San Juan 20:17 - Manityanati Tupax

¹⁷ Nanti Jesús ɨmo: –Aiñemekasañɨ, ityopiki chiyakapɨtɨki esati Iyaɨ. Akosi uraboi sukarɨ axɨbama masarukityaiki yɨkatɨ tato esati Iyaɨ, aubaɨtityo, axti Tupax iñemo Tupaxtityo aume.

Manitanati Tuparrü

¹⁷ Nanti Jesús ümo: —Tapü aiñencañü, itopiqui sürotiqui niyücü tato esati Iyaü. Pero acosi tato uraboi isucarü bama masaruquitaiqui nirranunecasa, yeca tato esati Iyaü, naqui Abaü ito, ta esati Tuparrü naqui ümoche nirranauncu y napanauncu ito.

San Juan 20:17 ပူးပေါင်းရင်းမြစ်များ

San Mateo 12:50

Axti naki isamutenti noñemaxti Iyaɨ naki anati au napes, tyonenti isaruki, nikiasi nipiakɨtyo.

San Mateo 25:40

Axti yɨriabux iñumutati ñana nabura: ‘Ñemanauntu sukanañɨ aume nanaiña axɨna apisamute tɨkañe ɨmo axɨbama isarukityaiki takisɨrɨmantai, iñemo apisamute.’

San Mateo 28:7

Isiukai amekosi aburaboi sukarɨma namanaiña axɨbama amonkoma isiuti: ‘Tɨsɨborikoti tato, sɨrotitɨ au Galilea nauki oberabarama tatityo uiti. Akamanu amasakati.’ Tyone axɨna surapoboibo ausukarɨ.

San Marcos 12:26

Kɨtɨpɨ axɨbama tɨkoiñoma axtɨ sɨborikoma tato, ¿chamastaipɨ ñakonomosoxti Moisés tɨkañe kɨtɨpɨ axɨmanu zarza omo? Nanti Tupax ɨmoti Moisés: ‘Axɨñɨ Tupaxɨñɨ ɨmoti Abraham, Tupaxɨñɨ ɨmoti Isaac ɨmotityo Jacob.’

San Marcos 16:19

Naukiche tɨchauki nuraxti aɨbuma, axti Yɨriabux Jesús kamperoti niyɨkɨxti tato au napes atɨmoti au nepanaunkuxti Tupax.

San Lucas 10:4

Tapɨ apakaka monixh, tapɨ apakakaityo amutuburibo tapɨ apakaka aupopetakibo. Tapɨ apatochenka apapari isiu kutubiux.

San Juan 13:1

Kɨmenu nuxia axɨmanu pukɨnunkux Paxkua, tapɨti Jesús tɨtusiu ɨmoti tɨsaimia axɨmanu mapakɨmunkutux ɨmoti aiñokoti axɨna kɨx nauki aɨrotitɨ tato esati Yaɨtoti. Taikiana taruku nikuasɨrɨkɨxɨma ɨmoti axɨbama aboma iku axɨna kɨx, sane nikuasɨrɨkɨxɨma ɨmoti ichepe nityakɨrux.

San Juan 14:2

Au nipoxti Iyaɨ ane kauta sɨsioma namanaiña. Axtɨ chɨsanempɨ, axɨñɨ chɨsukanapɨñɨ aume yɨkatɨ ikoñoko kauta ñana sɨsio año.

San Juan 14:28

Chauki tamonkoi nisura axɨñɨ yɨkatɨ auki ta'a yasɨkɨbɨka tato nauki yasikia auchepe. Axtɨ ñemanauntupɨ isuasɨrɨka aume, aupukɨnunkapɨ ui axɨna tusiu aume ta yɨkatɨ tato esati Iyaɨ, ityopiki taruku nɨriakaxti xhopɨnanakiñɨ.

San Juan 14:6

Aiñumuti Jesús nuraxti: –Axɨñɨ tyone axɨmanu kutubiux, axɨna ñemanauntu axɨnaintyo sɨborikixh. Axtɨ chiyakapɨ, champɨti iyebo uiti esati Iyaɨ.

San Juan 16:28

Axɨñɨ isekatɨ ityupekukiti Iyaɨ auki napes nauki isetɨ iku axɨna kɨx, ta kaɨma onkono sobi axɨna kɨx nauki yɨrotɨ tato esati Iyaɨ.

