San Lucas 16:13 - Manityanati Tupax

¹³ “Champɨti taman kumanakax yebokati aserebiti ɨmo axɨbama toxɨma mañoñɨnka. Tyopiki tɨborikoti kuatati taman tapɨti kiatax kuasɨrɨti ɨmoti, ɨmoti taman makokonaunxti tapɨ ɨmoti kiatax champɨ. Champɨtityo naki yebokati aserebiti ɨmoti Tupax takanaintyo ñome nenaxixhti.”

Manitanati Tuparrü

¹³ Champüti naqui puerurrü aserebi ümo torrü mapatroneca. Itopiqui arrti taman cuasürüti ümoti, tapü arrti quiatarrü chücuasürütipü ümoti. Baserebioti nurria ümoti taman, tapü ümoti quiatarrü champü. Chüpuerurrüpü apaserebi ümoti Tuparrü mientras manrrü aurrianca ümo monirri.

San Lucas 16:13 ပူးပေါင်းရင်းမြစ်များ

San Mateo 4:10

Aiñumuti Jesús nuraxti: –Akosi aukina, Chobores, ityopiki iku Nikorox nantɨ sane: ‘Anau ɨmoti Yɨriabux Tupax aemo, ɨmotiatai aserebi.’

San Mateo 6:24

“Champɨti kumanakax yebokati aserebiti ɨmo axɨbama toxɨma mayɨriabuka. Tyopiki tɨborikoti ɨmoti taman tapɨti kiatax kuasɨrɨti ɨmoti, axtɨ ɨmoti taman makokonaunxti tapɨ ɨmoti kiatax chɨmakokonauntipɨ. Champɨtityo naki yebokati aserebiti ɨmoti Tupax takanaintyo ɨmo monixh.”

San Lucas 11:23

“Axti naki chiñanatiyɨpɨ ichepeñɨ, chuxiampɨ uiti iñemo, tapɨti naki chɨmatakɨmanaunkupɨ ichepeñɨ, iñaximiakatati.

San Lucas 14:26

“Axtɨ anati naki xhanxti ayetitɨ isiuñɨ tari taruku nisua ɨmoti pɨnanakiti yaɨtoti, pɨnanaki nipiakɨtoti, pɨnanaki nikɨpostoti, pɨnanakityo axɨbama aɨtoxti, pɨnanaki axɨbama yarukityoxti nikiastyoti, pɨnanakitiatoe, chɨmotipɨ ayetitɨ isiuñɨ.

San Lucas 16:12

Axtɨ champɨ napanaunku aɨbu nenaxixhti kiatax, ¿ñakutipɨ uiche aityoximiati axɨna toxiobo aume?

San Lucas 16:9

“Sane naukiche sukanañɨ aume ui nenaxi axɨna kɨx apapache kausane nauki sɨrɨmanama uxia uimia aume, nauki axtɨ tɨbutakɨrusu namenaxi, anati naki ñana yasuriuruti año au napes.

San Lucas 9:50

Aiñumuti Jesús nuraxti: –Tapɨ abasikia kuatati, tyopiki axti naki uxia uiti oemo, anati ochepe.

Santiago 4:4

Axaño chɨkuasɨrɨtipɨ Tupax aume champɨityo axtɨ apakokonaunka ɨmoti. Unka tusiu aume axti naki nityurapataxti axɨna kɨx tyonenti naki tɨborikotiatai ɨmoti Tupax. ¡Ñemanauntu ta sane! Axtɨ axaño uxia aume axɨba nomɨnantɨ ikuki axɨna kɨx, sane naukiche autɨborikiatai kuatati Tupax.