San Juan 8:29 - Manityanati Tupax

²⁹ Axti Iyaɨ chiñokonotiñɨpɨ, ityopiki axɨñɨ isamute axɨna uxia ɨmoti.

Manitanati Tuparrü

²⁹ Arrti icüpurutiñü auna icu na cürrü, y anati ichepeñü. Champürrtü iñoconotiñü tamanñü, itopiqui isamute arrüna urria ümoti.

San Juan 8:29 ပူးပေါင်းရင်းမြစ်များ

San Mateo 17:5

Naukiche anankatiki Peru manityanati, taman kɨsaɨbox kuara nuxia tochenko onɨma, eanaki axɨmanu kɨsaɨbox rabotɨ taman manityakax, nantɨ sane: “Axti naki tyonenti Isaɨti taruku nikuaxti iñemo, naki samamamekanati sobi: amonsapesio nuraxti.”

San Mateo 3:15

Aiñumuti Jesús nuraxti: –Asiosane saneantai kaɨma, ityopiki uxia uisamune nanaiña axɨna uxia sukarɨti Tupax. Auki ikokotati Kuan.

San Mateo 3:17

Auki rabotɨ taman manityakax auki napes, nantɨ sane: “Tyonenti Isaɨti, naki samamekanati sobi.”

San Juan 14:31

tyone nixhantɨmoti Iyaɨ nauki isamune, nauki atusi ɨmo axɨbama ikuki axɨna kɨx ta kuasɨrɨti Iyaɨ iñemo isamutentyo isiu yakɨpukuxti. “Apatɨsai, kurityo aukina.

San Juan 15:10

Axtɨ apakokonaunka ñome nixhakɨpuku, chɨtakɨrusupɨ naukuasɨrɨkɨ iñemo, sane takanati Iyaɨ isuasɨrɨka ɨmoti, ityopiki xhakokonaunka ɨmoti.

San Juan 16:32

Tɨsaimiampae axɨna auche ñana, axaño apiñaximiakakaño taikianati taman amekatɨ isiu nakax aume, tapɨ axɨñɨ ñonkoka aboi tamañɨ. Chiyasikiapɨ tamañɨ ityopiki anati Iyaɨ ichepeñɨ.

San Juan 17:4

Axɨñɨ surapoi nɨriaka iku axɨna kɨx, ityopiki isamute nanaiña axɨna nakɨpuku iñemo.

San Juan 4:34

Tapɨti Jesús nanti ɨmoma: –Axɨna nixharata tyone axɨna noñemaxti naki uiche aikɨpurutiñɨ nauki iñanai tyakɨru yachɨkoiti.

San Juan 5:30

“Axɨñɨ champɨ isane isamute auki niñoñemantoe. Axɨñɨ yastai isiuki axɨna besɨro, ityopiki chiyapachetiopɨ niñoñema, ta noñemaxti Iyaɨ, naki uiche aikɨpurutiñɨ.

San Juan 6:38

Tyopiki axɨñɨ chisekapɨtɨ auki napes nauki isamune isiu nixhanka, axɨñɨ isekatɨ isamune noñemaxti Iyaɨ, axti naki uiche aikɨpuruñɨ.

San Juan 8:16

Axtɨ sobi ñana yasarai, isamute isiuki axɨna ñemanauntu, tyopiki chɨtamampɨñɨ yasarai, axti Iyaɨ naki uiche aikɨpuruñɨ astaitityo chepeñɨ.

2 Timoteo 4:17

Tapɨti Yɨriabux Jesús anankati chepeñɨ uiti aruku nuxia iñemo, sane naukiche surapoi axɨba omixhia manityakax, nauki namanaiña axɨbama chɨtɨpɨ judíos onkoimia. Sane uiti Yɨriabux Jesús añekanañɨ pɨnanaki nuitɨmɨx,

2 Timoteo 4:22

Tari taikiana anati achepekɨ Yɨriabux Jesucristo, tari axtityo Tupax aukurusɨka uiti.

Hebreos 4:15

Tyopiki axti maniki Yɨriabux sacerdote oemo pukɨrusuti utaku tyopiki charukupɨ oemo, tyopiki omenointyo ɨmoti axɨmanio makokotoka omeno oemo. Ta axti Jesús chisamutentipɨ axɨba nomɨnantɨ.

Hebreos 7:26

Axti Jesús tyonenti yɨriabuxti ɨmoma axɨbama sacerdotes axti naki taruku nɨmocheti osoi tɨkañe. Samamekanati, champɨ nomɨnantɨ uiti, sɨroti pese pɨnanakimia axɨbama isamutema nomɨnantɨ sɨroti petaisɨrɨ pɨrɨkɨ napes.

1 Juan 2:1

Aukuasɨrɨka iñemo takana axɨbama isaɨtaiki. Xhakonomoka aume axɨna kichonimiakax tapɨ apisamute nomɨnantɨ. Axtɨ anati naki isamutenti nomɨnantɨ, anati esati Uyaɨ naki okɨmanabo utaku, axti Jesucristo, naki uxia ñapanaunkuxti.

1 Juan 3:22

Ityoximiatatityo oemo nanaiña axɨna mankitio pɨnanakiti, tyopiki uikokota yakɨpukuxti, uisamutentyo axɨna uxia ɨmoti.