San Juan 17:11

“Axɨñɨ chiyasikiapɨ iku axɨna kɨx, axɨma sɨsioma iku axɨna kɨx tapɨ axɨñɨ yɨkatɨ tanu tato atupekukɨ. Iyaɨ, asasatɨ tyakuma ui nɨriaka takana axɨmanu toxio obi iñemo nauki sɨsioma chepe nakaxɨma, takana axɨkɨ saɨbuñɨ.

San Juan 17:25

Iyaɨ axɨkɨ besɨro napanaunku, axɨbama ikuki axɨna kɨx chisuputaramapɨkɨ. Tapɨ axɨñɨ isuputakɨ, axɨbama aboma isiuñɨ tusiu ɨmoma ta obi aikɨpuruñɨ.

San Juan 17:5

Iyaɨ, aityoximia iñemo axɨmanu niyarusɨrɨkɨ nisɨriaka takana naukiche anankañɨ achepekɨ aukiapae tɨkañe naukiche chuxiantenkipɨ axɨna kɨx.

San Juan 20:27

Auki nanti ɨmoti Tyomanxi: –Asasio niñee asasaityo nipetaku, aisɨkɨma ne'e au nobɨrityux. Tapɨ chakokonaunkapɨ. ¡Akokonau!

San Juan 7:33

Auki nanti Jesús: –Axɨñɨ yasikiaiki auchepe ñome axɨba mɨmanantai naneneka, auki yɨkatɨ tato esati naki uiche aikɨpuruñɨ.

Romanos 8:29

Axɨbama tɨsamamekanama uiti Tupax aukiapae tɨkañe, nauki aisamunema takanati Aɨtoxti, nauki axti Aɨtoxti tyonenti naki kusɨrɨboti aɨbuma namanaiña axɨbama yarukityoxti.

2 Corintios 6:18

axɨñɨ tyonenti naki Aubaɨ, tapɨ axaño isaɨtaiki nichakiumukutaiki año, sane nanti Tupax axti naki taruku nɨriakaxti”

Gálatas 3:26

tyopiki axɨna uikokokati Cristo Jesús namanaiña axaño aɨtoxti Tupax año,

Hebreos 11:16

Axɨna nixhantɨmoma ta iyo kiatax kɨx au napes. Sane naukiche axti Tupax chɨkɨsobotipɨ ui axɨna Tupaxti ɨmoma tyopiki masamunuti ipoboma.

Hebreos 8:10

Axɨna ɨriotɨ sobi isamune aɨbuma axɨbama auki Israel yopɨrɨkɨ axɨmanio naneneka, tyone axɨna sane, nanti Yɨriabux: Iñakio nixhakɨpuku au nityanuxɨma ikonomokio au nausasɨxɨma. Axɨñɨ Tupaxɨñɨ ɨmoma tapɨ axɨma tyonema isaɨtaikimia.

1 Pedro 1:3

Uiñanaunati Tupax Yaɨtoti Yɨriabux Jesucristo, ui yarusɨrɨx nipukɨruxti kiatax kaɨma axɨna nosɨboriki tyopiki sɨborikoti tato Jesucristo. Tyone axɨna kɨmenuche baxɨperaka,

1 Juan 3:2

Masarukityaiki, chauki tɨaɨtoxti Tupax oñɨ. Chɨtusiupɨ nuxia oemo kausaneampae ñana, axɨna tusiu oemo axtɨ tɨkuatati tato Jesucristo axɨna nusaka ta tyoneantoe nakaxti, tyopiki basakati ñana axɨna ñemanaunkuxatoe nakaxti.

Apocalipsis 21:3

Ñonkoityo kɨpurabo tosibixh kuatɨ auki nityɨmoxti Yɨriabux, nantɨ sane: “Auna axɨna kauta po'osoti Tupax aɨbuma axɨbama aɨtoxti. Axti Tupax po'osoti ñana aɨbuma, axɨma tyonema ñana aɨtoxti, axti Tupax tyonenti kunauntañati Tupaxti ɨmoma.

Apocalipsis 21:7

Axti naki chɨtapenekotipɨ toxio ñana ɨmoti nanaiña axɨna sane enaxiboti. Axɨñɨ Tupaxɨñɨ ɨmoti tapɨti isaɨti.