San Juan 18:12 - Manityanati Tupax

¹² Axɨmanuma masortaboka ichepeti ɨriatuxɨma ichepetyo axɨmanuma judíos asaramatɨ tyaku nipo meankax, iñenomati Jesús auki tomoenoti uimia.

Manitanati Tuparrü

¹² Auqui arrümanuma masortaboca ichepe bama üriaturrüma y bama policiarrü israelitarrü iñenomati Jesús, itomoenomati.

San Juan 18:12 ပူးပေါင်းရင်းမြစ်များ

San Mateo 26:57

Axɨmanuma uiche aiñenomati Jesús sɨromatɨ aɨbuti au nipoxti Caifás, ɨriatu axɨbama sacerdotes, kauta axɨbama manunekanama bakɨpukux uiti Moisés mayɨriabuka axɨbamaintyo mayɨriabuka amonkoma oberabarama.

San Mateo 27:2

Sɨrotitɨ uimia tomoenoti nauki aityoximianamati ɨmoti Pilato, naki yɨriabux romano.

San Mateo 27:27

Axɨmanuma masortaboka sɨromatɨ aɨbuti au nipoxti yɨriabux akamanu oberabarama uimia makiataka tyupekuti.

San Marcos 14:53

Auki sɨromatɨ aɨbuti Jesús esati yɨriabux sacerdote, iyoberabaramakɨ akamanu namanaiña axɨmanuma ɨriatu axɨbama sacerdotes, axɨbama mayɨriabuka axɨbamaintyo manunekanama bakɨpukux uiti Moisés.

San Marcos 15:1

Tansɨrapae, iyoberabaramakɨ axɨmanuma ɨriatu axɨbama sacerdotes ichepe mayɨriabuka axɨbamaintyo manunekanama bakɨpukux uiti Moisés, namanaiñantyo mayɨriabuka. Ikianamati Jesús tomoenoti, auki ityoximianamati ɨmoti Pilato.

San Lucas 22:54

Auki iñenomati Jesús sɨrotitɨ uimia au nipoxti yɨriabux sacerdote. Sɨrotitɨ Peru isiuti auki icheatai.

San Juan 18:3

Sane naukiche iñataiti Judas akamanu aɨbu masortaboka chepetyo axɨmanuma asaramatɨ tyaku nipo meankax yakɨpuku axɨmanuma ɨriatu axɨbama sacerdotes ichepe axɨbama fariseos. Amonkoma yupu nikomesɨma abetyo uimia basaruka.

Hechos 10:1

Au Cesarea anati taman ñoñɨnx po'osoti nɨrixhti Cornelio, yɨriabuxti ɨmo taman cuartel nɨrixh “La Italiana.”

Hechos 21:31

Xhanxɨmampɨ aityabairomati, auki axti maniki ɨriatu masortaboka auki Roma, urapoimia sukarɨti namanaiña axɨmanuma po'osoma auki Jerusalén ta chɨmastakaxɨpatai uimia.

Hechos 21:37

Naukiche tɨniyɨkɨxɨmampo aɨbuti au nipo masortaboka, ñankitioti Pablo pɨnanakiti maniki ɨriatu masortaboka: –¿Ensapɨ chebo obi iñemo xhanitya baeta aɨbukɨ? Aiñumuti maniki ɨriatu masortaboka: –¿Aipiaka anitya auki Griego?

Hechos 23:10

Ui axɨna tɨnamanañantai uratokioma ɨmomantoe, axti maniki ɨriatu masortaboka bixhubuti tyakuti Pablo tapɨ iñaxioti uimia, bakɨpuruti ɨmo masortaboka, nauki aikiaɨburumati Pablo aukimanu axɨpekukimia, tari yɨrakamatɨ aɨbuti tatityo au nipo masortaboka.