San Juan 8:20 - Manityanati Tupax

²⁰ Nanti Jesús nanaiña axɨna sane naukiche anankati manunekanati au nipo meankax, yobesa axɨmanio kauta omeno makumanatax. Champɨti iñenoti, ityopiki chiñataikipɨ mapakɨmunkutux ɨmoti.

Manitanati Tuparrü

²⁰ Nanaiña arrüna sane nanti Jesús numo anancati manunecanati au niporrti Tuparrü au manu cauta naca manu baurirri auche aüro monirri macumanatarrü ümoti Tuparrü. Y champüti naqui puerurrü aiquianatiti Jesús au preso, itopiqui chiñataiquipü manu nesarrti horarrü ensümunu uiti Tuparrü ümoti.

San Juan 8:20 ပူးပေါင်းရင်းမြစ်များ

San Mateo 26:55

Isiukai ñankitioti Jesús pɨnanakimia: –¿Kausane abetɨ yupu kɨseka yupu soeka apiñenoñɨ, takanati yatabayox? Naneneka anankañɨ xhanunekaka au nipo meankax, champɨti iñenotiñɨ.

San Mateo 27:6

Axɨmanuma ɨriatu axɨbama sacerdotes takɨmanaunkunu uimia axɨmanu monixh, auki namatɨ: –Axɨna monixh ane notox kɨtɨpɨ. Chuxiampɨ makumana uixh.

San Marcos 12:41

Anankati Jesús taman nanenes tɨmonsoti esa axɨmanu kauta omeno makumanatax, astayotitɨ ɨmoma kausane yachekixhimia monixh ubau. Aboma axɨmanuma chiyaupi nenaxixhimia iñatama sɨrɨmana monikia.

San Marcos 12:43

Auki batasuruti Jesús ɨmo axɨmanuma nesaxti apóstoles, nanti ɨmoma: –Ñemanauntu sukanañɨ aume, axɨmanu takisɨrɨ biurax bachebo chama pɨnanaki axɨmanuma makiataka bacheboma monixh.

San Lucas 20:19

Axɨmanuma ɨriatu axɨbama sacerdotes axɨmanumaintyo manunekanama bakɨpukux uiti Moisés xhanxɨpɨma aiñenomati Jesús akamanu, ityopiki tusiu ɨmoma axɨmanu machepekatax ta ɨmoma. Tapɨ axɨma bixhubuma ñɨnana makiataka.

San Lucas 21:1

Anankati Jesús astayotitɨ ɨmo axɨmanuma taruku nenaxixhimia iñatama niñakumanataxɨma ubau axɨmanio maɨburataka kauta omeno makumanataka,

San Juan 10:39

Auki xhanxɨma aiñenomati tatityo, tapɨti matanekanati ñɨnanama.

San Juan 2:4

Aiñumuti Jesús nurax: –Nipiakɨ, ¿kausane ukanɨ iñemo axɨna sane? Chiñataikipɨ niyesa horax.

San Juan 7:14

Tɨtaboma kɨmuintya axɨmanu pukɨnunkux, sɨrotitɨ Jesús au nipo meankax anunekati.

San Juan 7:30

Auki xanxɨpɨma aiñenomati, chisamutempɨma tyopiki chiñataikipɨ axɨmanu nanenes ɨmoti.

San Juan 7:44

Aboma axɨbama xhanxɨma aikianamati nauki aiñamanamatipo, ta champɨti naki isamutenti.

San Juan 7:8

Amekosi axaño ɨmo axɨmanu pukɨnunkux. Axɨñɨ chiyɨkapɨtɨ, ityopiki chiñataikipɨ niyesa horax.

San Juan 8:2

au axɨmanu kiatax nanenes, naukiche tɨtaneneka, sɨrotitɨ tatityo au nipo meankax. Namanaiña sɨromatɨ esati, tapɨti tɨmonsoti auki manunekanati ɨmoma.

San Juan 8:59

Auki axɨmanuma judíos xhanxɨma arurumati oboi kanka. Tapɨti Jesús matanekanati axɨpekuma makiataka auki sɨrotitɨ tyɨrɨpo auki nipo meankax.