San Juan 5:40 - Manityanati Tupax

⁴⁰ axaño chauxiankapɨ abetɨ yesañɨ nauki aye aboi axɨmanu ausɨborikibo.

Manitanati Tuparrü

⁴⁰ Pero arraño chaurriancapü abetü yesañü, nauqui yache ausüboriquibo.

San Juan 5:40 ပူးပေါင်းရင်းမြစ်များ

San Mateo 22:3

Bakɨpuruti ɨmo axɨmanuma ikumanakataxti nauki aɨromatɨ iyoma axɨmanuma ane batasukux ɨmoma, tapɨ axɨma chixhanxɨpɨma aɨromatɨ.

San Mateo 23:37

“¡Jerusalén, Jerusalén, atabaikia ɨmo axɨbama profetas arukamaintyo oboi kanka axɨbama yakɨpusuxti Tupax aemo! ¡Koboi nixhanka iyoberabarama axɨbama aɨtaiki, takana kuruasɨx iyoberabario naɨbosixh ñokiana nipiax, tapɨ axɨkɨ chaxiankapɨ!

San Juan 1:11

Iñataiti iku axɨna nikɨxtiatoe, tapɨ axɨbama yarukityoxtiatoe chiyasuriurumatipɨ.

San Juan 10:10

Axti kusɨpɨx kuatatiatai akusɨpɨti, atabaiti nauki aiñamesokoti nanaiña. Tapɨ axɨñɨ isekatɨ nauki ane kɨtɨpɨx ausɨborikibo sobi.

San Juan 3:19

Axɨbama chɨmakokonaumpɨma, tɨtoxioma ɨmo nityakisɨrɨkɨxɨma, ityopiki chomixhampɨ axɨba isamutema, naukiche iñatai nanentax iku axɨna kɨx onkomatɨ ɨmo tomikianene pɨnanaki nanentax.

San Juan 5:39

Axaño taruku niyekixh aboi Nikorox, ityopiki au napakionko uixh iyebo aboi ausɨborikibo au napes. Chɨsanempɨ, axɨmanio Nikorox panityana sɨtɨpɨñɨ,

San Juan 5:41

“Axɨñɨ chiyasutiupɨ axɨna uxia nuraxɨma mañoñɨnka sɨtɨpɨñɨ.

San Juan 5:44

¿Kausane apikoko axaño, axtɨ uxiantai nuraxɨma makiataka aume champɨ nɨmoche aboi axtɨ chuxiampɨ nastaxti naki kunauntañati Tupax aume?

San Juan 6:27

Tapɨ apapacheka amutuburibo axɨna takɨrusu, apapache amutuburibo axɨna chɨtakɨrusupɨ axɨna uiche champɨ nityakɨru nausɨboriki. Tyone axɨna amutuburibo toxiobo aume uiti Aɨtoxti ñoñɨnx, tyopiki axti Tupax, naki Iyaɨ samamekanati uiti.

San Juan 6:37

Namanaiña axɨbama toxioma iñemo uiti Iyaɨ, kuamatɨ yesañɨ. Axɨbama kuamatɨ yesañɨ, chɨsɨropɨma ñana sobi tyɨrɨpo.

San Juan 6:40

Tyopiki axɨna noñemaxti Iyaɨ ta nauki namanaiña axɨbama asaramatɨ ɨmoti Aɨtoxti Tupax tari aikokoromati, nauki aye uimia nisɨborikixhimia ɨmo nanaiña naskɨbeka: Sobi ñana sɨborikoma tato au axɨmanu tyakɨrux nanenes.

Romanos 6:23

Axɨna bapakatax toxio ui nomɨnantɨ, tyone axɨna konkox, tapɨ axɨna ñakumanataxti Tupax tyone axɨna nosɨboriki ɨmo nanaiña naskɨbeka chepeti Jesucristo axti Yɨriabux.

Apocalipsis 22:17

Axti Espíritu Santo chepe nikɨpostoti Nobixhax namatɨ: “¡Ariaku tauna!” Axti naki onkoiti, tari nanti: “¡Ariaku tauna!” Axti naki tosɨoti, axtɨ xhanxti, tari yebatitɨ achati aruki axɨna tux bachebo sɨborikixh champɨ isane ityoboche.