San Juan 9:7 - Manityanati Tupax

⁷ Auki nanti ɨmoti: –Akosi atasubi a paurux Siloé (nantɨ sane “Kɨpuruti”). Axti maniki supusu sɨrotitɨ ubaxɨbio uiti nisɨtoxti, naukiche tɨkuatati tato asaratitɨ.

Manitanati Tuparrü

⁷ Nanti ümoti: —¡Atüsai, acosi atasubi au manu turrü nürirri Siloé! Arrümanu Siloé nantü auqui besüro “arrti coreorrü”. Arrti maniqui supuso sürotitü atasubiti au manu turrü. Nauquiche tücuati tato, turria narrtarrti.

San Juan 9:7 ပူးပေါင်းရင်းမြစ်များ

San Mateo 11:5

Aburasoi sukarɨti axɨbama supusu asaramatɨ tato, axɨbama chuxiampɨ namensɨma uxia tato namensɨma, axɨbama ane lepra kɨtɨpɨma sɨrɨbu kɨtɨpɨkimia noxokox ɨmoma, axɨbama chonaumpɨma onaunxɨma tato, axɨbama koiñoma sɨborikoma tato tapɨ axɨbama taruku nityakisɨrɨkɨxɨma ane ñana toxiobo ɨmoma axɨba omixhia.

San Lucas 13:4

¿Au napakionko axɨmanuma dieciocho koiñoma naukiche taɨbɨko onɨma axɨmanu petaisɨrɨ pox au Siloé sɨrɨmana nomɨnantɨ uimia pɨnanaki axɨmanuma makiataka po'osoma au Jerusalén?

San Lucas 2:32

Tyonenti takana basarux kuara ñana ɨmo namanaiña iku axɨna kɨx tyonenti ñana ipukɨnunkubuma axɨbama aɨtaiki auki Israel.”

San Juan 10:36

Axtɨ uiti Tupax aikɨpurutiñɨ iku axɨna kɨx, ¿kausane amukanaño chuxiampɨ nisura kɨtɨpɨti Tupax ui axɨna sukanañɨ axɨñɨ Aɨtoxti?

San Juan 11:37

Abomaintyo axɨbama namatɨ: –Tyonenti axti naki uiche asaratitɨ axti maniki supusu, ¿ensapɨ champɨ nikiubuti nauki tapɨ koiñoti Lázaro?

San Juan 9:11

Axti aiñumuti nuraxɨma: –Axti maniki ñoñɨnx nɨrixhti Jesús uxiante uiti tauma, isematati omonɨ nisɨto, auki nanti iñemo: ‘Akosi esa axɨmanu tux au Siloé akamanu aiyaxɨbisio nasɨto.’ Axɨñɨ yakatɨ, naukiche tu baxɨbio sobi nisɨto auki yasakatɨ tato.

San Juan 9:39

Auki nantityo Jesús: –Axɨñɨ isekatɨ iku axɨna kɨx nauki yasarai axɨna isamutema namanaiña. Nauki asaramatɨ sobi axɨbama supusu tapɨ axɨbama uxia nastaxɨma sɨsioma supusuma.

Hechos 26:18

Ikɨpukɨ axɨpekuma nauki aiyaɨbu nisɨtoxɨma nauki tapɨ amenkomainki au tomikianene, tari amenkoma au nanentax. Nauki ataesɨbuma pɨnanaki nɨriakaxti chobores, nauki aɨromatɨ isiuti Tupax. Sane aikokoromañɨ nauki asuriuma maximiakatax ityopiki axɨna nomɨnantɨ uimia nauki asuriumaintyo ñana nikuaxɨma kauta nakaxti Tupax.’

Romanos 8:3

Tyopiki axti Tupax isamutenti axɨna chisamutempɨ axɨmanu bakɨpukux uiti Moisés, chisamutempɨ ityopiki axɨna nokɨtɨpɨ champɨ narukux ɨmo. Axti Tupax bakɨpuruti ɨmoti Aɨtoxti takana nakaxti ñoñɨnx naki ane nomɨnantɨ kɨtɨpɨti takana makumanatax ityobo axɨna nomɨnantɨ.

Gálatas 4:4

Naukiche tiñatai axɨmanu nanenes, bakɨpuruti Tupax ɨmoti Aɨtoxti, naki anati iku kɨx kɨtɨpɨki taman paɨx, ikokotatityo bakɨpukux uiti Moisés,