San Juan 6:70 - Manityanati Tupax

⁷⁰ Nanti Jesús ɨmoma: –Axaño axɨbama doce nabubiki, sobi yapacherioraño. Tapɨ abaxɨpeku anati tamanti chobores.

Manitanati Tuparrü

⁷⁰ Auqui nanti Jesús ümoma: —Sobi te itacümanauncunaño, arraño bama doce. Pero tamanti abarrüpecuqui anati choborese auti.

San Juan 6:70 ပူးပေါင်းရင်းမြစ်များ

San Juan 13:18

“Chixhanityakapɨ ɨmo namanaiña axaño. Tusiu iñemo ñakusanema axɨbama samamekanama sobi. Axɨna nantɨ iku Nikorox ta omixhankio ñana: ‘Axti naki basoti ichepeñɨ, chuxiampɨ uiti iñemo.’

San Juan 13:2

Axti chobores chauki tɨsɨro uiti nomɨnantɨ au nausasɨxti Judas aɨtoxti Simón Iscariote, nauki aityoximianati Jesús. Axti Jesús tusiu ɨmoti ta esakiti Tupax ayetitɨ, auki sɨrotitɨ tatityo ñana esati Tupax, uiti Yaɨtoti toxio ɨmoti nanaiña ɨriakaboti.

San Juan 13:21

Naukiche tɨnanti nanaiña axɨna sane, onkisioti Jesús nisuchekixhti, auki nantityo: –Ñemanauntu sukanañɨ aume tamanti abaxɨpekuki uiti ñana aityoximianatiñɨ.

San Juan 13:27

Isiukai, sɨroti chobores au nausasɨxti Judas. Nanti Jesús ɨmoti: –Judas aisamusenkai axɨmanu naxiantɨmo aisamune.

San Juan 15:16

Axɨñɨ chɨsamamekanapɨñɨ aboi, ta sobi samamekana año. Xhakɨpuka aume nauki amenotɨ apisamune aruki nanaiña axɨba omixhia, axɨna sane nausɨboriki sɨsio aboi. Sane axti Iyaɨ toxio aume uiti nanaiña axɨna apankitio pɨnanakiti au nisɨri.

San Juan 15:19

Axaño aukuasɨrɨkapɨ ɨmoma axtɨ isiupɨ nausɨboriki takana nisɨborikixhimia. Axaño chisiukipɨ nausɨboriki, ityopiki sobi samamekana año tapɨ iyebo aboi takana nisɨborikixhimia. Sane naukiche chuxiampɨ uimia aume.

San Juan 17:12

Naukiche anankañɨnki ichepema iku axɨna kɨx, yasakatɨ xhokɨmakaityo tyakuma ui nɨriaka nɨri, axɨmanu nɨri toxio obi iñemo. Champɨti naki ensoroti axɨpekukimia kunauntañatiatai Judas, nauki atusianka axɨna nantɨ iku Nikorox.

San Juan 2:2

axti Jesús ichepe axɨmanuma nesaxti apóstoles tasurumaintyo ɨmo axɨmanu tɨbɨbɨx.

San Juan 20:24

Tamanti Tyomanxi axɨpekukimia axɨmanuma doce amonkoma isiuti Jesús, nɨrixhti uimia Tokax, chanankatipɨ ichepema naukiche ityusiankanatiyɨ Jesús sukarɨma.

San Juan 6:64

Abomainki abaxɨpeku axɨbama chikokotapɨma. Ityopiki tɨtusiu ɨmoti Jesús aukiapae ñakusanema axɨbama chikokotapɨma, ñakutityo naki uiche aityoximianati ñana.

San Juan 6:67

ñankitioti Jesús pɨnanakimia axɨmanuma doce nesaxti apóstoles: –¿Axaño auxianka amenotityo?

San Juan 6:71

Axɨmanu sane nuraxti Jesús ta ɨmoti Judas, aɨtoxti Simón Iscariote. Tyopiki uiti Judas ñana, aityoximianati axɨpekukimia axɨmanuma doce.

San Juan 8:44

Axti aubaɨ tyonenti chobores. Axaño auxianka apisamune isiu axɨna nixhankaxti. Axti chobores aukiapae tɨkañe yatabayoxti tarukuityo ñapantuxti. Nanaiña axɨna nuraxti chiñemanauntupɨ, uiti taruku ñapantuxɨma mañoñɨnka.

Hechos 1:17

Axti Judas anankati ochepe, aɨbu axɨna nubachɨkoi.

Hechos 13:10

nanti ɨmoti: –¡Axɨkɨ taruku napantu, chuxiampɨ nasɨboriki, aɨtoxti chobores, chuxiampɨ aemo axɨna uxia mapanaunkux! ¿Auiki naka chɨbesɨropɨ axɨba nikutubiuxti Yɨriabux?

1 Timoteo 3:11

Saneityo axɨba paɨka tari uxia niyosɨborikixh nauki makiataka ane ñanaunkuxɨma ñome, tapɨ ausɨrtai nuburax ñome pikiataka, tari opisamunena axɨba omixhia yupachɨkoi, tari apakokonau au nanaiña.

Tito 2:3

Saneityo, axɨba paɨka nɨriabuka paɨka taikiana uxia niyosɨborikixh, tapɨ panityanatai yokɨtɨpɨ pikiataka paɨka, tapɨ axɨba chabo'oka. Tari uxia niyosɨborikixh sukarɨ kupikikia

1 Juan 3:8

Axti naki taikiana aisamunenti nomɨnantɨ tyonenti ityurapataxti chobores, tyopiki axti chobores isamutenti nomɨnantɨ auki ñemonkox tɨkañe, tyone axɨna nɨmoche ayetitɨ Jesús, naki Aɨtoxti Tupax: nauki aiñaximiakati nanaiña axɨba nisamukuxti chobores.