San Juan 18:18 - Manityanati Tupax

¹⁸ Axɨmanu tobixh ximianene, axɨmanuma kumanakaka ichepe axɨmanuma asaramatɨ tyaku nipo meankax, maunximianama pes uiche apee ɨmoma. Anankatityo Peru akamanu ichepema baperoti.

Manitanati Tuparrü

¹⁸ Rrimianene manu tobirri. Arrümanuma mamosoca y bama bacuirara maunrrimianama pese acamanu. Aboma atüraimia baperoma. Auqui arrti Pedro aürotitito esama, atüraitito ichepema, baperotito.

San Juan 18:18 ပူးပေါင်းရင်းမြစ်များ

San Marcos 14:54

Tapɨti Peru sɨrotitɨ isiuti auki icheatai iñataiti au nusuara nipoxti maniki yɨriabux sacerdote, akamanu atɨmoti axɨpekuma axɨmanuma asaramatɨ tyaku nipo meankax, baperoti pes.

San Marcos 14:67

Asaratɨ ɨmoti Peru, anankati baperoti pes, astayotɨ nantɨ ɨmoti: –Axɨkɨtyo anankɨ ichepe Jesús, axɨmanu auki Nazaret.

San Lucas 22:44

Eana taruku nityakisɨrɨkɨxti Jesús, taruku neankaxti, axɨna numuɨnkɨx ɨmoti xɨkio akɨ takana notox.

San Juan 18:25

Tapɨti Peru, anankatiki akamanu, baperoti pes. Ñankitioma pɨnanakiti: –¿Kanapaemo axɨkɨtyo anankɨ isiuti maniki noñɨnx? Tapɨti Peru nanti ta chisuputaratipɨ, nanti sane: –Chaxɨpɨñɨ.

San Juan 18:3

Sane naukiche iñataiti Judas akamanu aɨbu masortaboka chepetyo axɨmanuma asaramatɨ tyaku nipo meankax yakɨpuku axɨmanuma ɨriatu axɨbama sacerdotes ichepe axɨbama fariseos. Amonkoma yupu nikomesɨma abetyo uimia basaruka.

San Juan 21:9

Naukiche tiñataimia abeu, astaimia onximiana pes, ananka onɨ taman nopiokox chepe pan.

Hechos 4:23

Axti Peru ichepeti Kuan, naukiche tɨtaesɨburuma, sɨromatɨ tato esa makiataka, auki urapoimia sukarɨma nanaiña axɨna namatɨ ɨmoma axɨmanuma mayɨriabuka.

1 Corintios 15:33

Tapɨ apichɨkaño nauki autapeneka. Takanati maniki nanti: “Axɨbama aboma ochepe axtɨ chuxiampɨ nisɨborikixhimia uimia mameso axɨna nubacheata uisamune.”