San Lucas 19:44 - Manityanati Tupax

⁴⁴ auki nanaiña kuamatɨ aiñaximiakanamakɨ. Koiñoma uimia namanaiña axɨbama po'oso, champɨ ñana onkono taman kanx onɨ kiatax, ityopiki chaxiankapɨ asuputarati Tupax naukiche kuatati asaratiyɨ.”

Manitanati Tuparrü

⁴⁴ Nanaiña pueblurrü tiene que añarri. Namanaiña auconca bama pohoso. Ni tamampü canrrü oncono onü quiatarrü, itopiqui chütusiopü aume que arrti Tuparrü rranrrti ayurati aume.

San Lucas 19:44 ပူးပေါင်းရင်းမြစ်များ

San Mateo 24:2

Nanti Jesús ɨmoma: –¿Amastai nanaiña axɨna ane auna? Ñemanauntu sukanañɨ aume auna champɨ sɨsio ñana taman kanx onɨ kiatax kanx. Nanaiña iñaxio ñana.

San Marcos 13:2

Aiñumuti Jesús: –¿Asakio axɨba yarusɨrɨka poka? Champɨ ñana onkono taman kanx onɨ kiatax. Nanaiña iñaxio ñana.

San Lucas 1:68

“¡Yarusɨrɨxti Yɨriabux, Tupax ɨmo Israel, tyopiki kuatati aityaesɨmunuti axɨbama auki Israel eanaki nomɨnantɨ!

San Lucas 1:78

Tyopiki axti Tupax oemo, oboi taruku nipukɨruxti, kuatɨ uiti oemo auki ape axɨna sux ɨmo iyebo nanenes,

San Lucas 19:42

nanti sane: “¡Axtɨ au axɨna nanenes tusiupɨ aemo axɨna uiche uxia nasɨboriki! Tapɨ kaɨma ane anekana apɨnanakikɨ chaemopɨ asarikiarɨ.

San Lucas 21:6

–Ubau kuantionki naneneka nanaiña axɨna amastai champɨ onkono kanx onɨ kiatax. Nanaiña ñana iñaxio.

1 Pedro 2:12

Taikiana uxia nausɨboriki axtɨ abaka axɨpekuma axɨbama chikokoropɨmati Tupax. Sane axtɨ kaɨma chuxiampɨ nuraxɨma aume, takana axɨbama chuxiampɨ nisɨborikixhimia, astaimia ñana axɨna uxia apisamute auki machampienkanama ɨmoti Tupax uimia au axɨmanu tyakɨrux nanenes ñana.