San Juan 5:44 - Manityanati Tupax

⁴⁴ ¿Kausane apikoko axaño, axtɨ uxiantai nuraxɨma makiataka aume champɨ nɨmoche aboi axtɨ chuxiampɨ nastaxti naki kunauntañati Tupax aume?

Manitanati Tuparrü

⁴⁴ Arraño aurrianca nauqui urriantai ñanitacarrüma macrirrtianuca aume. Pero champü nümoche aboi arrüna ñapensacarrti Tuparrü. Uirri arrüna chüpuerurrüpü apicoco nurarrti Tuparrü.

San Juan 5:44 ပူးပေါင်းရင်းမြစ်များ

San Mateo 23:5

Nanaiña axɨna isamutema xhanxɨma nauki asaraimia namanaiña. Uxia ɨmoma ane Nikorox ikutama yokɨtɨpɨ nipiaxɨma korobo iku bupakubaesa xɨrɨpɨtɨka, aiñama naibixhimia ñana ane nikoñopo nabeux.

San Lucas 19:17

Aiñumuti maniki yɨriabux: ‘Uxiampae nachɨkoi. Axɨkɨ naki kumanakax uxia axɨna nachɨkoi. Axɨkɨ uxia nakionko aɨbu axɨna simiantai, yɨriabuxɨkɨ sobi ñome diez tube.’

San Juan 12:43

Uxia ɨmoma nuraxɨma makiataka kɨtɨpɨma tapɨ nisɨborikixhimia au nastaxti Tupax champɨ nɨmoche uimia.

San Juan 17:3

Axɨmanu champɨ nityakɨru sɨborikixh tyone axɨna axtɨ isuputaramakɨ, axti naki ñemanauntu kunauntañatiatai Tupax, axtityo Jesucristo, naki obi aikɨpuruti.

San Juan 3:20

Namanaiña axɨbama isamutema axɨba chomixhampɨ, tɨborikomantai kuata nanentax, chɨsɨropɨmatɨ esa tapɨ tusiu axɨna chuxiampɨ isamutema.

San Juan 5:41

“Axɨñɨ chiyasutiupɨ axɨna uxia nuraxɨma mañoñɨnka sɨtɨpɨñɨ.

San Juan 8:43

¿Kausane chiyebopɨ aboi nixhanunekaka? Ityopiki chuxiampɨ aume amonsaperio nixhanunekaka.

Romanos 2:10

Tapɨ ɨmoma axɨbama judíos takana axɨbamaintyo chɨtɨpɨ judíos axɨbama uxia yachɨkoimia, toxio ñana uiti Tupax ɨmoma, nauki asaraimia nanentax esati, yarusɨrɨx ñana nɨrixhimia uiti, taikiana uxiaintyo uimia ɨmomantoe.

Romanos 2:29

Axti naki ñemanaunkuxatoe judío, tyonenti naki isamutenti nanaiña auki nausasɨxti, axti naki circuncidaboti isamutenti au nausasɨxti: chɨtɨpɨ isiuki Nikorox ta ui noñemaxti Espíritu Santo. Axti naki isamutenti sane, uxia au nastaxti Tupax chɨtɨpɨ au nastaxɨma mañoñɨnka.

Romanos 2:7

Toxio ñana uiti isɨborikiboma axɨna champɨ nityakɨrux, ɨmoma axɨbama yapachetioma nanentakax manaunkux ɨmoti Tupax, taikiana aisamunema axɨna uxia.

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

2 Corintios 10:18

Tyopiki axti naki ñoñɨnx uxia nisɨborikixhti au nastaxti Tupax, chityonentipɨ naki onkotitɨ ɨmotiatoe, ta axti naki uxia nisɨborikixhti au nastaxti Tupax.

Filipenses 2:3

Tapɨ ane isane apisamute tyopiki chuxiampɨ aboi ɨmo makiataka o tyopiki au napakionko champɨti kiatax amopɨrɨkɨ. Tapɨ sane aboi, amasasatɨ ɨmo makiataka takana axtɨ taruku nipiakaxɨma amopɨnanaki.

1 Tesalonicenses 2:6

Chɨsuixhankapɨ nauki axaño takanaintyo makiataka, amasaratɨ suiñemo takana axɨbama ane nɨriakaxɨma.

1 Timoteo 1:17

¡Manauna masonina ɨmoti Yɨriabux naki champɨ nityakɨru nisɨborikixhti, naki chɨtusiutipɨ, naki kunauntañati Tupax! Amén.

Hebreos 3:12

Masarukityaiki, amasasai nuxia, tapɨ anati taman abaxɨpeku axti naki champɨ nuxiantu nausasɨxti naki chɨmakokonaumpɨ naki iñanatiyɨ pese pɨnanakiti Tupax naki sɨborikoti.

Santiago 2:1

Axaño masarukityaiki, axɨbama apikokokati yarusɨrɨx Yɨriabux Jesucristo, tapɨ taruku nikuasɨrɨkɨxti taman aume pɨnanakiti kiatax.

1 Pedro 1:7

Tyopiki axɨna apikokokati Tupax tyone takana oro: axɨna uiche atusi axtɨ uxia chɨrɨriko ui pes, axɨmanu makokonaunkux chɨtapenekopɨ oboi makokotoka, taruku nikuax pɨnanaki axɨmanu oro, axɨna mameso ñana. Sane axtɨ tɨkuatati tato Jesucristo, uxia ñana nuraxti kɨtɨpɨ axɨna napakokonaunku ɨmoti Tupax, tyopiki taman makokonaunkux axtɨ chɨtapenekopɨ ui makokotox koñotɨ uxia manityakax kɨtɨpɨ.

SAN JUDAS 1:25

Sane naukiche, yarusɨrɨx nɨrixhti Tupax aboi axti naki xhimiakana uiti nomɨnantɨ, apikokoityo niyarusɨrɨkɨxti, nɨriakaxti, tyopiki ui yakɨpukuxti kuatati naki Yɨriabux oemo Jesucristo. Machampienkana ɨmoti ityobo nanaiña axɨna sane kaɨma ɨmointyo nanaiña naskɨbeka. Amén.