San Lucas 11:26 - Manityanati Tupax

²⁶ Auki sɨrotitɨ oberabarama uiti makiataka siete machoboreka axɨbama taruku nikumakaxɨma pɨnanakiti, chepema sɨroma kɨtɨpɨti maniki ñoñɨnx, au nityakɨrux kaɨma sɨsioti taruku nikumakaxti pɨnanaki maɨbo.”

Manitanati Tuparrü

²⁶ Auquimanu sürotitü acanti ümo bama siete maquiataca machoboreca uüboti manrrü. Manrrü ünantatai nacarrüma pünanaquiti. Süromatü avivimia auti maniqui ñoñünrrü. Arrti maniqui ñoñünrrü caüma manrrü ünantatai nisüboriquirrti pünanaqui tücañe.

San Lucas 11:26 ပူးပေါင်းရင်းမြစ်များ

San Mateo 12:45

Auki sɨrotitɨ oberabarama uiti makiataka siete machoboreka axɨbama taruku nikumakaxɨma pɨnanakiti, chepema sɨroma kɨtɨpɨti maniki ñoñɨnx, au nityakɨrux taruku nikumakaxti pɨnanaki maɨbo. Tyoneantoe ñana uxiante ɨmo axɨbama chuxiampɨ nisɨborikixhimia.”

San Mateo 23:15

“¡Autakisɨrɨkatai ñana, axɨbama manunekaka bakɨpukux uiti Moisés ichepe axɨbama fariseos, chapisamutempɨ axɨna amukanaño!, amekatɨ au nanaiña kɨx apityompɨkata narubaityu tux, nauki aboma axɨbama ikokotama nauxiantɨmo, axtɨ iyebo aboi, apisamute nauki makiataka kusɨrɨboma atapenema au infierno amopɨnanaki.

San Lucas 11:25

Axtɨ iñataiti tato, tabɨkoti uiti maniki ñoñɨnx takana axone pox sunukunu aukipo koñokono nuxia.

San Lucas 11:27

Anankatiki Jesús manityanati axɨna sane, taman paɨx axɨpekukimia tosibiko: –¡Taikiana chiyaupɨ nipukɨnunku axɨmanu paɨx kɨtɨpɨkiche aka iku kɨx axɨna uiche aisunaunkunɨ!

San Juan 5:14

Auki axti Jesús aikuñunuti au nipo meankax, nanti ɨmoti: –Asasatɨ nuxia, chauki tuxiankɨ tato, tapɨ asikia aisamune axɨba nomɨnantɨ, nauki tapɨ aunxokoka tatityo.

1 Juan 5:16

Axtɨ amastai tamanti aubaruki isamutenti nomɨnantɨ axɨna champɨ kausane uixh ɨmo nausɨpɨxti, tari eanti, sane axti Tupax bacheboti isɨborikiboti yarukityoxti. Axtɨ chiyarusɨrɨxɨpɨ axɨmanu nomɨnantɨ tyopikiche aenso nausɨpɨxti. Ane nomɨnantɨ axɨna uiche ensoro nuyausɨpɨ, sukanañɨ aume tapɨ ameanka tyaku axɨmanu nomɨnantɨ.