San Juan 19:35 - Manityanati Tupax

³⁵ Axti naki urapoiti axɨna sane tyonenti naki astaiti, ñemanauntu axɨna urapoiti. Tusiu ɨmoti ta ñemanauntu axɨna nuraxti, nauki axaño apikokoityo.

Manitanati Tuparrü

³⁵ Arrüñü Juan yarrtai nurria nanaiña arrüna pasabo sane. Tusio te iñemo, que ta ñemanauntu arrüna surapoi. Sane nauquiche arraño ito puerurrü apicoco.

San Juan 19:35 ပူးပေါင်းရင်းမြစ်များ

San Juan 11:15

Axɨñɨ ipukɨnunka ityopiki chanankapɨñɨ ta'a, sane uxia aume nauki apikokoroñɨ. Kuri basarati.

San Juan 11:42

Tusiu iñemo axɨkɨ nantax onkoi nisura, sukanañɨ sane nauki uxia nakaxɨma axɨbama aboma auna, nauki aikokoma ta axɨkɨ obi aikɨpuruñɨ.

San Juan 14:29

Surapoikai ausukarɨ axɨna sane, ɨmo axtɨ uxiante ñana, auki kaɨma apikokota.

San Juan 15:27

Axañointyo apanityaka ñana au nisɨri, ityopiki amonkaño ichepeñɨ aukiapae.

San Juan 19:26

Naukiche asaratitɨ Jesús ɨmo nipiakɨtoti, anankati ichepe maniki nesaxti apóstol axti naki taruku nikuasɨrɨkɨxti ɨmoti, nanti ɨmo nipiakɨtoti: –Nipiakɨ, akamanu anati aɨ.

San Juan 20:31

Axɨba bokorobo auna tyoneio axɨba oboiche apikokoroti Jesús tyonenti naki Mesías, Aɨtoxti Tupax, ui axɨna apikokota ane ñana ausɨborikibo ityopikiti.

San Juan 21:24

Axti naki tyonenti maniki nesaxti apóstol Jesús naki urapoiti nanaiña axɨba sane. Uiti aikonomoti, tusiu oemo ta ñemanauntu axɨna nuraxti.

Hechos 10:39

Axɨsomɨ sumastai nanaiña axɨna isamutenti au Judea, au Jerusalén. Auki takubaxioti uimia kɨtɨpɨ kurusɨx sane ityabairomati.

Romanos 15:4

Nanaiña axɨmanio ane korobo tɨkañe, korobo nauki tyone manunekanabo oemo, nauki taikiana uixh uxia numakionko saneityo baxɨpera kɨmenu axɨmanu ɨriotɨ oemo.

1 Pedro 5:1

Ixhanka xhanuneka ɨmo mayɨriabuka axɨbama ikokoromati Jesús, axɨbama aboma abaxɨpeku, axɨñɨntyo yɨriabuxɨñɨ takana axɨma, sukarɨñɨ tɨkañe axɨmanu nityakisɨrɨkɨxti Cristo. Axtɨ tɨkuatati tato ñana Cristo axtɨ tɨtusiankana uiti ñana axɨmanu champɨ takanache nɨriakaxti iyeboityo ñana sobi axɨmanu nɨriakaxti. Axɨna nixhanunekaka tyone axɨna sane.

1 Juan 5:13

Xhakonomoka aume axɨna sane axɨbama ikokoromati Aɨtoxti Tupax, nauki atusi aume ta ane ausɨborikibo axɨna chɨtakɨrusupɨ.

3 Juan 1:12

Namanaiña manityanama uxia kɨtɨpɨti Demetrio, u nisɨborikixhti atusi oemo ta ñemanauntu nuraxɨma. Axɨsomɨntyo uxia supanityaka kɨtɨpɨti, axɨkɨ tusiu aemo ta chɨsupapankapɨ.