarukityoxti, Filipo yɨriabuxti au Iturea ɨmointyo Traconítide, tapɨti Lisanias yɨriabuxti au Abilene.

Hechos 11:28

Tamanti axɨpekukimia nɨrixhti Agabo, atɨraiti ui noñemaxti Espíritu Santo, nanti, ane ñana yarusɨrɨx kɨrɨpɨx iku nanaiña axɨna kɨx. Axɨmanu nuraxti uxiante, au axɨmanio naskɨbeka tɨkañe naukiche axti Claudio yɨriabuxti.

Hechos 25:11

Axtɨ ane yarusɨrɨx nipɨnate ityopikiche koñotɨ aityabairomañɨ, champɨ nikiubuñɨ tyaku nisɨboriki. Tapɨ axtɨ chiñemanauntupɨ axɨna nuraxɨma sɨtɨpɨñɨ, champɨ ityopikiche aityoximiakañɨ ɨmoma. Xhankitio tari axti yɨriabux César tari uiti asaraiti axɨna chɨrɨri saɨbuñɨ.

Hechos 25:21

Tapɨti ñankitioti, nauki asaraiti yɨriabux César axɨmanu chɨrɨri aɨbuti, sane naukiche xhakɨpuka nauki sɨsiotiki amanatipo, chepe axtɨ xhakɨpuka aɨbuti.

Romanos 1:8

Kusɨrɨbo ñachampienka ɨmoti Tupax, au nɨrixhti Yɨriabux Jesucristo autaku, tyopiki au nanaiña ipiatema axɨna apikokokati Tupax.

Filipenses 4:22

Ñakionkoxɨmaintyo tanu aume namanaiña axɨbama ikokoromati Jesús, axɨbamampae baserebioma ɨmoti yɨriabux auki Roma.