San Lucas 16:2 - Manityanati Tupax

² Axti maniki ɨmohe aserebiti ityasuruti nanti ɨmoti: ‘¿Isane axɨna urapoimia sukarɨñɨ akɨtɨpɨkɨ? Akuxta saɨbuñɨ kausane nachɨkoi aɨbu niñenaxi, tyopiki champɨki achɨkoboibokɨ auna yesañɨ.’

Manitanati Tuparrü

² Auqui arrti maniqui patrón itasurutiti maniqui capatarrü, nauqui anitati aübuti. Nanti ümoti: “¿Isane arrüna nachücoi? Ñoncoi que acusüpüca niñenarri. Mejor bacurrtara, itopiqui auquina caüma chauqui chüpuerurrüquipü capatarrücü iñemo”.

San Lucas 16:2 ပူးပေါင်းရင်းမြစ်များ

San Mateo 12:36

Sukanañɨ aume au axɨmanu tyakɨrux nanenes ñana namanaiña urabomakɨ ñana tyopiki chuxiampɨ nuraxɨma kɨtɨpɨ makiataka.

San Mateo 20:8

“Naukiche tɨtobikia, nanti maniki iyoche ɨmoti maniki asaratitɨ tyaku niyoxti: ‘Aityasusuma tauna axɨmanuma amonkoma kuata niyachɨkoi, apaka ɨmoma kusɨrɨboma obi axɨmanuma kosotikimia aiñanaimia au nityakɨrux axɨmanuma kusɨrɨboma aiñanaimia.’

San Lucas 12:20

Tapɨti Tupax nanti ɨmoti: ‘Chaipiakapɨ, axɨna tobixh kaɨma tyakɨrux nasɨboriki, axɨmanu aɨburu obi, ¿ñakutipɨ ɨmoche?’

San Lucas 12:42

Nanti Yɨriabux: “¿Ñakuti naki kiapatax taruku ñakokonaunkuxti astayotitɨ nuxia, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki acheti utuburiboma naneneka?

San Lucas 16:1

Urapoitityo Jesús axɨna sane sukarɨma axɨbama nesaxti apóstoles: “Anati tɨkañe tamanti ñoñɨnx taruku nenaxixhti anati tamanti naki asaratitɨ tyaku. Aboma axɨbama yebomatɨ uraboimia isukarɨti axti maniki asaratɨ yutaku nenaxixhti chuxiampɨ yachɨkoiti.

San Lucas 16:3

Auki axti maniki kiapatax kuatɨ au ñakionkoxti: ‘¿Kausane kaɨma sobi axti ipiatron champɨki yachɨkoboiboñɨ uiti? Chisusɨukapɨ nauki ñasamu ñanaunx, isɨsoka yɨrotɨ xhanki monixh.

Romanos 14:12

Sane ñana, taikianati taman uyaxɨpekuki urabotiyɨ sukarɨti Tupax.

1 Corintios 1:11

Sukanañɨ sane, masarukityaiki tyopiki ipiate ui axɨbama naɨto Cloé, ta chuxiampɨ aboi aumeampatoe.

1 Corintios 4:2

Axɨna kaɨma, axtɨ anati naki ane toxio ɨmoti yachɨkoboiboti tari aityusiankati ta ipiakati aisamunenti.

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

2 Corintios 5:10

Tyopiki namanaiña ñana uɨkatɨ uityusiankana oñɨ kauta nityɨmoxti Yɨriabux Jesucristo, nauki taikianati taman atoxi ɨmoti axɨna toxiobo, isiu axɨna isamutenti axtɨ axɨna uxia axtɨ axɨnaintyo chuxiampɨ naukiche anankaiki kɨtɨpɨti nisɨborikixhti.

1 Timoteo 4:14

Anuneka aɨbu naipiaka axɨna toxio aemo uiti Tupax, naukiche axɨmanuma mayɨriabuka axɨpekukimia axɨbama ikokoromati Jesús iñatama ne'esɨma onɨ natanu. Axti Espíritu Santo manityanati aɨbuma sane naukiche aisamunema.

1 Timoteo 5:24

Axɨba nomɨnantɨ ui makiataka ane auche butusiu nuxia axtɨ chɨtoxiopɨmainki ɨmo nityakisɨrɨkɨxɨma, ane auche butusiu pɨrɨkɨ nanaiña axɨna sane.

1 Pedro 4:10

Taikianati taman isiuki axɨna enaunku atoxi ɨmoti uiti Tupax, amasasatɨ tyaku makiataka ui axɨna toxio aume.

1 Pedro 4:5

Axɨma ñana ane tyopikiche asaraiti ɨmoma axti naki ipiakati asaraiti nipɨnatema axɨbama sɨborikomainki takanaintyo axɨbama tɨkoiñoma.

Apocalipsis 20:12

Auki yasakama axɨbama tɨkoiñoma, mayɨriabuka takanaintyo masiomanka, atɨraimia esa axɨmanu nityɨmoxti Yɨriabux. Auki ubaurɨbo axɨmanio kichonimiakaka, aurɨboityo axɨmanu kiatax kichonimiakax, tyone axɨmanu uiche ane sɨborikixh. Axɨmanuma tɨkoiñoma astaiti Tupax nisɨborikixhimia isiuki axɨna isamutema tɨkañe isiukityo axɨmanio ane korobo yuku axɨmanio kichonimiakaka.