San Juan 9:22 - Manityanati Tupax

²² Namatɨ sane ui nixhukuxɨma ñɨnana axɨmanuma ɨriatu axɨbama judíos, ityopiki axɨma tɨchepe ñakionkoxɨma nauki aipenenomati tyɨrɨpo auki sinagoga axti naki ikokoroti Jesús axtɨ namati tyonenti Mesías.

Manitanati Tuparrü

²² Namatü sane ui nirrucurrüma ñünana bama üriatu isaraelitarrü. Itopiqui arrübama israelitarrü chauqui turapoimia, tiene que apenema auqui ba sinagoga, namanaiña bama icocotama que arrti Jesús tonenti Cristo.

San Juan 9:22 ပူးပေါင်းရင်းမြစ်များ

San Lucas 6:22

Aupukɨnu axtɨ makiataka tɨborikomantai aukuata, axtɨ ipenenoma año, uratokioma aume, chuxiampɨ ɨmoma onkoimia nabɨri takana axɨna chuxiampɨ, auki nakaxti naki Aɨtoxti ñoñɨnx.

San Juan 1:19

Tyone axɨna urapoiti Kuan, naukiche axɨmanuma mayɨriabuka judíos bakɨpuruma auki Jerusalén ɨmo axɨmanuma sacerdotes ichepe axɨmanuma levitas ankirioma pɨnanakiti Kuan isane nakaxti.

San Juan 16:2

Ipenenoma año ñana auki sinagoga, kuantionki ñana axɨmanio naneneka, axtɨ anati naki ityabairoti año au ñakionkoxti baserebioti ɨmoti Tupax.

San Juan 19:38

Pɨrɨkɨ axɨna sane, axti Kiosen auki axɨmanio poka nɨrixh Arimatea, ñankitioti pɨnanakiti Pilato nikɨtɨpɨxti Jesús. Axti Kiosen tyonentityo naki anankati isiuti Jesús, axti chityusiankatatipɨ ui nixhukuxti ñɨnana axɨbama ɨriatuxɨma axɨbama judíos. Chebo uiti Pilato ɨmoti, auki axti Kiosen yebotitɨ aikiaɨbuti nikɨtɨpɨxti sɨrotɨ uiti.

San Juan 20:19

Naukiche tɨtobikia au axɨmanu nanenes tominko, axɨmanuma amonkoma isiuti Jesús iyoberabaramakɨ au taman pox. Amonkio tyuruka umamana nuxia uimia ui nixhukuxɨma ñɨnanama axɨmanuma ɨriatuma axɨmanuma judíos. Sɨrotitɨpo Jesús axɨpekuma, atɨraiti kɨmuintya axɨpekuma, mankioti nuxia ɨmoma, nanti: –¡Taikiana uxia aboi aumeampatoe!

San Juan 7:13

Namanaiña anekanatai nuraxɨma kɨtɨpɨti, ityopiki bixhubuma ñɨnanama axɨmanuma ɨriatu axɨbama judíos.

San Juan 9:18

Tapɨ axɨmanuma judíos chixhanxɨpɨma aikokoma axtɨ supusuti tɨkañe aukiapae, tapɨ axɨna kaɨma asaratitɨ, sane naukiche maemenkoma iyoti yaɨtoti ichepe nipiakɨtoti

San Juan 9:21

Chɨtusiupɨ suiñemo kausane naukiche kaɨma asaratitɨ, chɨtusiupityo suiñemo ñakuti naki uiche kaɨma asaratitɨ tato. Apankisio pɨnanakiti. Chauki tɨyarusɨrɨxti, tari uixhtiatoe uraboiti ausukarɨ.

San Juan 9:34

Auki namatɨ ɨmoti: –Axɨkɨ, aka iku kɨx yupu nomɨnantɨ akɨtɨpɨkɨ, ¿axianka anuneka suiñemo? Auki aipenenomati tyɨrɨpo auki axɨmanu sinagoga.

San Juan 9:35

Ipiatenti Jesús axɨna penekoti uimia axti manki supusu. Naukiche ikuñunuti ñankitioti pɨnanakiti: –¿Axɨkɨ aikokokati Aɨtoxti ñoñɨnx?

Hechos 4:18

Sane naukiche tasuruma uimia, auki namatɨ ɨmoma tapɨ manityanama tapɨ manunekanamaintyo kɨtɨpɨti Jesús.

Hechos 5:13

Tapɨ axɨmanuma makiataka taruku nipukɨruxɨma tyakuma, ta choberabarapɨma chepema.

Hechos 5:40

Isiukaɨ maemenkoma tatityo iyoma axɨmanuma amonkoma isiuti Jesús, kɨborioma uimia. Namatɨ ɨmoma tapɨ asioma uraboimia nɨrixhti Jesús, auki emekanama uimia.

Apocalipsis 21:8

Tapɨ axɨbama taruku nixhukuxɨma, axɨbama chɨmakokonaumpɨma, axɨbama chuxiampɨ uimia ɨmo makiataka, axɨbama mayatabayoka, axɨbama xhanxɨma ɨmomantoe, mapichareruka, axɨbama manaunuma ɨmo matupaka nisamuku mañoñɨnka namanaiñaintyo mañapanka, tyonema ñana axɨbama sɨrobomatɨ au axɨmanu narubaityu pes, tyone axɨmanu kiatax konkox.”