San Juan 21:22 - Manityanati Tupax

²² Aiñumuti Jesús nuraxti: –Axtɨ ixhanka asɨboriti iku axɨna kɨx chepe axtɨ isekatɨ tato ñana, ¿isane nɨmoche obi? Axɨkɨ ariaku isiuñɨ.

Manitanati Tuparrü

²² Aiñumuti Jesús: —Arrtü irranca na asüboriti icu na cürrü cheperrtü iseca tato, tapü ane nümoche obi. ¡Arrücü ariacu isiuñü, aisamuse isiu arrüna nirracüpucu!

San Juan 21:22 ပူးပေါင်းရင်းမြစ်များ

San Mateo 16:24

Auki nanti Jesús ɨmo axɨmanuma nesaxti apóstoles: –Axtɨ anati naki xhanxti ayetitɨ isiuñɨ, tapɨ asioti akionotiyɨ tyakutiatoi, tari aikianti nikurusɨxti auki yebati isiuñɨ.

San Mateo 24:27

Tyopiki takana axtɨ masɨnaka kuara uixh auki tansɨrɨ ichepe nimɨmɨx, sane ñana niyekixhti tato Aɨtoxti ñoñɨnx.

San Mateo 24:3

Auki sɨromatɨ onɨ axɨmanu yirityux Olivos. Axti Jesús tɨmonsoti, sɨromatɨ esati axɨmanuma nesaxti apóstoles nauki ankirioma peese pɨnanakiti: –Suixhanka nauki uraboi suisukarɨ auche ñana uxiane axɨna sane. ¿Isane ñana uiche atusi nayeki tato axɨnaintyo nityakɨrux ɨmo axɨna kɨx?

San Mateo 24:44

Sane naukiche, axaño apikoñokoityo nanaiña. Tyopiki axti Aɨtoxti ñoñɨnx kuatati ñana axtɨ champɨ napakionko.

San Mateo 25:31

“Axtɨ kuatati tato Aɨtoxti ñoñɨnx, anentax tyupekuti abomaintyo tyupekuti axɨbama ángeles, tɨmonsoti au yarusɨrɨx nityɨmoxti.

San Mateo 8:22

Aiñumuti Jesús nuraxti: –Ariaku isiuñɨ, asioma sane axɨbama tɨkoiñoma tari uixhimiantoe aiñanamakɨ kɨtu.

San Marcos 9:1

Nantityo Jesús ɨmoma: –Sukanañɨ ta ñemanauntu, axɨpekukimia axɨbama aboma auna chɨkoiñopɨma chepe axtɨ astaimia iñatai niriakaxti Tupax.

San Juan 21:19

Ui axɨna sane nuraxti Jesús, urapoiti kausane ñana nikonkoxti Peru axɨnaintyo nikuasɨrɨkɨxti Tupax ɨmoti ui nikonkoxti. Auki nanti ɨmoti: –¡Ariaku isiuñɨ!

San Juan 21:21

Naukiche asaratitɨ Peru ɨmoti, ñankitioti pɨnanakiti Jesús: –Yɨriabux, karɨti naki, ¿kausane ñana nisɨborikixhti?

1 Corintios 11:26

Sane naukiche, chepe axtɨ tɨkuati tato Yɨriabux Jesús, axaño aburapoi nikonkoxti axtɨ aubaka axɨmanu pan axtɨ auchakaityo auki axɨmanu taropes.

1 Corintios 4:5

Sane naukiche, tapɨ apasɨrɨka amasarai axɨna sane axtɨ chiñataikipɨ axɨmanu nanenes ñana. Axtɨ tɨkuatati Yɨriabux auki napes tari uiti aikiaɨbuti au nanentax nanaiña axɨba kaɨma abe au tomikianene, uiti atusi axɨna ane au nityusixhimia mañoñɨnka. Auki kaɨma axti Tupax uxia nuraxti ɨmoma axɨbama uxia nisɨborikixhimia.

1 Tesalonicenses 2:19

Tyopiki, ¿ñakuti naki kɨmenuche supaxɨpera, naki uiche suipukɨnunka, sukarɨti Yɨriabux Jesucristo, axtɨ tɨkuatati tato? Ta axaño, champɨti kiatax.

Santiago 5:7

Tapɨ axaño masarukityaiki, tapɨ ubata aume chepe axtɨ tɨkuatati tato Cristo. Apisamuse takanati naki mankɨturuti chontarabekotipɨ iyo tyanaunx nauki aye ɨmoti niyakiyoxti.

Santiago 5:8

Saneityo axaño tapɨ ubata aume apiña nuxia, tyopiki konto ñana kuatati tato Yɨriabux Jesús.

Apocalipsis 1:7

¡Axti Cristo kuatati omonɨ kɨsaɨboka! Namanaiña ñana asaramati axɨbamaintyo uiche aityabairomati tɨkañe. Namanaiña mañoñɨnka ikuki axɨna kɨx oxonene ɨmoma ñana tyakuti. Ñemanauntu, Amén.

Apocalipsis 2:25

Apiña nuxia napakokonaunku iñemo chepe axtɨ tisekatɨ tato ñana.

Apocalipsis 22:20

Axti naki urapoiti axɨba sane, nanti: “Sane, axɨñɨ konto ñana isekatɨ tato.” Amén. ¡Ariaku, Yɨriabux Jesús!

Apocalipsis 22:7

“¡Tɨsaimia ñana isetɨ tato! ¡Taruku ñana nipukɨnunkuxti naki ikokotati axɨna uxia manityakax ui noñemaxti Tupax axɨna ane korobo iku axɨna kichonimiakax!”

Apocalipsis 3:11

Konto ñana isekatɨ tato. Asasatɨ nuxia tyaku axɨna ane obi tapɨ anati ikiaɨbutati apɨnanakikɨ axɨna toxiobo ñana aemo.