San Lucas 10:21 - Manityanati Tupax

²¹ Akamanu, taruku nipukɨnunkuxti Jesús uiti Espíritu Santo, nanti: “Chapie aemo, Iyaɨ, axɨkɨ Yɨriabuxɨkɨ ɨmo napes ɨmo kɨx, ityopiki aityusiankata isukarɨ axɨbama champɨ nipiakama axɨba aiñanekakio pɨnanakimia axɨbama ipiakama. Sane, Iyaɨ, ityopiki sane naxianka.

Manitanati Tuparrü

²¹ Au manu rratorrü tarucu nipucünuncurrti Jesús uiti Espíritu Santo. Nanti sane: —Iñanauncü Iyaü, itopiqui ane nüriaca au napese y icu na cürrü. Arrüna nüriaca ananca anecana obi, pero caüma aitusiancata isucarü bama chitonempümantai. Tapü ümo bama tarucu nitusiquirri ümoma y bama ipiacamampae au ñaquioncorrüma aiñanecata. Sane te Iyaü, aiñata isiu narrianca.

San Lucas 10:21 ပူးပေါင်းရင်းမြစ်များ

San Mateo 16:17

Auki nanti Jesús ɨmoti: –Taikiana chiyaupɨ napukɨnunku axɨkɨ, Simón, aɨtoxti Jonás, ityopiki axɨna sane chasuputakaipɨ ui mañoñɨnka, ta uiti Iyaɨ naki anati au napes uiti nanti aemo.

San Mateo 21:16

namatɨ ɨmoti Jesús: –¿Onkoi axɨmanu namatɨ axɨrabomatɨ? Aiñumuti Jesús nuraxɨma: –Unka, ñonkoi. ¿Chamastaipɨ iku Nikorox axɨna manityana yokɨtɨpɨ axɨba sane? Nantɨ: ‘Oboi nisonixhimia axɨbama masiomanka, axɨbama aɨbo aboma iku kɨx, aisamukio axɨba omixhia nuraxɨma akɨtɨpɨkɨ.’

San Mateo 3:7

Naukiche astaiti Kuan sɨrɨmanama axɨbama fariseos ichepe axɨbama saduceos sɨromatityo nauki ɨrimia uiti, nanti ɨmoma: “¡Nityakɨbaɨtu noixhoboka! ¿Ñakuti uiche uraboiti ausukarɨ ta amañekaka ñana pɨnanaki axɨmanu yarusɨrɨx nautakisɨrɨkɨ axɨna kuabotɨ?

San Marcos 10:15

Ñemanaunkuxatoe sukanañɨ aume axtɨ anati naki chiyasutiutipɨ nɨriakaxti Tupax takanati naki simia, chiyebopɨ uiti ñana au napes.

San Lucas 15:5

Axtɨ tabɨko uiti, pukɨnuñati kuata iñatati ompakɨti,

San Lucas 15:9

Axtɨ tɨtabɨko uixh, ityasuriu niposapax, nantɨ ñome: ‘Aupukɨnu ichepeñɨ, ityopiki tɨtabɨko sobi axɨna monixh ensoro xhopɨnanakiñɨ.’

San Juan 11:41

Kaɨburu uimia axɨmanu kanx, axti Jesús asaratitɨ ape, nanti sane: –Iyaɨ, ñachampienkaka aemo ityopiki onkoi nisura.

2 Corintios 4:3

Axtɨ axɨba omixhia manityakax supanunekaka ane takana axtɨ tabuxio, ane tabuxio ɨmoma axɨbama champɨ maximiakatax ɨmoma.

Efesios 1:11

Aɨbuti Cristo, uiti Tupax samamekana oñɨ aukiapae tɨkañe nauki basuriu aruki axɨmanu toxiobo uiti oemo, sane takana nixhankaxti Tupax aisamunenti, tyopiki nanaiña isamunenti auki noñemaxti.

Efesios 1:5

Samamekana oñɨ tɨkañe nauki aɨtoxti oñɨ, auki nakaxti Jesucristo, naki esache bakɨpukux oemo, takana noñemaxti ui nipukɨruxti.