San Juan 21:23 - Manityanati Tupax

²³ Sane naukiche ane axɨmanu manityakax axɨpekuma axɨmanuma amonkoma isiuti Jesús, axti maniki taruku nikuasɨrɨkɨxti chɨkoiñotipɨ ñana. Tapɨti Jesús chɨnanti ta chɨkoiñotipɨ ñana. Nanti sane: “Axtɨ ixhanka asɨboriti chepe axtɨ isekatɨ tato ñana, ¿isane nɨmoche obi?”

Manitanati Tuparrü

²³ Sane nauquiche iñarrio nürirrti maniqui taman au nanaiñantai eana bama icocoromati Jesús, arrti chüpuerurrüpü aconti. Abu ta chüsanempü nurarrti Jesús. Ta solamenterrü nanti: “Arrtü irranca na asüboriti icu na cürrü cheperrtü isecatato, ¡tapü ane nümoche obi!”

San Juan 21:23 ပူးပေါင်းရင်းမြစ်များ

San Mateo 16:27

Tyopiki axɨñɨ Aɨtoxti ñoñɨnx isekatɨ ñana aɨbu niriakaxti Tupax ichepe axɨbamaintyo ángeles, auki kaɨma toxio uiti taikiana ɨmoti taman nikuax axɨna isamutenti.

Hechos 1:15

Au axɨmanio naneneka nanti Peru ɨmoma axɨmanuma ikokoromati Jesús oberabarama akamanu, saimia ciento veinte nububikixhimia, nanti ɨmoma:

Hechos 28:14

akamanu sopikuñukama axɨbama ikokoromati Jesús, namatɨ suiñemo supasamu nuxia nauki subasikia akamanu esama ñome siete naneneka. Au nityakɨrux sopiñatai au Roma.

Hechos 6:3

Sane naukiche masarukityaiki, apapache sietema mañoñɨnka abaxɨpekuki axɨbama uxia au napakionko nauki amonkatɨ ɨmoma, axɨbama taruku ñapanaunkuxɨma axɨbamaintyo ane noñemaxti Espíritu Santo kɨtɨpɨma.

1 Corintios 11:26

Sane naukiche, chepe axtɨ tɨkuati tato Yɨriabux Jesús, axaño aburapoi nikonkoxti axtɨ aubaka axɨmanu pan axtɨ auchakaityo auki axɨmanu taropes.

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

Santiago 5:7

Tapɨ axaño masarukityaiki, tapɨ ubata aume chepe axtɨ tɨkuatati tato Cristo. Apisamuse takanati naki mankɨturuti chontarabekotipɨ iyo tyanaunx nauki aye ɨmoti niyakiyoxti.

Apocalipsis 2:25

Apiña nuxia napakokonaunku iñemo chepe axtɨ tisekatɨ tato ñana.