San Lucas 16:1 - Manityanati Tupax

¹ Urapoitityo Jesús axɨna sane sukarɨma axɨbama nesaxti apóstoles: “Anati tɨkañe tamanti ñoñɨnx taruku nenaxixhti anati tamanti naki asaratitɨ tyaku. Aboma axɨbama yebomatɨ uraboimia isukarɨti axti maniki asaratɨ yutaku nenaxixhti chuxiampɨ yachɨkoiti.

Manitanati Tuparrü

¹ Arrti Jesús urapoitito ümo bama ñanunecasarrti arrüna machepecatarrü: —Anati taman ñoñünrrü rricurrü. Anatito taman capatarrü ümoti. Auqui süromatü urabomati isucarüti patrón bama maquiataca imostorrti. Urapoimia que churriampü yachücoiti capatarrü aübu nenarrirrti patrón.

San Lucas 16:1 ပူးပေါင်းရင်းမြစ်များ

San Mateo 20:8

“Naukiche tɨtobikia, nanti maniki iyoche ɨmoti maniki asaratitɨ tyaku niyoxti: ‘Aityasusuma tauna axɨmanuma amonkoma kuata niyachɨkoi, apaka ɨmoma kusɨrɨboma obi axɨmanuma kosotikimia aiñanaimia au nityakɨrux axɨmanuma kusɨrɨboma aiñanaimia.’

San Lucas 12:42

Nanti Yɨriabux: “¿Ñakuti naki kiapatax taruku ñakokonaunkuxti astayotitɨ nuxia, axti naki mekuche onkonoma namanaiña axɨbama aboma au nipoxti naki ɨmoche aserebiti, nauki acheti utuburiboma naneneka?

San Lucas 15:13

Yopɨrɨkɨ mantukubatai nananeka axti maniki aɨtoxti yaɨxtiki nuxia pabenteo uiti nanaiña axɨmanu toxio ɨmoti enaxiboti, aɨbu axɨmanu nikuax sɨrotitɨ iche, au kiatax kɨx, akamanu nanaiña takɨrusu pɨnanakiti ui axɨna chuxiampɨ nisɨborikixhti.

San Lucas 15:30

Tapɨ kaɨma, iñataiti tato maniki aaɨ, naki uiche atakɨru namoni yupu paɨka, atabaikia ɨmoti taman naɨmosimia axɨna baɨro nuxia.’

San Lucas 16:19

“Anati taman ñoñɨnx taruku nenaxixhti, omeno kɨtɨpɨti omixhia naibixhti champɨ takanache naneneka basaparati axɨba taruku niyukuax niyartaxti.

San Lucas 16:2

Axti maniki ɨmohe aserebiti ityasuruti nanti ɨmoti: ‘¿Isane axɨna urapoimia sukarɨñɨ akɨtɨpɨkɨ? Akuxta saɨbuñɨ kausane nachɨkoi aɨbu niñenaxi, tyopiki champɨki achɨkoboibokɨ auna yesañɨ.’

San Lucas 19:20

“Tapɨti kiatax aiñanainti nanti: ‘Yɨriabux, auna naka namoni. Aɨburu sobi iku taman xɨrɨpɨtɨx.

San Lucas 8:3

Anankaityo Kuanax, nikɨpostoti Cuza, naki asaratitɨ yutaku nenaxixhti Herodes. Anankaityo Susana. Sɨrɨmanaintyo pikiataka axɨba opityoximiata ɨmoti axɨna ane oboi.

Tito 1:7

Axti yɨriabux ɨmoma axɨbama ikokoromati Jesús tyonenti naki asarabotɨ yutaku nuraxti Tupax, sane naukiche tari champɨ urapoboiboma kɨtɨpɨti. Taikiana uxia nisɨborikixhti aɨbu makiataka, tapɨ naki chabo'ox, tapɨ naki uxia ɨmoti chɨrɨri, tapɨ naki xhanxti enaxioti auki naka makiataka.

Santiago 4:3

Axtɨ apankikia pɨnanakiti, chɨtoxiopɨ aume tyopiki chuxiampɨ axɨna nɨmoche napankiki, tyopiki axɨna napankiki ta ɨmo axɨna chuxiampɨ nixhantɨmo naukɨtɨpɨ.

1 Pedro 4:10

Taikianati taman isiuki axɨna enaunku atoxi ɨmoti uiti Tupax, amasasatɨ tyaku makiataka ui axɨna toxio aume.